1 Fitanu 5:9 - Yareba

⁹ Dawa yaba eno ufisuna yanu naueta ma buna uwae. Ya iwata, dawa i naueta uwara nesiaba enanari siosawere utasu.

1 Fitanu 5:9 ပူးပေါင်းရင်းမြစ်များ

Joninu 16:33

Nana wene sinana yanu neno Nabai odifote kobererau ibifoe iba wene. Ewa nasiniro ibedana oferi woureiboita. Nono Nana ewa nasininu ueta sinetaini ibaiabai nesia arisiareba iba inare kimu uawe wei.

1 Korinita 10:13

Imue eawe! I yabai farasu ba me ue eretana reka kamama me. Ina uwara nesiabai farebasu. Godima ya da ekodifite i ba me ueta nesia ekodifoe ya ma buna ufisuba i ba me ueta ekodifoe imufoitana ekodifoita.

Efesa 4:27

Seitanima danu siosa imueta yaba maosoba ibo sau kodifoe watane.

Korose 2:5

Nana yabai ibawaro nono nanu neno yabai ibinuro yana kobererau uteda Yesu Keriso imuegou utaitaba nenoma yaru utatane.

1 Tesoronaika 3:3

Yana ane ane yabai faosoro iba Godi ekodiotoba Timoti siaia uturo yabai ani. Yana Godinu uwaraba Godinu wei sina enanari aika uwarama yabai siosawere utaita. Ina ya iwata utaita.

1 Timotibai 6:12

Anu imueta derawere ufie seitanini woroworo uraneta ari utebea. Ana uwara faiyawerebai na Godi imutatane weiba Godima aba me ibene ibene ibeta mafie yua we mune odi. I me ibene ibene ibeta mamegou ua.

2 Timotibai 3:12

Enoba anama Godinu ueta sineta Yesuini ufie webisuna uwarama ereda dawaba siosawere ufitaita.

2 Timotibai 4:7

Godinu gaukara, ina uraneta ari uegou unete Godinu siraka ari durami unete Godi ekodawa une.

Iburu 11:33

Emanu naueta Godibai ibiba emana orofa aika maika uwara urane ma serigari utebitate eme nesia kobererau yawoegou utebitate Godinu we bou ueta nesia munebita. Emana moana osi ue awe derawere uyareta egi danu ifuna raiyoni danu bebetu garari utebitate derawere ina yareta ma uitebitaro emema ema kaiyama ma uitawa utebita. Emana buna meba Godima ema ma buna utebiba i aika uwara urane ma serigari utebita.

Iburu 12:8

Danu adarabu ure ma rorowarau ufite nono ya ure ma rorowarau da ufisuna yana Danu adarabu me. Yana dabaro muneta uwara ari.

Jeimisinu 4:7

Godinu sina muawete yanu nenoma seitanini ba uranono uawete danu sina naue kodiawero dawa ya ekodifite aika anibi.

1 Fitanu 1:6

Yabai yaru derawere fafisuba awona yaru uawe. Awonana awe aika maika yabai uyaraitana Godima yanu naueta ue efie yanu naueta kobererau aba aramawere iba eno utasu. Emema goru inama yarebaita. I goruna me ibene ibene ibeta ibaiabai me. Emema goru mubitae inama yarebaitaro fefetasute ba goru farebasuro i gebiro ido me sinebaitaro kobere goru ibebasu. Enanari Godinu awe uyareta yabai farasuna yanu naueta ue erasuba Godima yanu kobere me ibene ibene ibeta nauetaba Yesunu fareta dubu kowaro yaba we ma kobererau ufite ya we ma arateda yanu ifu we ma derawere ufisu.

1 Fitanu 2:21

I oferi wouretana yanu gaukara. Godima yaba mai. Yesu Kerisoma yaba oferi wourebiba Dawa yanu ereta. Enoba Danu buribi ane enanari uawe.

1 Fitanu 3:14

Nono yana kobererau uforo moana uwarama yaba siosawere ufitaitana Godima ya ma kobererau ufisu. I uwaraba iya da uyawete Yesu Keriso nenoma imuegou uawete Dawa yanu Dera Waria Amara imuteda Danu ifu we ma uyawe. Ana anama yanu imuetaba wenauefitaitana emaba kobererau uteda kekeramaratu moko wiawe.

1 Fitanu 4:13

I awe uyaretaba iya da uyawete yaru uawe. Yana Yesu Kerisonu oferi woureta uruama woufoitaba duburo Danu araetawere faretaba yaru derawere ufoita.

Jonibai We Ma Boroyari Sina 1:9

Na Joni, nana ya uwara nesianu yaiye. Yaini naini Yesubai taka ue ibinisi, iba awona Yesu Kerisoma ya yawotasuro ewa orofaro ibedana yaini uruama Danu gaukara utaisi. Eno utaisiba emema yaba awe uyaraitaro oferi wouraisite ya nesia inare kimu utaisi. Nana Godinu sina wete Yesu Keriso naba we ma boroyari sina weba na fanisi mateda na mune Fatamosi mutumuturo oitaro ibitara.

Jonibai We Ma Boroyari Sina 6:11

Eno weitaro nauete erena inararabo wadia ema demui demui maite eno wei, imoiawero yanu yaiyemutuini yanu gaukara arotorowa ueta uwaraini yaini wasai uwarama ure uitebita, i nesia arotorowa ufiroma Godima yanu uieta moko emaba fanisi mafisu weiro naue.