1 Fitanu 3:7 - Yareba

⁷ Ya awerasiba sina wemaro nauawe. Ya awerasima yanu awetabobai kobererau ibeda ema imuegou uawe. Yana bunawere emana buna meba emanu ofeba kakara uawe. Emaini yaini Godinu kobere durua ueta uruama munaitaba yanu awetaboba siosawere ufoitana Godima yanu guriguri ueta da naufisu.

1 Fitanu 3:7 ပူးပေါင်းရင်းမြစ်များ

Matiunu 18:19

Nono yaba ba wemaro nauawe. Yabai amara sadeima aba moana uwarama imueta daba demurai imuteda Godibai wenauefitaitana Nanu urero ibinu Babama ina emaba mafisu.

1 Korinita 7:3

I awerama danu awetabai danu ofe garari da ufiro awetama danu awerabai danu ofe da garari ufi.

Efesa 3:6

I kiwuma imuetanu ubina edono, i aika uwarama Godinu kobere sina nautaitaba Godima emaini Ju uwaraini ema nesia ma kobererau utasu. I aika uwaraini Ju uwaraini ema nesia Yesu Kerisonu ofero demurai uwara. Idoba Godima Yesu Kerisoro we bou ui. I we bou ueta nesia ya uruama munaita.

Efesa 4:30

Godinu Imumu Kotofuma neno siosa uosoba siosawere da uawe. Yana Godinu uwaraba Godima Danu Imumu Kotofu yanu neno ubarero odiba nono duburo ya mune Danu orofaro odifisu.

Efesa 5:33

Nono nanu sina merogo, ya awerasi yana yanu torowa imutaita enanari yanu awetaboba neno arama uawero ya awetaboini yanu awerasinu sina nesia nauawe.

Efesa 6:18

Eno utedana Godibai guriguri utebeawe. Godibai guriguri ufoitana Godima ya durua ufie nui wiawe. Godinu Imumu Kotofuma Danu imueta yabai odifiro Godibai guriguri uawe. Guriguri da kodiawete uyawete i naueta uwara nesiaba Godibai guriguri uawe.

Korose 3:19

Ya awerasi ya enanari yanu awetaboba neno arama uteda ibo da uawete kobererau torowa uawe.

1 Tesoronaika 4:4

Ya nesia kobere aweta muneta daba iwata uegou ufote awetaboba ititi kakara uteda yawoegou ufoe iba yaba watane.

Taitasibai 3:7

Danu ununa Danu me maeta ima ya ma kobererau ufiro ibene ibene ibeta imufete mubene iba eno ui. Ewa sinana ba sina.

Iburu 1:14

Enoba i aneruna ane ari? Emana Godinu gaukara ueta imumu torowa. Godima ema siaia utasuro anaitate Godinu wiroeta mubitaita uwara durua utebaita.

1 Fitanu 3:1

Ya awetaboma ya nesia yanu dera uwaranu sina nauteda utaisi i enanari yanu awerasinu sina nauawe. Moana awerasima Godinu sina nautawa utebitaro nono yana emanu sina nauegou ufoitana yanu kobere ueta sineta efitate Godi imufitaita. Yanu kakara ueta sineta ima yanu awerasinu imueta ma owefisu.