Yoon 9:39 - Yomgkom

³⁹ Kwane, Yesumbed yedmoon, “Wengyundi dowadbed ne kuu okad yiri manaan. Kwanako indob tut kuu wedmiiwo, yena wedmiib kuu tut kerewonoko.” andoon.

Yoon 9:39 ပူးပေါင်းရင်းမြစ်များ

Matyu 11:5

Indob tutdan kuu wedmiib, yon arewadan kuu dodkaib, kaningki bobdan kuu amun kere doriib, kerendem kebengkoondan kuu wengaib, dukniwendan kuu ika dembiwen, kwane God ye weng amun kuu kamboknondan yaa daandeen.

Matyu 15:14

Yi kuu domondime. Yi kuu indob tut korok korok kowe. Kudi, kwane indob tut korokbed wene indob tut karub maa nen kinban wananeen kuu yi ayoob kwane wene dem kombaraniib.” andoon.

Matyu 6:23

Ma, kwamune eb indob arewa keraneen kuu eb id kumundin kumunmo keraneen. Kowe eb niindem aom angkeen kuu korem kumunmo keraneen kuu korem miin kumun darewoob kere wedmindeban keraneen kii.

Yesu Ye Weng Amun Lukbed Wongkoon 1:79

Bobni kurumbon yiri doriibdaniib kumun yiri doriibdaniib yaa mene yurekore, nangkem yewenubmo ye inamen kedmengkandaneen.” andoon.

Yesu Ye Weng Amun Lukbed Wongkoon 13:30

Anam, kane kanembed yoman keriwen kuu yidin arinaniib, angkon yidin ariniwendan kuu yoman keraniib.” andoon.

Yesu Ye Weng Amun Lukbed Wongkoon 2:34

Kwane, Simeonbed yi yaa amun kerundekore, Meri yaa yedmoon, “Dana kee, yembed Israeldan yemoon kuu andokbaneene, yena kirobaniib yena ari daananiib kamaniib kii. Ye kuu Godbed wedme kaadkeri yeman korokboon kumban, yemoon kuu ye yaa bon keraniib kowe,

Yesu Ye Weng Amun Lukbed Wongkoon 4:18

“Yariman ye Kingkin kuu ne yaa doreen, amborom kuu kamboknondan yaa weng amun kedmengkandi ye deme dowad kuu yembed ne korok ari amob ok bune kinoon kowe. Godbed yedmoona manaan kuu bonmanbed karuwa nimaya yembed boon yaa kuu be yeedere wananeen ye wengiib indob tutdan kuu ongmaneene ika wedmaniib ye wengiib be meneni, dabab wayiroondan yaa kuu ben yeedereni,

Yesu Ye Weng Amun Lukbed Wongkoon 7:21

Kuyaron aom kuu Yesumbed bob anikaddaniib bob bobdaniib awad arewambed ibnendoondaniib indob tutdaniib kuu yemoon ongmenaboon.

Yoon 12:31

Kibik aron kee okad kiri wengyundi yaron kii. Kwane, okad kiri oonoonman kuu Godbed kan bunangka koraraneen.

Yoon 12:46

Ne kuu okad kiri kee nambiri areb kere manaan kowe, karub kanembed ne yaa anam andoon kuu ye kuu kumun aom dobaraan andid.

Yoon 3:17

Kwane, God kuu ye Mingki okad nimakarub yaa kowoona monoon kuu ye yaambed bobni yaa burudande bindi ye dowad monoon, wengyunde dabab kondi dowad minindo.

Yoon 3:19

Wengyundi ye weng kuu kamune kii, Nambiri kuu okad yiri monoon, kumban nimakarub kuu nambiri korondenib kumunbed yi dowaken darewoob keriwen, amborom kuu yi kuu arewamo kamimaib kowe.

Yoon 8:12

Kwane, Yesumbed nedbiwendan yaa ika dakmoon, “Ne kuu okaddan ye nambiri kii. Kowe kanembed ne yoman mananeen kuu kumun aom wanaanban kuned wadkeri ye nambiri kandaneen.” andoon.

Yoon 8:15

Yiib kuu karub yi inamen yaambedmo wengyundimaib. Kumban ne kuu karub kane yaa ma wengyundokban.

Yoon 9:25

Kwane, karub kumbed inandundoon, “Ye kuu ambarakmi karub deeyo kuu ne nekaadban kumban, nembed nekaadkeraan kuu ne kuu indob tut kumban kibik kee ne kuu kerekne wedmiin.” andoon.

Kwamiwen 26:18

kwane wene ebbed yi indob nandeneb, kumun aom doriibdan kuu ebbed nambiriyiib yaa benweneneb, Seten ye aromkono aom doriibdan kuu ebbed God yaa benwananeeb kii. Kwananeeb kuu Godbed yi ambarakmi kuu are nonondandaneene yi kwangkon ne yaa anam andiwendan Godbed yorokmo ongmene yi yumbon kondoon kuu yi kwangkon kandaniib ye dowad kui.’ andoon.

2 Korindan 2:16

Kukuu monmaraneene duknaniibdan yaa dukni ye baeb kuwi yeman, kumban bindaneene wad dobaraniibdan yaa wadkeri ye baeb kuwi yeman kii. Yesu ye weng amun kanyare dakmi ye deme kuu kanembed yeka yimin kere awinaneen? Dowan!

Efesusdan 5:14

amborom kuu nambiri kuu ben dian keri yeman kowe. Kwanekob, ke kwamune yedmoon kei, “O unukudbob, dembe, bobnewen yiri kuu dembebko, Keresumbed eb niindem aom nambiri yurok.” andoon.

2 Tesalonaikadan 2:10

arewa maa maa koremiib kumbed duknaniibdan yaa kamene birandaneen. Yi kuu duknaniib, amborom kuu anam anam yaa dowakeniibban kere wunekariwen kowe, Godbed bindaanban.

1 Pita 2:9

Kumban, yiib kuu Godbed kinoondan, Korok Darewoob ye dore nimakarub dore wedyiri dobiridan, karadmo kamidan, God ye karuwa nimaya kui. Kwane keriwen kuu kumun yiri doriiwa baande bene ye nambiri amun kai aom wooroon ye God yaa kubi wengiib yaningko kankoonime anded.

1 Yoon 2:11

Ma, karub kanembed ye kuristen angkodmi yaa arud wandenembaraneen kuu, kumun yiri dorone kumun yiri kwane yareen kii. Kwani kowe, ye kuu yareen kuu ye koron, amborom kuu kumunbed ye indob kuu kebenenoon kowe.