Yoon 8:12 - Yomgkom

¹² Kwane, Yesumbed nedbiwendan yaa ika dakmoon, “Ne kuu okaddan ye nambiri kii. Kowe kanembed ne yoman mananeen kuu kumun aom wanaanban kuned wadkeri ye nambiri kandaneen.” andoon.

Yoon 8:12 ပူးပေါင်းရင်းမြစ်များ

Yook 18:28

Eb kuu ne kiwaan yurimaab, o Yariman ne God, eb kuu kumun aom doriin kuu kan amonombe nambiri kerimaab.

Yook 49:19

ye kuu yambe yawoya awoya yaa daboknendaneen, yi kuu kumun aommo doberembaraniib kui.

Yook 97:11

Nambiri kuu yorokmodan ari yurene kubi kuu kangdommo doriibdan yaa kondimaan.

Matyu 5:14

“Yiib kuu nambiri areb, okaddan korem yaa ye nambiri kui. Kuu kwamune, siti aangko arimbed kuu biknindeban.

Yesu Ye Weng Amun Lukbed Wongkoon 2:32

ye kuu nambiri Yuudanban yi nimakarub wedmi yeman. Ye kuu eb nimaya karuwa Israeldan yi aningko darewoob keri yeman.” andoon.

Yoon 12:35

Kwane, Yesumbed yi yaa yedmendoon, “Nambiri kuu yiiwiib aom kuu aron doboobban angkimbaraneen. Kwane, kumunbed mene dabundandameen kowe, nambiriyiib kembed yarime. Karub kanembed kumun aom winimaan kuu yembed kunaya weneen kuu yekaadban kowe.

Yoon 12:36

Nambiri kuu yiib yoom yeyiib doreen kumbed ye yaa anam andime. Kwananiib kuu yiib kuu nambiri ye nimakarub keraniib.” andoon. Kwanandekore, yiyiib yaa koronde wene biknoon.

Yoon 12:46

Ne kuu okad kiri kee nambiri areb kere manaan kowe, karub kanembed ne yaa anam andoon kuu ye kuu kumun aom dobaraan andid.

Yoon 14:6

Kwane, Yesumbed inandoon, “Nembedmo kuu kiwaaniib anamiib wadkeriyiib. Ambe yaa wananiib kuu ne yaambed dore dangkoro wananiib, kumbedmo.

Yoon 3:19

Wengyundi ye weng kuu kamune kii, Nambiri kuu okad yiri monoon, kumban nimakarub kuu nambiri korondenib kumunbed yi dowaken darewoob keriwen, amborom kuu yi kuu arewamo kamimaib kowe.

Yoon 7:17

Karub kane kuu dowaken kerene Godbed ye dowaken keroon yaa ambangkaneen kuu, nembed kee kedmengkandiin kuu God yaambed monoon dee, neka ne meeni dakmiin dee kuu yekareb andangke yekaadkeraneen.

Yoon 9:5

Ne kuu okad kiri dobaraan ye aron kuyaom kuu ne kuu okaddan yi nambiri kui.” andoon.

Kwamiwen 13:47

Yarimanbed nub yaa kwanime ande yedmendoon kuu, ‘Yuudanban yi dowad, eb ongmaanka nambiri kerewen. Kwanaan kuu eb yaambed okad yimin yimindan yaa kuu bobni yaa kuu burudande bindaniin.’ kwane wongkoon kui.” andoon.

Kwamiwen 26:23

Weng kuu kei, Godbed Kinoona Monoonman Keresu kuu durud yewed kandene bobnekore, yedin bobni yirimbed ika demboon. Demboon kumbed nambiri ye wadkeri kuu Yuudaniib Yuudanbaniib yaa daandoon.” andoon.

2 Pita 2:17

Kwane, dudi ye kedmengkandi korok korok kee okiibban ye ok kirubdem areb, yi kuu amiibban ye wiib nuubbed awunene kanwenemoon areb, yi kuu ambodiib areb kumban, anam kuu id dowan. Yi yumbon kuu miin binmo ye kumun anam yiri ande kerundoon.

2 Pita 2:4

Kedi, engyus yenambed ambarakmiwen kuu Godbed meenimban ande yedmindo, kumbaanban yamotbon yiri ben nongkoboon, wii botdem aom kumun yiri yuroona doriib, amaanbed wengyundaneen andi ye dowad.

1 Yoon 1:6

Kwane, nubbed kamune yedmanuub, nub kuu ye yaa yone daboknuwen andanuub kumban, nub kuu kwane kumun kiwaan yaa dobaranuub kuu dudana-bidan keranuub, anam anam ma awi-naubban.

Kerek Judbed Wongkoon 1:13

Yi kuu karamok yu oknondok arud areb, ok kamok areb yi komo kamimaib kuu karak bobni yeman. Kwane, yi kuu mindong ambid ari awerenmo yarimaib areb, yi yoman wini kuu yiminban. Kowe, yi kuu miriknimbon kumun doromod wimaan kuyaom ben kiraraneena aron korem dobaraniib.

Kerek Judbed Wongkoon 1:6

Kwane meenime, engyus yenambed yi aromkono ye yumbon kunaya kowoon kuu wunekare domondiwen. Kwani kowe, kangdod kerundi ye aron darewoob kinoon kwari wengyundandaneen ye dowad kuu, Yarimanbed yi kuu kumun yiri sein aron korem yemanbed yerengkandoon.

Korokboon 21:24

Kuye nambiri yurembirimaan kumbed ambibkin mimim koremdan kuu yaraniib, kwane okad yiridan yi king kuu God ye nambiri kandiweniib kuu kuyaom be menebaniib.