Yoon 20:15 - Yomgkom

¹⁵ Kwane, Yesumbed kaamondoon, “Wonong ee, komandewed ameng kameeb? Ub kuu kane ande kereknaab?” andoon. Merimbed meeneen kuu ye kuu kuye yongbon oonoonman andeen kowe, ye yaa yumbed yedmeen, “Korok, ebbed ye id kuu kanwene kowewen keraneen kuu yedmewebka wene kanda.” andeen.

Yoon 20:15 ပူးပေါင်းရင်းမြစ်များ

Matyu 12:34

“Yiib kuu niindok yi meed, komarewa kere arewadan yiib kuu barang amun ma ande dakmaniib? Dowan! Meenime, karub ye niindem aombed ben bangkandimaankob ye mongkodkono yaambed dembimaan.

Matyu 28:5

Kwane, engyumbed nima yaa yedmoon, “Yiib kwane unaib. Ne kuu nekaad, yiib kuu Yesu ande onmenmo meniib, ye at ming ari bakumbed dariwen kwandiwed.

Maak 16:6

Kwaniiwe, yembed yi yaa yedmoon, “Binangke unaib. Yiib kuu Yesu Nasaretman at ming arimbed dariwen kui ande wedmok miniwen, kumban ye kuu demboon kii! Kemaomban. Wedmime, ye bob id kanwene kowiwen kuyaa kuu. Dowan!

Yesu Ye Weng Amun Lukbed Wongkoon 2:44

Yimbed meeniwen kuu karub yena yi yoom weniib yaa kuyaom manok andiwen kowe, aron mimo no weniib, onmindo. Aron mimo dowan keruune, kwane ye ande yi angkodmiayiib yi karubkimiib yaa onmiwen.

Yesu Ye Weng Amun Lukbed Wongkoon 24:5

Kwaniiwe, nima kuu uni darewoowiib kumbed bumangkenib korok kan kubune okad yiri badmendiwen. Kumban karubbed yi yaa yedmiwen, “Yiib kuu komandiwed wad doreen ye karub yaa kuu bobkonombon aombed ande onmiib?

Yoon 1:38

Kwaniiwe, Yesu amonombe anuk yi ayoob ku meniib yaa wedmendene kaamondoon, “Yiib kuu komarewa?” andoon. Andoona, yimbed inandiwen, “Rebai.” (weng id kuu kedmengkandi korok) “Eb kuu kunayambed dobirimaab?” andiwen.

Yoon 18:4

Yesu kuu ye yaa komo komo kere wanandameen kuu yekaadkeroon kowe, yaro wenene yi yaa kaamondoon, “Yiib kuu kane ande kereknanmo yariib?” andoon.

Yoon 18:7

Kwane, Yesumbed ikakman kaamondoon, “Yiib kuu kane ande kereknaib?” andoon. Kwane, yimbed “Yesu Nasaretman anduwed.” ande inanduniwen.

Yoon 20:13

Kwane, yu yaa kaamondiwen, “Angkodmi, komandewed ameng kameeb?” andiiwe, yumbed yedmeen, “Ne Yariman kuu kanwiniwen. Kwane, yimbed kunaya kanwene kowiwen kuu ne nekaadban.” andeen.