Yoon 16:20 - Yomgkom

²⁰ Nembed yiib yaa ke anammo yedmendaan kei, yiib kuu amengiib yuudanabiyiib kamaniiwe okad yiridan kuu kubenabaniiwa kamaniib kii. Yiib kuu miin kubiyiibban ye dabawiib keraniib kumban, yiib kubiyiibban kuu amonombe kubi dowaken keraneen.

Yoon 16:20 ပူးပေါင်းရင်းမြစ်များ

Yook 30:11

Ne yuudi kamiin kee ebbed kande amonombe kube andenabi yeman kerewen, kwane ne yuudi yebkad boronaan kuu ebbed biande kubimbed inwaruwewen.

Yook 30:5

Amborom kuu ye arud kuu aron dukmen manambed dowan kerimaan, kwane ye dowaken kuu wooni yaronbed wene bobni kumbed angkimbaraneen. Amnoom kuu ne kuu ameng kamenabe wene amkimo kuned, amkimo kerimaan kuu kubi kanminimaan.

Yook 97:11

Nambiri kuu yorokmodan ari yurene kubi kuu kangdommo doriibdan yaa kondimaan.

Matyu 21:38

Kumban, kwamune mongkobon ooniwendan kuu wedmekorib yikareb dakmiwen, ‘Ke meneen kee, yariman ye yumbon kandi ye karub kii. Wene aye kowekorub, nubbed ye okad kee be nubka oonem.’ ande kamiwen.

Matyu 5:4

Kane kane yuudi ameng kamiib kuu Godbed amun kerundoon, amborom kuu Godbed yi mimyob kankubunaneen kowe.

Maak 14:72

Andoone, erebnariyiibban ayam kabang ayoob andi kamoon. Kwanoone, Pita kuu Yesumbed ye yaa kwane dakmoon kuu “Eb kuu ne yaa ye kuu nekaadban andimo kame ayoobmimiib keraneebkob ayam kabang kuu ayoob keraneen.” ande yedmoon kuu ika meenekore, kubiyiibban darewoob kere ameng kamoon.

Maak 16:10

Kwane, angkanoone, yumbed wenenu ye yoom dobiriwendan kuu yuudiyiib amengiib kamiib yaa wene daandeen.

Yesu Ye Weng Amun Lukbed Wongkoon 22:45

Kwane, kurikuri kame dowan kerekore, ye kedmengkandeendaniib yaa wonoon. Yi kuu mimyob wandoonkob aromkonoyiibban keriwen kowe unuk dangiwen.

Yesu Ye Weng Amun Lukbed Wongkoon 22:62

Kwane meenekore, Pita kuu ye mimyob wandone wene bunangkambed ameng darewoob kamoon.

Yesu Ye Weng Amun Lukbed Wongkoon 23:27

Nimakarub yemoon kuu Yesu ye yoman weniib. Nima yena kuu mimyob kowekorib, yuudanenib ameng kamiwen.

Yesu Ye Weng Amun Lukbed Wongkoon 6:21

Kibik mungimo doriibdan, yiib kuu Godbed amun kerundoon, amborom kuu yiminmo keraniib kowe. Kibik ameng kamiibdan, yiib kuu Godbed amun kerundoon, amborom kuu ambon kamaniib kowe.

Yoon 16:33

“Nembed weng kee dakmenabaan kee ne yaambed yiib niindem aom yewenubmo kerok andid. Okad kiri dobiri kuu dabab kandi yeman. Kumban yiib niindem aom aromnime, okad kiri kee nembed burudandaan kowe.” andoon.

Yoon 16:6

Weng kee kibireb yiib yaa dakmaan kumbed kubiyiibban ye mimyob yiib niindem aom demboon.

Yoon 20:20

Kee kwane yedmoonkin, ye dingkiyiib ye id kebed yaayiib korokbendoon. Kwane, kedmengkandeendan Yariman wedmeniwen kuu kubi miin darewoob keriwen.

Kwamiwen 5:41

Kwane apasodan kuu Sanidirindan domonde kubenmo winiwen, amborom kuu Yesu ye weng amun ye dowad durud yewed kuu kandiwen. Kuyaa kuu Godbed kinoona Yesu ye inamen yaa yooniwen kowe karub amun ande meenoon.

Romdan 5:11

Kuu kumbedmomban, nub kangkon nub Yariman Yesu Keresu yaambed God yaa kubi darewoob keruwen. Yesu yaambed God yaa kunum keri kuu kanduwen kii.

2 Korindan 6:10

Kwane, nub yaa kuu yenambed kubiyiibban mimyob wandi kerundiwen kumban kubimo doruub. Kwane, nub kuu kamboknon keruwen kumban kedmengkanduwen kumbed yena yemoon yi anam andiwenkob yi anam andi yaa kuu yiribman yemoon keremoon areb keriwen. Nub kuu dingkirud keruwen kumban kumkam korem kuu nubman.

Galasiadan 5:22

Kumban God ye Kingkin ye yob irimaan kuu, mimyob dowaken keendiyiib kubi ye inameniib yewenub dobiriyiib yodbirimban iwarimbed dobiriyiib awandiyiib amun amun kamiyiib korondiyiibban kwane awinembiriyiib

1 Tesalonaikadan 1:6

Yiibbed nub yaayiib Yariman yaayiib kumun ingkiwen. Kwane, durud yewed yemoon yiib yaa meneboon kumban, Kingkin Karadmombed kubi kondoon kumbed yiib kuu weng amun angkodmende awiniwen.

Yems 1:2

Nangkodmia, dabab maa maa yiib yaa meneboka, kubimombed dobirime,

Kerek Judbed Wongkoon 1:24

Yiib kuu ambarakmi yiri kombaraib ande awandi kuu God yembedmo yimin. Yiib kuu yiib ambarakmiyiibbaniib yiib kubi miin darewoowiib ben ye aromkono nambiri arinambo benmini kuu kangkon God yembedmo yimin.

Korokboon 11:10

Kwane okad yiridan kuu yi ayoob dukniwen yaa yoyandekorib orok ane barangbed neman munob konoon konoon kamaniib, amborom kuu profesidan ayoob kembed okad yiridan yaa durud yewed kondimaib kowe.

Korokboon 18:7

Yukareb nambiri kandenu yu id yu dowaken yaambed yiribman yewudmo been kuu, kumunkingke durud yewediib mimyob wandembiri yemaniib ibmo kere kondime. Yukareb kerengkan kerenu ‘Ne kuu kuin keraan, wonong iribban kowe, mimyob wandainban.’ andimaun.