Yoon 14:27 - Yomgkom

²⁷ Yewenubmo dobiri kuu yiib yaa kowaan, ne yewenubmo ye inamen yiib yaa kowaan kii. Okad kiridanbed kondimaib arebban kowaan. Kowe, yiib niindem aom dabawiib kere meeni darewoob keraib, kwane unaib.

Yoon 14:27 ပူးပေါင်းရင်းမြစ်များ

Yook 11:1

Yarimanbed kukbimaanbon aombed dobirimain. Kowe, inamen arewaman, eb kuu kanekob ne yaa kuu ke yedmewewen kei, “Ayari on areb ewaangko ari wanwene.

Yook 112:7

Ye kuu weng yuk arewa yaa kuu ma unaanban, kwane ye niindem aom kuu kiringmiyiibban kangdommo, Yariman yaamo angkumone doreen.

Yook 27:1

Yariman kuu ne kiwaan ari weniin yaa nambirimaan ye karub, kwane ye kuu ne nen bobni yaa burudande nendi ye karub, kowe kane yaambed ne kuu unaniin? Dowan! Yariman kuu ne wadkeri ye aromne angkumonimbon, kowe kane yaambed ne kuu unaniin? Dowan!

Yook 28:3

Ne kuu ambarakmidan yoom dabokne indore wanaab, arewa kamimaibdan yoom kui. Yi kuu angkodmendi weng yi dia doriibdan yaa dakmimaib kumban, angkara kuu yi niindem aom kuu arud wandembirimaib.

Yook 29:11

Yarimanbed ye karuwa nimaya yaa aromkono kondimaan, kwane Yarimanbed yi kuu yewenuwiibbed amun amun kerundimaan.

Yook 56:11

God yaambed yone dobirimain kowe, ma unainban. Nimakarubbed ne yaa komo kamaniib kuyaa meenainban.

Yook 56:3

Ne unaniin kuu eb yaambed yone dobaraniin.

Yook 72:2

Kwaneewo ye kuu eb nimakarub yaa yorokmo kerekmen yaambed wengyundok, kwane eb nimakarub yaa dabab wayiroondan kuu anammo wengyundok.

Yook 72:7

Ye dobaraneen yaron niindem aom kuu Godbed yorokmodan yaa yiminmo kerundok, kwane yewenubmo dobiri kuu yi yaa yiminmo kerok, kwane wene wood kuu dowan keranuun.

Yook 85:10

Womoniyibban ye mimyob dowakeniib ma korondaanban awinaneen andiyiib kuu dabokniwen, yorokmo dobiriyiib yewenubmo dobiriyiib kangkon dabokniwen.

Yook 91:5

Amnoom ye arud barang yaa kuu eb unaabban, kwane awingyabbed barandi ye ana yaa kangkon unaabban.

Matyu 10:26

“Kwani kowe, yiib kuu yi yaa unaib, amborom kuu yimbed komo yemyeb kamiiwe wedmindo kerenib komo be bikniwen kuu Godbed dianmo nongkobaneen kowe.

Yesu Ye Weng Amun Lukbed Wongkoon 1:79

Bobni kurumbon yiri doriibdaniib kumun yiri doriibdaniib yaa mene yurekore, nangkem yewenubmo ye inamen kedmengkandaneen.” andoon.

Yesu Ye Weng Amun Lukbed Wongkoon 10:5

“Wene ambiwoom aomnibka, ambibdan yaa yewenub kerundok andime.

Yesu Ye Weng Amun Lukbed Wongkoon 12:4

“Nangkodmia, nembed yiib yaa ke yedmendaan kei, karub yaa unendaib, id kuu ayaniib kumban, aman ari kuu ma kamaibban kowe.

Yesu Ye Weng Amun Lukbed Wongkoon 2:14

“Ewen ari ye God yaningko kankoonem. Kwane God ye dowaken kerundoondan okad yiri doriib yaa dobiri yewenubmo bangkandok.” andiwen.

Yoon 14:1

Kwane, Yesumbed ye kedmengkandeendan yaa yedmoon, “Yiib kuu niindem aom korondaiwe yiib mimyob dabab keraib. Godbed anam nub oonaneen ande dobirime. Ne yaa kangkon kwanime.

Yoon 16:33

“Nembed weng kee dakmenabaan kee ne yaambed yiib niindem aom yewenubmo kerok andid. Okad kiri dobiri kuu dabab kandi yeman. Kumban yiib niindem aom aromnime, okad kiri kee nembed burudandaan kowe.” andoon.

Yoon 20:19

Sande ye amnoom arimbed, kedmengkandeendan kuu mimyamo nedbiwen. Yuudan yi korok korok yaa uniwen kowe, ambongko karangmiwen. Kwane, Yesu kuu mene yi kidangkambed dangkuro dobere yedmoon, “Iwari yewenub kuu yiib yaa angkimborok.” andoon.

Yoon 20:21

Kwane, Yesumbed ikakman yedmoon, “Iwari yewenub kuu yiib yaa angkimborok. Ambembed ne nenkowoona manaan kwamune areb, kibireb nembed yiib ben nongkobako winime.” andoon.

Yoon 20:26

Kwane ari ye Sande arimbed, Tomas yoom Yesu ye kedmengkandeendan yena yoom kuu ambiwoom ikakman nedbiwen. Ambongko korem karangmiwen kumban Yesu kuu yi kuyaom kuu yeyiib mene dangkuro doberekore yedmoon, “Iwari yewenub kuu yiib yaa angkimborok.” andoon.

Kwamiwen 10:36

“Israeldan yaa God Ye Weng kowoon kuu yiib yiibkaadkeriwen. Weng kukuu korem yi Yariman Yesu Keresu yaningko yaambed yewenub ye weng amun kondoon.

Kwamiwen 18:9

Amnoom mamaa, Pool kuu wane wedmoone, Yarimanbed daanoon, “Weng kuu une yemyeb kere biknaab. Kwane dakmembere,

Romdan 1:7

Godbed mimyob dowaken keende ye karadmo ye karuwa nimaya kerime ande kinoondan Rom aom doriib, yiib yaa kerek kee keendaan. Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Romdan 15:13

Kowe, yiib kuu God yaamo angkumone doriib kuu, yembed kwananeen ande meedmimaib ye Godbed yiib yaa kubiyiib yewenubmo dobiriyiib bangkandoko yiminmo kerok. Kwananiib kumbed Kingkin Karadmo yaromkono yaambed Godbed kwananeen ande meedmibka yiminmo kerok anded.

Romdan 5:1

Kwane kowe, nub kuu anam andi yaambed bendune yorokmo kerundoon kowe, nub kuu nub Yariman Yesu Keresu yaambed God yaa yewenuwiib keruwen.

Romdan 5:10

Kwane, nub kuu God ye bondan kuye aron kuyaa kuu, ye Mingki bobnoon yaambed nub kuu God yaa kunum keruwen kowe, inamen arimbed yeman kuu ye wadkeri yaambed nub kuu bobni yaa burudande bindaneen kii.

Romdan 8:6

Kwane, id ye dowaken ye inamen kuu bobni kondi yeman, kumban Kingkinbed kangkadmeen ye inamen kuu aron korem ye wadkeriyiib yewenubmo dobiriyiib bangkandi yeman.

1 Korindan 1:3

Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Galasiadan 1:3

Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Galasiadan 5:22

Kumban God ye Kingkin ye yob irimaan kuu, mimyob dowaken keendiyiib kubi ye inameniib yewenub dobiriyiib yodbirimban iwarimbed dobiriyiib awandiyiib amun amun kamiyiib korondiyiibban kwane awinembiriyiib

Galasiadan 6:16

Kane kane yiib kuu inamen keyiib kee awine kande doriib kuu yewenub dobiriyiib mimyob keende kakman are nonondandiyiib kuu yiib korem yaa bangkandok. Kukuu, God ye nimaya karuwa anam kui.

Filipaidan 4:7

Kwananiib kuu, nimakarub yi inamen kaadkeri korem burudandoon ye yewenub Godbed bangkandimaan kuu, Yesu Keresu yaambed yiib niindem aomiib inamen aomiib kuu oone awandaneen.

Kolosedan 1:2

Ma korondiyiibban Keresu yaa anam andimo doberembirimaib karadmodan Kolose aom doriib, yiib yaa kerek kee keenduub. Kabamoon kondoon ye mimyob dowakeniib yewenubmo dobiriyiib kuu nuwambe God yaambed yiib yaa bangkandok.

Kolosedan 1:20

Kwane, Yesu yaambed God kuu yeka ye yaa kunum keri ye kiwaan ongmoon, okad yiriyiib Ewen ariyiib korem ongmenaboon yi dowad. Kiwaan ongmoon kuu bon dowan keri yeman, ye umkan at ming arimbed onduknoon yaambed ongmoon.

Kolosedan 3:15

Kwane, korondiiwo Keresu ye yewenubmo kumbed yiib niindem aom dawuro oonendok, amborom kuu yiib kuu id mimo keriwen kowe yewenubmo dobiri dowad yiib yaa baande kinoon. Kwane, eso ande dobirime.

2 Tesalonaikadan 1:2

Kabamoon kondoon ye mimyob dowakeniib yewenubmo dobiriyiib kuu Ambe God yoom Yariman Yesu Keresu yoom yaambed yiib yaa bangkandime.

2 Tesalonaikadan 3:16

Yewenub kondimaan ye Yariman, yembed kiwaan korem yaambed aron korem yewenub kondok, yiib yaa. Yariman kuu yiib korem yaa kerok.

2 Timoti 1:7

Amborom kuu God kuu yiiwa nuwa yaa unimaan ye kingkin kondindo, aromkonoyiib mimyob dowaken keendiyiib kangkadmiyiib ye kingkin kondoon.

Hibrudan 13:20

Sibi Ooni Ye Karub Darewoob Arimbed, nub Yariman Yesu, ye kuu Godbed aron korem ye amob weng ye umkan yaambed bobnoon yirimbed nen demboon. Kuye God, yewenub ye God,

Hibrudan 7:2

Abrahambed king yaambed yiribman nangbe boon korem kuu andokbe wenore angko angkoyiib kere mim kuu Melkisedek yaa bangkanoon. Ibduruk kuu Melkisedek yaningko ye id kuu “yorokmo ye king”. Kwane angkon “Salem ye king” ye id kuu “yewenub ye king”.

Korokboon 1:4

Ne kuu Yoon, nembed kerek kee ambibkin Esia kambong kambong ediib Yesu yaa anam andekorib nedbe kurikuri kamimaibdan yaa wongke keendaan kii. Anuk doborooniib kibik doreeniib aman ari dobaraneeniib kuye God yoom, aromkono ediib ye Kingkin God ye ooni ye dibirimbon arinambo ari doberembirimaan yoom, anammo korokbendimaan ye karub, bobni yaa kuu yedin wadkeroon ye karub, okad yiri ye king korem yi korok, Yesu Keresu kui, ye yoom kumbed, mimyob dowaken kabamoon keendiyiib yewenub kondiyiib kuu yiib yaa bangkandok. Yembed nub yaa mimyob dowaken keendimaan. Kwane, ye umkanbed nub dowad amoddene,

Korokboon 2:10

Yiib kuu durud yewed kandandamiib kuu kuyaa unaib. Nembed yiib yaa yedmaan kuu, yiib yena kuu awad arewambed ben komboon darobi dowad wii aom kambaraneen. Kwanekore yiib kuu dabab kan kondene yenbandaneene aron angko angkoyiib durud yewed kandaniib kii. Kowe, yiib kane ne yaa anam andiwen kuu ma korondiyiibbanbed kangdommo dobirime, yenambed yiib yaniiwe duknaniib kwangkon ma korondiyiibbanbed kangdommo dobirime. Kwananiib kuu nembed yiib yaa kangdommo dobiriwen ye kakman korok ari derene wadkeri kandi yeman kondaniin.

Korokboon 21:8

Kumban undeekdaniib anam andindodaniib komyeng kamenabidaniib kumka kuman yenbandidaniib nenem kamenabidaniib waruk komobdaniib dudi god yi kuruwak yaa bumangkimaibdaniib dudanabidan koremiib yi dobirimbon kuu bot sulfaambed amot denembiri ye bowan yiri. Kekee bobni ayoob andi yeman kui.” andoon.