Yook 98:1 - Yomgkom

¹ Yariman yaa yook yeeb wingkime, amborom kuu binangke ye yaa anam andi yeman ongmenaboon kowe. Kwane ye dingki wiwi karadmombed bondan korem nangme burudande doroon.

Yook 98:1 ပူးပေါင်းရင်းမြစ်များ

Andowoon 3:15

Dabab darewoob ke kowaan kee, eb yoom wonong yoom neman bon bon kamimamaniib kii. Kwani kowe, eb yob kuu wonong yu yowiib aron korem bon kerimamaniib. Yu yobbed eb korok kuu wowe monmaraneene ebbed yu yob ye yon daandum yaa domondaneeb.” andoon.

Yook 105:5

Binangke ye yaa anam andi yeman ongmenaboon kuyaa kuu ika meenime, kami yeka mamaayiib wengyundi wengiib kuyaa kangkon ika meenime.

Yook 136:4

Yembedmo binangke ye yaa anam andi yeman ongmenabimaanman, ye yaa eso andime. Amborom kuu ye womoniyiibban ye mimyob dowaken kuu aron korem kwane angkimbaraneen.

Yook 139:14

Ne kuu binangke une eb yaa anam andi yeman ongmewewen kowe eb yaa eso andaan. Eb ambangkanabi kuu manimanandewiib, kukuu anammo nekaad.

Yook 149:1

Yariman ye aningko kankoonime! Yariman yaa yook yeeb wingkime, kwane yorokmodan kuu nedbe ye aningko kankooni dowad yook wingkime.

Yook 33:3

Yook yewewiib ye yaa wingkime, mengmeng kaadkeriyiibbed wangkime, kwane kube baandime.

Yook 72:18

Yariman God, Israeldan yi God kui, ye yaa amun kerunok. Yembedmo binangke ye yaa anam andi yeman ongmenabimaan.

Yook 77:14

Eb kuu binangke ewaningko kankooni yeman ongmenabimaab ye God, ewaromkono kuu ambibkin maa maa koremdan yaa korokbimaab.

Yook 86:10

Amborom kuu eb kuu darewoob arimbed, ebbed miin amun yeka mamaa kamenabimaab kowe. Ebbedmo kuu God.

Yook 89:14

Yorokmo dobiriyiib anammo wengyundiyiib kuu eb dibere oonimbon ye ambokab, kwane womoniyiibban ye mimyob dowakeniib anam anamiib kuyaambed kwane ambangkimaab.

Yook 96:1

Yariman yaa yook yeeb wingkime. Okaddan korem, Yariman yaa yook wingkime.

Yook 96:3

Ye nambiri ye weng kuu ambibkin mimim korem yaa daandime, ye ambangkenabi yeka mamaa kuu nimakarub korem yaa daandime.

Yesu Ye Weng Amun Lukbed Wongkoon 1:49

amborom kuu Aromkono ye Godbed miin darewoob ye barang ne yaa kawoon kowe. Yaningko kuu karadmo kii.

Yoon 16:33

“Nembed weng kee dakmenabaan kee ne yaambed yiib niindem aom yewenubmo kerok andid. Okad kiri dobiri kuu dabab kandi yeman. Kumban yiib niindem aom aromnime, okad kiri kee nembed burudandaan kowe.” andoon.

Kwamiwen 19:20

Kwaniweniib kumbed God ye weng kuu aromkonomo darewoob derendande wonoon.

Kwamiwen 2:11

Kuritdaniib Arabdaniib kui. Kwene nub wengamburuuwa, God ye kami yeka mamaa ye weng nub wengbed dakmiiwa wengamburuwen kii!” andiwen.

Kolosedan 2:15

Kwane, Godbed aromkono maa maa korem awinidaniib korok maa maa koremiib bongme yi aromkono kankorarekore, Yesu komo kamoon yaambed nangbe burudandoon korokbi dowad yi kuu wedangkambed ben yi aromkono dowan kii ande damangkanden yaroon.

Korokboon 14:3

Kwane, karub ku doriib kumbed God ye ooni ye dibirimbon ari dibeeniib wad doriib ye dingkan kaningiib aamkono aamkonoyiib yi arinambo arimbed yook yeeb wingkiwen. Yook kuu karub maa kanembed ma kwamune kaadkere wingkindeban. Yeka okad yirimbed biddoondan 144,000iib, yi kumbedmo yikaad.

Korokboon 17:14

Kwane, yi kuu Sibi Mana yaa nangbenaniib kumban, yembed burudandaneen, amborom kuu ye kuu yariman korem ye Yariman, king korem ye King, angkon yembed baande kinoondan ma korondiyiibban ye yoman winiwen kuu ye yoom miniwen kowe.” andoon.

Korokboon 3:21

“Kanembed arewa menebaneen yaa ninabone burudandaneen kuu, nembed ye yaa yimin andaniine ne king ye ooni ye dibirimbon ari ye yoom dibaranuub, nembed ninaboni burudandeni Nambe ye king ye ooni ye dibirimbon ari ye yoom diburuwen areb kwane keraneen.

Korokboon 5:9

Kwane, yimbed yook yeeb wingkiwen, “Eb kuu aningko darewoob ariyiib kumbed, beegod bedmiwen kuu kandeneb, at nunung karangkiwen daadmi kuu yimin, amborom kuu eene kowiiwe, ewumkanbed nimakarub kuu God ye dowad amoddewen kowe, kwanewen kuu amyenimbon mimim korem yaambed weng mimim korem yaambed ambibkin mimim korem yaambed kad mimim korem yaambed nimakarub amoddewen kii.

Korokboon 6:2

Kwanoone, ne murubia arimbed hoos kawanmo wedmenaan kii! Kwarimbed monoon ye engyu kuu anangkawiib dibeen. Kwane, ye yaa king ye korok ari dereni yemaniib konoon. Kwanoone, wene bondan yenbande yare burudandok wonoon.