Yook 97:10 - Yomgkom

¹⁰ Yariman yaa mimyob dowaken keenimaibdan, arewa yaa kuu wangdandunime. Kedi, ye kerekmen yaambed doriibdan kuu yembed dorondarimaan, kwane yi kuu yembed miin arewadan yi aromkono aom ben angka nongkobimaan.

Yook 97:10 ပူးပေါင်းရင်းမြစ်များ

Yook 101:3

Ne indob ari kuu karakiib arewa ye barang kuu ma dowakeniib kerainban. God yaa angkurom korokbeniwendan yi kamenabi yaa kuu kongendimain, yi kuu ne ma nen kimyen wanaibban kii.

Yook 119:104

Eb kongamki yamob yaabed inamen kaadkeri kandimain, kwanekob ne kuu abdon kami kiwaan korem yaa kuu dowakenban odkenebmo kerimain. Nun

Yook 119:163

Ne kuu dudanabi yaa naawonmo kongendeni komyeng areb kerimain, kumban ne kuu eb amob yaa mimyob dowaken kowimain.

Yook 121:7

Yarimanbed eb kuu nen amukmo biknaneen kowe kumkam maambed aanban, kwane eb wadkeri yaa kuu oone kerenombaraneen.

Yook 125:3

Kedi, yorokmodan yaa kondoon ye okad kuu arewa kamenabidanbed oonimaib kuu ben kiradmaneen. Mok arewa kamenabidanbed kwane oonaniib kuu yorokmodan kuu yi yorokmo kerekmen yaa kuu koronde arewa kamaniib manok.

Yook 145:20

Kane kane yi kuu Yariman yaa mimyob dowaken keenimaib kuu yembed yi yaa kerendombere oonendimaan, kumban arewa kamenabidan korem kuu yembed monmaraneen.

Yook 31:23

Yembed yorokmo kerundoondan, yiib korem kuu Yariman yaa mimyob dowaken keenime! Korondiyiibban anam ande doriibdan kuu Yarimanbed dorondare awandimaan, kumban kerengkan kamiibdan kuu yembed kumundinmo ine dabab kondimaan.

Yook 34:14

kami arewa yaa amonombenib amun amun kamenabenib yena yoom yewenubmo dobiri kerekmen yaambed doberenib kuyaa meeni darewoob kerime.

Yook 36:4

Ye angkimbon arak ari angkimaan kwangkon yena yaa bon kerundi ye inamen kowimaan, kwane “Arewa kami ye kiwaan ari dobara.” ande kwanimaan, kwane ye kuu inamen arewa yaa kangkadmimokban.

Yook 91:14

Yarimanbed yedmoon, “Ye kuu ne yaa mimyob dowaken keewimaan kowe, arud ye barang yaa kuu ye nen angka kowaniin. Yariman kuu ne God ande yedmimaan kowe, ye nen dorondaraniin kii.

Romdan 12:9

Yiib mimyob dowaken keendi kuu ma aadikmiyiibban kerok. Arewa kami ye barang yaa kuu miin dowakeniibban kerime, kwane amun kami ye barang yaa kuu amuknime.

Romdan 7:15

Kedi, komo komo ambarakmimain kuu komarewa kii? Nekaadban ii. Nembed amun amun kwama ande ne dowaken kerimain kuu, ne kwamune kamimokban, ambarakmimbed kebenewoon kowe. Ma, nembed miin dowakenban kuu kwamune kamain ande meenimain kuu kuyaa kamimain.

Romdan 7:24

Ne kuu miin kubiyiibbanman anam kii! Kanembed id kembed bobni yaa ne nenweneen kee burudande obon kawaneen?

1 Korindan 8:3

Kumban kane kanembed God yaa mimyob dowaken keenaniib kuu yi kuu Godbed yekaad kerundaneen.

2 Tesalonaikadan 3:2

Kwane, nub dowad kurikuri kamibko, arewadanbed nub yaa komo kamandamiib kuu Godbed kebendok, amborom kuu nimakarub yenamo kuu anam andiwen kowe.

Yems 1:12

Karub kanembed komboon kaamoni ye dabab meneboon yaa kangdommo dobaraneen kuu Godbed amun kerundoon, amborom kuu yiminmo dobaraneen kuu wadkeri ye kakman king ye korok ari dereni yeman areb kandaneen. Kakman keyaa Godbed weng kunduk yedme kowoon, ye yaa mimyob dowaken keenimaibdan yi dowad.

Yems 2:5

Mimyob dowaken keendimain ye angkodmia, wengambirime. Okad yiridanbed kane kane yaa kamboknon andimaib ye karuwa nimaya kuu, Godbed kinoona yi anam andi yaa yiminmo kerekoriwa, oonimbon aom mimyob dowaken keendoondan yi yumbon yeka ye weng kunduk kowoon kuu kandaniib. Eeyoo?

1 Pita 1:5

Kwane, yiib yaa dabab menebaneen kuu yiib anam andi yaambed God yaromkonombed dorondare oonendaneene kwane wene aron yeenbon arimbed Godbed bindaneen ye kerekmen kuu dian keraneen.

1 Pita 1:8

Yiib indowiib Yesu yaa wedmenindo kuned, mimyob dowaken keenimaib. Kibireb wedmenokban doriib kuned, ye yaa anam andiiwe dakme id korokbinban ye kubi darewoob nambiriyiib yiib niindem aom demboon,

1 Yoon 4:19

Nub kuu mimyob dowaken keendimaub, amborom kuu Godbed yedin nub yaa mimyob dowaken keendoon kowe.

1 Yoon 5:18

Kwane, nub nubkaadkeruwen kuu, kane kanembed God yaambed wooniwen kuu kwane ambarakmem-baraibban. Ma kei, God ye Mingkim-bed yi kuu bene amuknimaan kowe, awad arewambed yi yaa yaanban.

Korokboon 13:8

Okad yiridan korem kuu ye yaa kurikuri kere yaningko kankoonaniib, kukuu aye kowiwen ye Sibi Mana ye wadkeri buk aombed kumkam korem ongmenaboon yaron yirimbed aningko wongkindodan kui.