Yook 96:13 - Yomgkom

¹³ Yi kuu Yariman ye arinambo ari kwananiib, amborom kuu mananeen kowe. Okad yu kumkam yaa wengyundok mananeen kii. Ye kuu okad yu kumkam yaa yorokmo ye kerekmen yaambed wengyundene, nimakarub korem yaa aadidmiyiibban anammo wengyundaneen.

Yook 96:13 ပူးပေါင်းရင်းမြစ်များ

Yook 50:3

Nub God kibireb meneen kii, ye kuu iwari dobaraanban, kwane ye meneen ye kiwaan ari kuu amotbed denobenmo meneen, kwane nuuwa amayiib bare kanmene ye kuu kanawanewandeen.

Yook 67:4

Ambibkin koremdan kuu kubenib kubi yookiib wingkime, amborom kuu ebbed nimakarub korem yaa kuu kangdommo wengyundeneb, okad yiri ye ambibkin koremdan kuu ebbed ben kinban winimaab kowe. Selah

Yook 7:9

O God yorokmo, eb kuu nimakarub yi inamen aomiib niindem aomiib kuu andangke darobimaab kowe, arewadan yi kamenabi kuu ben mene dowan kere. Kwane, yorokmodan kuu ben komombed ma yaanban aom nongkobe.

Yook 96:10

Ambibkin mimimdan yaa yedmime, “Yariman kuu oone doreen. Okad kuu kan ongme kowoone yumbon kamkonoyiib kereen kowe kan dewenebinban. Kwane ye kuu ambibkin mimimdan yaa konomdangmo wengyundaneen.” andime.

Yook 98:9

Yi korem kuu Yariman ye arinambo ari wingkime, amborom kuu ye kuu okad yiri mene wengyundok meneen kowe. Yembed okad yu kumkam kuu yorokmo wengyundene ambibkin mimimdan yaa konomdangmo wengyundaneen.

2 Tesalonaikadan 1:10

Kuyaron kuu ye karadmodan, ye yaa anam andiwendan kui, yi yaambed ye kuu nambiri kandaneene yimbed ye yaa binangke kubi miin darewoob keraniib. Yiib kwangkon yiiwiib kuyaom keraniib, amborom kuu yiib kuu nubbed Yariman ye dowad weng dakme korokbenduwen yaa kuu anam andiwen kowe.

2 Timoti 4:8

Kowe kibik kee yorokmo dobiri ye kakman kandi yeman korok ari dereni yeman kuu ne dowad Ewen ari angkeen. Keyeman kuu Yariman, Yorokmo Wengyundi Ye Korok kui, yembed kuye aron arimbed ne kakman dowad kawaneen. Ne yaamomban, kane kanembed ye dangkuro mananeen yaa meeni dowaken darewoob keriwendan yaa kwangkon kwane bangkandaneen.

Taitus 2:13

Kwamunembed awine doruub kuu nub Bobni Yaa Burudande Bindi Ye God Arimbed Yesu Keresu nambiriyiib angkadere mananeen yaron amun yaa meenmo doruub kii.

Korokboon 11:18

Okad yiridan kuu arud wandiwen kumban, eb norin kuu monoon. Dukniwendan wengyundandeneb, eb profesi weng dakmidan eb deme awinimaiwiib eb karadmodaniib ewaningko kankoonimaibdaniib, eb nimaya karuwa aningko embeng o darewoob kui, yi kuu kakman bangkandeneb, kane kanembed okad yiri monmariwen kuu monmaraneeb yaron kuu muneen kii!” andiwen.

Korokboon 19:11

Kwane wedmaane, Ewen kuu nandoone hoos kawanmo wedmenaan, kwarimbed dibere yarebimaan ye karub yaningko kuu Ma Korondiyiibban angkon yaningko maa kuu Anammo. Ye kuu inamen yorokmombed wengyundane nangbaneen.

Korokboon 22:10

Kwanandekore yedmewoon, “Buk keyaom profesi wengiib kuu kebene biknaab, amborom kuu aron kuu dia kereen kowe.