Yook 89:1 - Yomgkom

¹ Ne kuu Yariman ye womoniyiibban ye mimyob dowaken ye dowad aron korem yook wingkaniin, kwane eb ma korondiyiibban eweng awini ye kerekmen kuu nimakarub yaro dobere dobere yaro wananiib korem aom ne mongkodkonombed kedmengkandaniine yikaadkeraniib.

Yook 89:1 ပူးပေါင်းရင်းမြစ်များ

Yook 101:1

Ne kuu eb womoniyiibban ye mimyob dowakeniib anammo wengyundiyiib ye dowad yook wingkaniin, o Yariman, ewaningko kankooni yook wingkaniin.

Yook 106:1

Yariman yaningko kankoonime! Yariman kuu amunmo kowe, ye yaa eso andem, amborom kuu ye womoniyiibban ye mimyob dowaken kuu aron korem angkimbaraneen kowe.

Yook 119:90

Eb ma korondiyiibban weng awini kerekmen kuu nimakarub yaro dobere dobere yaro wananiib korem aom kwane angkimbaraneen. Ebbed okad kee ongmeneb yumbon koweewa, kwamunemo angkimbureen.

Yook 36:5

O Yariman, eb womoniyiibban ye mimyob dowaken ye ambab kuu daane ewen ari nandoon, kwane eb ma korondiyiibban eweng awini ye ambab kuu daane ambid ari nandoon.

Yook 59:16

Kumban ne kuu ewaromkono ye dowad yook wingkaniin, kwane amkimo kuu eb womoniyiibban ye mimyob dowaken ye dowad kube wingkaniin, amborom kuu eb kuu ne dore aromnimbon, kwane dabab ne yaa menebimaan kuu ebbed kukbimaabbon aombed dobirimain.

Yook 71:8

Ne meeni aom kuu ewaningko kankooni ye inamenmo, kwane aronki doboob kuu eb nambiri ye wengmo dakmembirimain.

Yook 88:11

Eb womoniyiibban ye mimyob dowaken ye weng kuu bobkonombon yiri daandaniiwoo? Dowan! Eb ma korondiyiibban no awinembiri ye kerekmen ye weng kuu monmarimbon yiri daandaniiwoo? Dowan!

Yook 89:24

Ne ma korondiyiibban weng awini ye inameniib womoniyiibban ye mimyob dowakeniib kuu ye yaa angkimbaraneen, kwane naningko yaambed ye aromkono kuu arimbed konaniin.

Yook 89:33

Kumban ne mimyob dowaken Dewid yaa keenaan kuu angkon neka kandainban, kwane ne ma korondiyiibban weng awini ye kerekmen ye yaa angkeen kuu bongmainban.

Yook 89:49

O Yariman, anuk kuu ma korondiyiibban weng awini ye inamen Dewid yaa yedme kowewen kumbed eb mimyob dowaken darewoob keenewen kuu kuna?

Yook 89:8

O Ana Nangmidan Yemoon Ye Yariman God, eb areb kuu kane? Dowan. O Aromkonomo Ye Yariman, eb ma korondiyiibban eweng awini ye kerekmen kuu eb yaa kanawanewandoon.

Yook 92:2

Amkimo korem eb womoniyiibban ye mimyob dowaken daandi kuu amun, amnoom korem eb ma korondiyiibban weng awini ye kerekmen daandi kangkon amun kii.

Taitus 1:2

Anam andi keyiib kaadkeri keyiib kuye ambokab kuu wadkeri aron korem korem kande doberembaranuub ande meedmi kui. Wadkeri keye dowad kuu ma dudimokban ye Godbed aron maa ma andowindo kuyaambed weng kunduk yedme kowoon.