Yook 74:2 - Yomgkom

² Eb nimakarub unyemanbed amoddoon kuyaa ika meene, ambibkin mimodan ebbed kinewe biddoon kuyaa kui. Aangko Saiyon kurin anuk doberewen kuyaa ika meene.

Yook 74:2 ပူးပေါင်းရင်းမြစ်များ

Yook 106:40

Kwana kowe, Yariman ye norin kuu ye nimakarub yaa denoboon, yumbon kondoondan yaa kuu komyeng areb kerundoon kui.

Yook 135:4

Kedi, Yarimanbed yeka ye dowad Yekob kuu kine baamonoon, Israel kuu ye yaa bobne komboroon ye karub ande nendoone Yariman yeman keroon kui.

Yook 33:12

Ambibkindan kaneya yi God kuu Yariman keriwen kuu amun kerundoon, yi kuu yembed kinene yeka ye dowad yumbon ongmoon kui.

Yook 68:16

O aangko kongam kongam, yiib komande wungkande nengmone doriib, Godbed kwarimbed ooni dowad kinoon ye aangko yaa? Kuyaa kuu Yariman yeka aron korem doberembaraneen kui.

Yook 77:15

Eb dingki aromkonombed eb nimakarub biddewen, Yekob ye awoya ariyiib Yosef ye awoya ariyiib kui. Selah

Yook 9:11

Yariman kuu Sayion arimbed oone dobirimaan, ye yaa kubene wingkime, kwane yembed komo ambangkoon kuu ambibkin mimimdan aom yaa dakmime.

Yook 9:12

Amborom kuu kumka o kuman kamiibdan yaa kakman inandi ye God kuu dabab meneboondan yaa meenimaan, yi kuu ye yaa kwane baandimaan kowe yi yaa akmen naknod kere nonondandimokban kui.

Yook 94:14

Amborom kuu Yariman kuu ye nimakarub yaa domondaanban, yembed yumbon kondoondan yaa domondaanban kui.

Kwamiwen 20:28

“Kwane, yiibka yiibmeren oonenib, nimakarub yena Kingkin Karadmombed yiib ooni kurumbon aom nongkoboon kwangkon oonendime. Kwane, Godbed ye Mingki ye umkanbed anam andiwendan ogawanandoon ye karuwa nimaya kuu ongme oonendime.

Taitus 2:14

Ye kuu yekareb nub dowad kondoon, arewa korem yaa nub bidde bindanded, ye nimaya karuwa kerubko karadmo ongmendoko nindorokiibbed amunmo kamime anded.

Korokboon 5:9

Kwane, yimbed yook yeeb wingkiwen, “Eb kuu aningko darewoob ariyiib kumbed, beegod bedmiwen kuu kandeneb, at nunung karangkiwen daadmi kuu yimin, amborom kuu eene kowiiwe, ewumkanbed nimakarub kuu God ye dowad amoddewen kowe, kwanewen kuu amyenimbon mimim korem yaambed weng mimim korem yaambed ambibkin mimim korem yaambed kad mimim korem yaambed nimakarub amoddewen kii.