28 Kumban nembed wedmaan kuu God ye dia dobiri kuu amun. Ne kuu Ambengkan Ye Yariman ye kukbimaanbon aombed doriin, kwane nembed ebbed komo komo kamenabewen korem kuu dakmaniin.
Kane kane ebbed kingkeneb eb kurikuri ambib ye kuuk aom dobiri dowad dia ben menebewen kuu amun kerundoon kii! Eb kurikuri ambib ye amun amun kuu nub yaa miknemoon areb kerundoon, eb kurikuri ambib karadmo yaambed kui.
Eb yorokmo kerekmen ye dowad daandembaraniin, bobni yaa burundande bindi ye kiwaan ebbed ongmewen kuu ne kuu kumunkingkindeban kumban, kuye dowad kuu aronki doboob daandembaraniin.
O God, ne kuu ne kewed yaambed mene kibikee ebbed kedmengkawimaab, kwane kuyaronbed mene kibikee binangke eb yaa anam andi yeman ongmenabewen kuu daandimain.
Eb kurikuri boyambib ye kuuk wirinimbon aom aronki mimo dobiri kuu miin amun yeman, aronki tauseniib bunangka dobiri arebban. Amun yeman ande meenaan ye deme embeng mimo kukei, ne God yambib ambongko aomnimbon yaa ooni, kukuu arewa kamenabidan yi kombon aombed deme darewoob awini arebban.
God ye dia mene dobirime. Kwananiib kuu yiib dia mene dobaraneen. Ambarakmidan, yiib dingki oganabime. Inamen amuniib inamen arewayiib kamenabidan, yiib niindem aom are karadmo kerime.
Kedi, nimakarub yi ambarakmi korem ye dowad kuu Keresumbed mimo bobnoon, yorokmomanbed yorokmobandan yi dowad bobnoon kui. Ye bobnoon kuu God yaa yiib be mananded. Ye id ayiiwa bobnoon kumban, ye kingkin yaa kuu wadkeri konoon.