Yook 73:1 - Yomgkom

¹ Anamaa, God kuu Israeldan yaa amun amun kamimaan, kane kane yi niindem aom kuu karadmo keroondan yaa kui.

Yook 73:1 ပူးပေါင်းရင်းမြစ်များ

Yook 2:6

Kuye weng dandimaan kuu, “Neka nembed ne King kuu, ne aangko karadkono Saiyon arimbed nenkonaane oone doreen.” andimaan.

Yook 24:4

Kuye karub kuu ambarakmiyiibban ye dingkiyiib inamen karadmoyiib kumbed kui, kwane ye kuu dudi god yi kuruwak yaa bumangkindo, kwane ye kuu birande amob ongmindo.

Yook 42:11

O ne kingkin, eb komande yerene no kubokban kerewen? Komande ne niindem aom monmareeb? Kedi, God yaningko kankoonaniin kowe, yembed ari kwananeen ande meene. Ye kuu neyiib yaa doberene awawimaan ye karub, ye kuu ne God.

Yook 50:1

Aromkonomo Ye God, Yariman kui, yembed dakmene okaddan yaa minime ande baandimaan, aron daminimaunbed wene aron kubunimaun korem yaa kui.

Yook 51:10

O God, ne niindem aom yeweb karadmo ongme. Kwane ne inamen kuu kangdommo kerune.

Yook 73:18

O God, anam kuu ebbed yi kuu beneb okad kereewiib ari nongkobewen, anam kuu ebbed yi kuu nadme monmarimbon yiri ben kiradmaneeb.

Yook 83:1

O God, komo keroon yaa kuu iwari keraab, o God, iwari keraab, kwane kuyaa kuu yangmadandaab.

Yook 84:11

Amborom kuu Yariman God kuu aron ye nambiri areb, ye kuu kombe areb, Yariman kuu kubi dowakeniib aningko kankooniyiib bangkandimaan. Komo komo amun kuu yeka kirim kere amuknindo, kane kane kangdommo doriib kuyaa kwane bangkandimaan.

Matyu 5:8

Kane kane niindem aom kuu karadmo kuu Godbed amun kerundoon, amborom kuu yi kuu God ye kerebiri wene wedmenaniib kowe.

Yesu Ye Weng Amun Lukbed Wongkoon 12:32

“Ne danaya, yiib unaib, yiib Ambe ye dowaken kuu yembed korok kere oonimbon kuu yiib yaa kondandameen kowe.

Yoon 1:47

Kwane, Natenio meneena Yesumbed wedmene yedmoon, “Karub kee Israelman anam kii. Ye yaa kuu dudiyiibban.” andoon.

Romdan 4:16

Kwani kowe, anam andi yaambed weng kunduk kuu kandimaub. Kekamune kumbed weng kunduk kuu God ye kabamoon kondoon ye mimyob dowaken yaambed kondimaane Abraham ye yob korem yiman anam keraneen. Kukuu Moses ye amob awine dobiridan yimanmomban, kukuu Abraham ye anam andi areb keriwendan kangkon yiman. Yi yoom nub yoom, ye kuu nub korem nuwambe.

Taitus 3:5

yembed nub kuu bobni yaa kuu burudande bindoon. Kwane, nubbed amunmo kame doburuwen kumbed bindindo, yekareb ye mimyob keende kakman are nonondandoon kumbed nub bindoon. Ye kuu Kingkin Karadmombed nub niindem aom oganabe wadkeri yeeb inamen yeeb kondoon yaambed bindoon.

Yems 4:8

God ye dia mene dobirime. Kwananiib kuu yiib dia mene dobaraneen. Ambarakmidan, yiib dingki oganabime. Inamen amuniib inamen arewayiib kamenabidan, yiib niindem aom are karadmo kerime.