Yook 71:5 - Yomgkom

⁵ O Yariman Ambengkan, ebbed kwananeeb ande meedme doriin, kwane ne kewed yaambed mene kibikee eb yaamo angkumone doberembirimain.

Yook 71:5 ပူးပေါင်းရင်းမြစ်များ

Yook 119:166

O Yariman, ebbed nende burudande angka kowi kuu ne yaa monok ande meedmiin, kwane ne kuu ebbed kwanime andi ye weng yaambed kwane ambangkimain.

Yook 119:81

Ebbed arewa yaa burudande nendi dowad ne niindem aom kuu moom dowakeniib koweni miin yiminban keraan, kumban eb weng yaa kwananeeb ande kowaan kii.

Yook 13:5

Kumban ne kuu eb womoniyiibban ye mimyob dowaken yaa angkimbaraneen andimain, kwane ne niindem aom kuu bobni yaa burudande bindi ye kiwaan ebbed ongmewen ye dowad kubimain.

Yook 39:7

Kwane kowe, Yariman, kibikee komo dowad kereknaniin? Ne meeni amaan ari kwananeen ande meenaan kuu eb yaamo.

Yook 42:11

O ne kingkin, eb komande yerene no kubokban kerewen? Komande ne niindem aom monmareeb? Kedi, God yaningko kankoonaniin kowe, yembed ari kwananeen ande meene. Ye kuu neyiib yaa doberene awawimaan ye karub, ye kuu ne God.

Yook 71:17

O God, ne kuu ne kewed yaambed mene kibikee ebbed kedmengkawimaab, kwane kuyaronbed mene kibikee binangke eb yaa anam andi yeman ongmenabewen kuu daandimain.

Yesu Ye Weng Amun Lukbed Wongkoon 2:40

Kwaniiwe, dana kuu kaine aromkonoyiib inamen amunmoyiib keroone, Godbed amun kerundi karayiib kwane ibnenoon.

Romdan 15:13

Kowe, yiib kuu God yaamo angkumone doriib kuu, yembed kwananeen ande meedmimaib ye Godbed yiib yaa kubiyiib yewenubmo dobiriyiib bangkandoko yiminmo kerok. Kwananiib kumbed Kingkin Karadmo yaromkono yaambed Godbed kwananeen ande meedmibka yiminmo kerok anded.

2 Timoti 3:15

eb kuu dana mana yaambed God Ye Weng Karadmo kaadkerewen. Keye weng kee, Yesu Keresu yaa anam andi yaambed Godbed bindi dowad meeni kangdom kondi yeman.