Yook 7:9 - Yomgkom

⁹ O God yorokmo, eb kuu nimakarub yi inamen aomiib niindem aomiib kuu andangke darobimaab kowe, arewadan yi kamenabi kuu ben mene dowan kere. Kwane, yorokmodan kuu ben komombed ma yaanban aom nongkobe.

Yook 7:9 ပူးပေါင်းရင်းမြစ်များ

Andowoon 20:5

Abraham yembed ne daman andoone angkon yu kangkon yembed yedmoon areb yedmeen kowe, inamen amunmo kere nendaan kowe, ne ambarakmindo.” andoon.

Yook 10:15

Arewa kamembiri ye karub ye aromkono kuu ebbed domangke nen angkadere. Ye arewa kamembiri kuu ebbed wengyunde dabab kone yemoon keraneeb kumbed ye inamen arewa kuu dowan keraneen.

Yook 10:18

Anenabdaniib dabab wayiroondaniib kuu ebbed dorondarundimaab, okad yiridanbed uniwon karakwon kondi kuu dowan kerok anded.

Yook 11:5

Yariman kuu yorokmodan yi niindem aom andangkimaan, kumban arewa kamembiridaniib yenbandi yaa dowaken keriwendaniib yaa kuu ye kingkinbed arud wandembirimaan.

Yook 139:1

O Yariman, ne kuu ebbed andangke darobeweneb kaadkeruwewen.

Yook 17:3

Eb kuu ne niindem aom wedmene amnoombed andangkewe, kombon darobewimaab kumban ambarakmi maa ma wedmaabban. Ne inamen kowaan kuu ne wengbed ambarakmain andaan,

Yook 18:21

Amborom kuu ne kuu Yariman ye kiwaan arimo winimain, ne kuu ne God yaa ma amonombe koronde winindo kowe arewa kamindo.

Yook 26:2

O Yariman, ne inamen andangke. Kwane, ne nen komboon darobewe. Ne dowakeniib inameniib kuu wengyunde.

Yook 35:23

Yaro dembe. ne angkumone kebeni dowad yaro mene! Ne God, ne Yariman, ne dowad koromoni weng nekwe!

Yook 37:23

Kwane Yarimanbed karub maa ye dobiri kerekmen yaa amun ande dowakeniib keraneen kuu, ye yon dodki kuu kangdommo kerunaneen.

Yook 40:2

Yembed monmari ye dem yirimbed ne nen angka kowoon, birin yerekbon yirimbed kui. Yembed ne yon kuu dumnad ari ongmene kamkonombon ari dori yeman kawoon.

Yook 43:1

O God, ne dowad ebbed wengyundeneb ma ambarakmindo ande. Kwane ne kangdod weng koromoneneb God ye kiwaan yikaadbandan yaa kebende. Kwane birande arewa kamenabidan yaa kuu ne nen burudande angka kowe.

Yook 44:21

anam kuu God kuu kuyaa wedme yekaadkeroon karen, ye kuu biknoon ye inamen korem yekaadkeroon kowe.

Yook 58:6

O God, yi mongkodkono aom ningkambo kuu wowe domangke. O Yariman, yi kuu laiyon ye ningkambo yidkangiib areb kowe yi arud yeman domangke ben kiradme.

Yook 9:9

Yariman kuu dabab wayiroondan yi ben kukbimbonman, kwane ye kuu yobdood meneboon yaa aromkonoyiib dobirimbonman.

Yook 96:10

Ambibkin mimimdan yaa yedmime, “Yariman kuu oone doreen. Okad kuu kan ongme kowoone yumbon kamkonoyiib kereen kowe kan dewenebinban. Kwane ye kuu ambibkin mimimdan yaa konomdangmo wengyundaneen.” andime.

Yook 96:13

Yi kuu Yariman ye arinambo ari kwananiib, amborom kuu mananeen kowe. Okad yu kumkam yaa wengyundok mananeen kii. Ye kuu okad yu kumkam yaa yorokmo ye kerekmen yaambed wengyundene, nimakarub korem yaa aadidmiyiibban anammo wengyundaneen.

Yook 98:9

Yi korem kuu Yariman ye arinambo ari wingkime, amborom kuu ye kuu okad yiri mene wengyundok meneen kowe. Yembed okad yu kumkam kuu yorokmo wengyundene ambibkin mimimdan yaa konomdangmo wengyundaneen.

Kwamiwen 12:23

Kwane, erebnarimban kumbed, Yariman ye engyu maambed ayoona komboroona ye id kuu eekbadbed aniiwe bobnoon, amborom kuu Erod kuu God yaningko ma kankoonindo kowe.

Romdan 16:25

God kuu Yesu Keresu ye weng daandiyiib ne kedmengkandiyiib yaambed yiib ben kangdommo ongmendi ye God. Yembed unyemanbed mene kibikee kan biknoon ye weng kumban kibikee kan dian korokboon yaambed yiib ben kangdommo ongmendoon.

1 Tesalonaikadan 3:13

Kwane yembed yiib niindem aom kuu aromkono kondok, Yariman Yesumbed ye karadmodan benmananeen yaron ari kuu, karadmo dobiri ye dowad nub Ambe God ye murubia ari arewayiib ande dedmoniyiibban kondok.

1 Pita 5:10

Kabamoon kondoon ye mimyob dowaken korem ye God, Yesu yaambed dowan kerindeban ye nambiri dabokni dowad yiib yaa baande kinoon ye God kui, yiib durud yewed kandiiwe kibikbed nare ari aron dukmen keraneen kuu yembed yiib yaa demkoronmo ongmene anam andi kangdommoyiib aromkonoyiib kiringmindeban ye anam andiyiib kondaneen.

Kerek Judbed Wongkoon 1:1

Jud nembed kei, Yesu Keresu ye deme karub, Yems ye daman kui. Ambe Godbed kinene mimyob dowaken keendene Yesu Keresu yaambed oonoondan, yiib yaa wongkani keendaan kii.

Korokboon 2:23

Kwane, nembed yu yoman winiwendan kuu yaniine yoworaniib. Kwananiine, anam andiwendan korem kuu yikaadkeraniib kuu, nimakarub korem yi inameniib meeniyiib kuu yekaadmo ye karub kuu ne kei, nembed nimakarub korem mimim kuu komarewa ambangkoon kuu kwanemo ingkandaniin kii.