Yook 7:8 - Yomgkom

⁸ Yarimanbed ambibkindan korem yaa wengyundok. O Yariman, ne yorokmo dobiriyiib aadidmiyiibbaniib kuyaambed ne yaa wengyundeneb ma ambarakmindo ande.

Yook 7:8 ပူးပေါင်းရင်းမြစ်များ

Andowoon 18:25

Eb kuu okaddan korem ye Wengyundi Ye Karub kowe, yorokmo wengyundaneeb dee? Anamaa, ebbed ma kamaabban. Ebbed yorokmodaniib arewadaniib yaa ibmo wengyundande ukum mimo kondaabban, yorokmodaniib arewadaniib ben dabokne yenbandaawe duknaibban.” andoon.

Andowoon 31:53

Korondubko, amob kee domokbanuub kuu Abraham ye God, angkon Nehor ye God, angkon yi ambeya yi God kumbed ewa neya wengyunde dabab kondok.” andoon. Kwamuneene, Yekobbed amob weng yambe Aisek ye God yaningko yaambed ande kowoon.

Yook 11:4

Yariman kuu ye kurikuri ambib karadmo aom doreen, kwane Yariman kuu ye dibere oonimbon Ewen ari dibeen. Ye kuu nimakarub korem yaa ongme keendombirimaan, ye indob kuu nimakarub yi niindem aom andangkimaan.

Yook 25:21

Ne dobiriyiib inameniib kuu ibmo amunmoyiib angkon ne dobiri kangdommoyiib kumbed ne nen dorondandok, amborom kuu ebbed kwananeeb ande meedme doriin kowe.

Yook 26:1

O Yariman, ne dowad ebbed wengyundeneb ma ambarakmindo ande, amborom kuu ne kuu ambarakmoon kii ande kadwoniyiibban ye dobiri yaambed dobaraan kowe. Ne kuu kirokkarokiibban Yariman yaambed yone dobaraan.

Yook 26:11

Kumban ne kuu ambarakmoon kii ande kadwoniyiibban ye kerekmen yaambed doriin, kowe ne nen arud yaa burudande angka koweneb ne yaa mimyob keewe kakman are nonondande.

Yook 41:12

Ne inameniib dobiriyiib dakmiyiib kuu ibmo kowe ebbed ne nenkooneneb, eb arinambo ari aron korem yeman kowewen.

Yook 43:1

O God, ne dowad ebbed wengyundeneb ma ambarakmindo ande. Kwane ne kangdod weng koromoneneb God ye kiwaan yikaadbandan yaa kebende. Kwane birande arewa kamenabidan yaa kuu ne nen burudande angka kowe.

Yook 78:72

Kowe, Dewidbed ma aadidmiyiibban kere ye inameniib dakmiyiib dobiriyiib ibmo keroon kumbed yi kuu oonoon, kwane ye inamen indengandeng mengmeng kumbed ben kinban winimaan kii.

Yook 82:1

God kuu kadaareb nedbiwen aom kuu yembed korok kere doreen, yembed ambibkindan yena yi korok korok yaa wengyundimaan kui.

Yook 9:8

Ye kuu okad yiridan ben yorokmombed wengyundaneen, kwane ye kuu ambibkin mimimdan yaa konomdangmo wengyundaneen.

Yook 96:13

Yi kuu Yariman ye arinambo ari kwananiib, amborom kuu mananeen kowe. Okad yu kumkam yaa wengyundok mananeen kii. Ye kuu okad yu kumkam yaa yorokmo ye kerekmen yaambed wengyundene, nimakarub korem yaa aadidmiyiibban anammo wengyundaneen.

Yook 98:9

Yi korem kuu Yariman ye arinambo ari wingkime, amborom kuu ye kuu okad yiri mene wengyundok meneen kowe. Yembed okad yu kumkam kuu yorokmo wengyundene ambibkin mimimdan yaa konomdangmo wengyundaneen.

Kwamiwen 17:31

amborom kuu nimakarub korem yorokmo wengyundaneen yaron kinekore, wengyundi korok kinoon kowe. Nimakarub korem yi dowad kwanoon yaa wedme anam andi yeman kuu Godbed korok kee bobnoon yirimbed nenkoonoone ika wadkere demboon kui.” andoon.

2 Korindan 1:12

Kwane, nubbed kerengkande dakmuub kuu kei, nub komo kamuwen ye kiwaan korokbendoon kuu, okad kiri doburuweniib yiib yoom doburuweniib kuu inamen karadmoyiib aadidmiyiibban ye inameniib God yaambed meneboon kumbed ambangke doburuwen, anamaa, yiib yoom doburuwen kuu kwamunemo kuda. Kwanuwen kuu okad kiri ye meeni kangdom ye kerekmen yaambedban, Godbed kabamoon kondoon ye mimyob dowaken ye kerekmen yaambed kui.

1 Tesalonaikadan 2:10

Yiib anam andiwendan kumaom doburuwen kuu, nub kuu karadmoyiib yorokmoyiib ambarakmiyiibban doburuwen kuu yiib yoom God yoom wedmiwen.