Yook 59:16 - Yomgkom

¹⁶ Kumban ne kuu ewaromkono ye dowad yook wingkaniin, kwane amkimo kuu eb womoniyiibban ye mimyob dowaken ye dowad kube wingkaniin, amborom kuu eb kuu ne dore aromnimbon, kwane dabab ne yaa menebimaan kuu ebbed kukbimaabbon aombed dobirimain.

Yook 59:16 ပူးပေါင်းရင်းမြစ်များ

Yook 101:1

Ne kuu eb womoniyiibban ye mimyob dowakeniib anammo wengyundiyiib ye dowad yook wingkaniin, o Yariman, ewaningko kankooni yook wingkaniin.

Yook 106:8

Kumban yembed yi kuu arewa yaa burudande bindoon, ye yirin kowi ye dowad. Ye aromkono darewoob korokbi dowad kwanoon.

Yook 138:7

Ne kuu arewa dabab niindem aom yarebimain kumban, ebbed ne kuu ongmewaawa wadkerimain. Ne bondanbed ne yaa kuu arud wandimaib kuyaa kuu eb dingkimbed kebenimaab, kwane eb dingki wiwimbed ne kuu arewa yaa burudande nendimaab.

Yook 143:8

Ne kuu eb yaambed angkumone doriin kowe, amkimo kuu korondebko eb womoniyiibban ye mimyob dowaken kuu ne yaa kanmonok. Ne kingkin kuu eb yaa kankoone kabdaan kowe, ne dowad kiwaan anam kuu korokbewe.

Yook 145:11

Yi kuu eb oonimbon ye nambiri ye wengiib, eb aromkono kai ye wengiib dakmenabaniib.

Yook 21:13

O Yariman, ewaromkono yaambed aningko ariyiib kerok. Nub kuu eb aromkono dowad yook wingkenub ewaningko kankoonanuub.

Yook 30:5

Amborom kuu ye arud kuu aron dukmen manambed dowan kerimaan, kwane ye dowaken kuu wooni yaronbed wene bobni kumbed angkimbaraneen. Amnoom kuu ne kuu ameng kamenabe wene amkimo kuned, amkimo kerimaan kuu kubi kanminimaan.

Yook 31:7

Eb womoniyiibban ye mimyob dowaken yaa kuu dowaken kereni kubaniin, amborom kuu durud yewed kandaan kuu wedmeneb, dabab kande miin kubiyiibban keraan kuu ebkaadkerewen kowe.

Yook 36:5

O Yariman, eb womoniyiibban ye mimyob dowaken ye ambab kuu daane ewen ari nandoon, kwane eb ma korondiyiibban eweng awini ye ambab kuu daane ambid ari nandoon.

Yook 4:1

O ne nen koromone dorondandi ye God, eb yaa baandaka inanduwe. Ne dabab aom wanaan kuu ebbed awawi kawewen. Kowe, ne yaa mimyob keeweneb ne kurikuri wengambere.

Yook 46:1

God kuu nub ben kukbimaanbon angkon nub aromkono, kwane dabab aron yaa kuu awandande nekwimbed doreenmo.

Yook 5:3

O Yariman, amkimo kaimbed ne weng dakmaina wengambirimaab, amkimo kaimbed ne dowaken kaamobi kuu benmene eb arinambo ari nongkobekori, anam kwanuwaneeb andi ye meenimbed meedmimain kii.

Yook 77:2

Dabab ne yaa meneboon kuu Yariman ande manaan, kwane amnoom doboob kuu dingki benkoobe ninabaan kuned, barang maa kuu ne mimyob wandi yaa kuu ma kankubunindo.

Yook 86:13

Amborom kuu eb womoniyiibban ye mimyob dowaken ne yaa minimaan kuu miin darewoob kii, kwane ebbed ne kuu bobkonombon kongdem yirimbed nen angka kowewen.

Yook 88:13

Kumban, o Yariman, eb yaa awawe ande baandimain, amkimo kuu eb yaa kurikuri kamimain.

Yook 89:1

Ne kuu Yariman ye womoniyiibban ye mimyob dowaken ye dowad aron korem yook wingkaniin, kwane eb ma korondiyiibban eweng awini ye kerekmen kuu nimakarub yaro dobere dobere yaro wananiib korem aom ne mongkodkonombed kedmengkandaniine yikaadkeraniib.

Romdan 15:9

Kwanoon kuu Yuudanban kuu Godbed yi yaa mimyob keende kakman are nonondandoon kumbed God yaa nambiri konime anded. Kuye dowad Dewidbed God Ye Weng aom kekamune yedme wongkoon, Keresu ye dowad, “Kwani kowe, Yuudanban kumaom kuu nembed ewaningko kankoonaniin, kwane eb yaa kurikuri yook wingkaniin.” andoon.

2 Korindan 1:10

Yembed nub kuu no dukni yeman ye dabab yaambed benkooboon, benkoobindo karen duknuwen karen. Kwane, yembed kuye dabab yaambed benkoobaneen. Yembed dukni yeman ye dabab yaambed nub benkoobimamaneen kuyaa kuu anam kwananeen ande meedme doruub.

Efesusdan 3:20

Kwane, nub kaamobiyiib meeniyiib yaa korem burudande aman ari kumunkingkinban ye ambangki ye God, ye aromkono nub niindem aom ambangkimaan ye kerekmen yaambed,

Hibrudan 5:7

Yesu okad yiri doboroon yaron kuu yembed naawonmo ameng kamiyiib inok wiyiib kamoon kumbed kurikuriyiib kaamoniyiib kuu bangkanoon, ayiwed bobnimbon yaa burudande nendaneen kuu yimin ye God yaa. Kwane, Godbed ye weng wengamboroon, amborom kuu Yesu kuu yekareb kankubune aningko kankooniyiib God ye dowaken yaambed doberembirimaan.