Yook 56:13 - Yomgkom

¹³ Amborom kuu ebbed ne nen bobni yaa burudande angka kowewen. Kwane ebbed ne yon kuu boknande kombaraan ande awawewen. Kwanewen kuu eb arinambo arimbed dodkanmo wonok andewed, wad doriibdan yaa yuroon ye nambiri aombed.

Yook 56:13 ပူးပေါင်းရင်းမြစ်များ

Andowoon 17:1

Abram ye weeb kuu 99iib keroone, Yarimanbed angkaderene yedmenoon, “Ne kuu Aromkono Darewoob Arimbed Ye God kowe, ne dowaken yaambed dobereneb eb yaa ambarakmoon kii ande kadwoniyiibban dobere.

Yook 145:14

Kane kane kombiriwen kuu Yarimanbed awande benkoobimaan, kwane kane kane dabab aom kande doriib kuu yembed ben angka nongkobimaan.

Yook 17:5

Ne kuu eb kiwaan yirimo dodkanmo weniin, ne yon kuu ma monkare kimyen angka ma dodkan winindo.

Yook 49:15

Kumban Godbed ne wadkeri kuu bobkonombon yirimbed biddaneen, amanaa, ne kuu yekareb yeyiib yaa nenwananeen. Selah

Yook 94:18

“Ne kuu kombarandamiin.” ande yedmaniin kuu o Yariman, eb womoniyiibban ye mimyob dowaken kumbed angkumone nen kowaneeb.

Yoon 8:12

Kwane, Yesumbed nedbiwendan yaa ika dakmoon, “Ne kuu okaddan ye nambiri kii. Kowe kanembed ne yoman mananeen kuu kumun aom wanaanban kuned wadkeri ye nambiri kandaneen.” andoon.

2 Korindan 1:10

Yembed nub kuu no dukni yeman ye dabab yaambed benkooboon, benkoobindo karen duknuwen karen. Kwane, yembed kuye dabab yaambed benkoobaneen. Yembed dukni yeman ye dabab yaambed nub benkoobimamaneen kuyaa kuu anam kwananeen ande meedme doruub.

1 Tesalonaikadan 1:10

God ye Mingki Ewen arimbed mananeen ande meedmiib. Kukuu Yesu, Godbed bobnoon yirimbed nenkoonoonman kui. Ye kuu God ye arud darewoob mananeen yaa kuu, nub be burudande bindaneen.

Hibrudan 2:15

Kwane Yesumbed monmarekore, kane kane bobni ye uni yaambed Setenbed awinende yerengkoone yi wanabi yaron yirimbed ari kuu ye dabderem yiri dobere ye dememo awinembirimaibdan kuu Yesumbed dudbere ben angkadoroon.

Yems 5:20

weng keyaa ika meene. Karub kanembed ambarakmi ye karub kiwaan abdon ari weneen kuu amonombe nen kiwaan amun ari nenwananeen kuu, ambarakmoon ye karub kuu ye bobni yaa burudande bindaneene ambarakmi miin yemoon kwangkon are nonondandaneen.