Yook 54:5 - Yomgkom

⁵ Ne yaa yemyeb darobidanbed ne yaa arewa kamenabi kuu yembed amonombe yi yaa kerundok. God, eb korondiyiibban eweng awinimo dobiri ye kerekmen yaambed yi ben monmarunde.

Yook 54:5 ပူးပေါင်းရင်းမြစ်များ

Yook 137:8

Babilondan, yiib kuu monmari dowad kinoon, yiibbed nub yaa arewa kamenabiwen kuyaa kuu karub kanembed ibmo inandundaneen kuu amun kerunaneen.

Yook 143:1

O Yariman, ne kurikuri wengamberewe. Mimyob keewe awawe ande baandaan kuu wengamberewe. Eb ma korondiyiibban weng awini kerekmeniib yorokomo kerekmeniib kuyaambed ne yaa inanduwe.

Yook 143:12

Eb womoniyiibban ye mimyob dowaken yaambed ne bondan kuu kebene. Ne yaa dabab kawimaibdan korem kuu monmare, amborom kuu ne kuu eb dememan kowe.

Yook 27:11

O Yariman, eb kiwaan kedmengkawe. Ne kuu ne nen yiri kubunandamiibdaniib kowe, kiwaan yorokmo arimbed ne nen kinban wene.

Yook 31:23

Yembed yorokmo kerundoondan, yiib korem kuu Yariman yaa mimyob dowaken keenime! Korondiyiibban anam ande doriibdan kuu Yarimanbed dorondare awandimaan, kumban kerengkan kamiibdan kuu yembed kumundinmo ine dabab kondimaan.

Yook 5:8

O Yariman, ne kuu bondaniib kowe, eb yorokmo dobiri yaambed ne nen kinban weneneb, yorokmo dobiri ye kiwaan ebbed ongmewen kuu korobe korokbewe.

Yook 86:14

O God, nubbedmo yimin andidanbed nandamiib kii, yi kuu yeremboromdan kumbed ne neene kowande onmiib, yi kuu eb yaa meenimokbandan kui.

Yook 89:49

O Yariman, anuk kuu ma korondiyiibban weng awini ye inamen Dewid yaa yedme kowewen kumbed eb mimyob dowaken darewoob keenewen kuu kuna?

Yook 94:23

Yi ambarakmi ye dowad kakman kondene yi miin arewa kamenabi dowad monmaraneen, Yariman nub Godbed yi yeene monmaraneen kui.

2 Timoti 4:14

Aleksandee awuri ongmenabi ye karub kuu ne yaa dabab darewoob kan keewoon. Kumban komo kamoon ye kakman kuu Yarimanbed konaneen.

Korokboon 18:6

Yumbed yiib yaa komoyiib bangkandimaun kuu angkon ika kwamunemo ingkandime. Yumbed komo kamenabeen ye dowad ingkande ayoob kerime. Yumbed dabab bangkandi ye ok arewa bangkandimaun ye kabus kuu kande ok kwamune yu yaa ingkande ayoob kerime.