Yook 51:10 - Yomgkom

¹⁰ O God, ne niindem aom yeweb karadmo ongme. Kwane ne inamen kuu kangdommo kerune.

Yook 51:10 ပူးပေါင်းရင်းမြစ်များ

Yook 24:4

Kuye karub kuu ambarakmiyiibban ye dingkiyiib inamen karadmoyiib kumbed kui, kwane ye kuu dudi god yi kuruwak yaa bumangkindo, kwane ye kuu birande amob ongmindo.

Yook 35:10

Ne inamen korem kumbed baandaniin, “O Yariman, kanembed eb yaa iibmo keroon? Dowan! Kamboknondan kuu aromkonodanbed yenbandimaib kuu ebbed yi ben burudande angka nongkobimaab, kwane kamboknondaniib awandime ande meeniibdaniib kuu yidbidan mene yi yiribman bimaib kuu ebbed yi ben burudande angka nongkobimaab.

Yook 73:1

Anamaa, God kuu Israeldan yaa amun amun kamimaan, kane kane yi niindem aom kuu karadmo keroondan yaa kui.

Yook 78:37

Kedi, yi niindem aom kuu ye yaa kowindo, kwane ye amob weng yi dowad ongmoon kuu awinindo kimyen winiwen.

Yook 78:8

Yi kuu yi awoya areb keraibban, amborom kuu yi awoya kuu bot korok kere wabkad keriwen kowe, yi awoya kuu God yaa korondenib god maa maa yi yoman winiwen.

Matyu 5:8

Kane kane niindem aom kuu karadmo kuu Godbed amun kerundoon, amborom kuu yi kuu God ye kerebiri wene wedmenaniib kowe.

Kwamiwen 11:23

Baanabas kuu karub amun, ye kuu God ye Kingkin Karadmo ibenooniib anam andi darewoowiib, kui. Kowe, wene Antiok nandekore, wedmoon kuu anam, nimakarub kibireb anam andiwen yaa kuu Godbed amun kerundoon kowe, kubiyiibbed yi yaa andemendoon kuu niindem aom kangdommo kere God yaamo meenimo dobirime kwane ande dakmoon. Kwane, weng amuniib dakmenaboone, nimakarub yemoon bin Yariman ye kiwaan yiri benmonoon.

Kwamiwen 15:9

Kowe, ye kuu nub dore yi dore ma yorokme ma andokbande ma meenindo, amborom kuu yi anam andimbed yi niindem aom kuu are ongmoon kowe.

Romdan 12:2

Okad yiri ye inamen yaa daboknenwaib, korondibko Godbed yiib inamen meeni kuu yeweb ongmene ben yeka mamaa kerundok. Ke kwamune kerundaneen kumbed andangke wedme God ye meeni dowaken kuu amunmo yorokmo ande yedmaniib. Kedi, God ye meeni dowaken kuu amun amuniib kubi yemaniib demkoronmoyiib kui.

1 Korindan 15:58

Kwana kowe, mimyob dowaken keendimain ye angkodmia, kangdommo doberembirime. Korondaiwe, komombed ben mangdobaan andid. Aron mimim korem Yariman ye deme yaa yiib inamen kumundinmoyiib awinimamime. Amborom kuu yiib yiibkaad kui Yariman ye deme ambangkimaib kuu idiibban keri yemanban, idiib kerimaan kowe.

2 Korindan 5:17

Kwana kowe, kane kanembed Keresu yaa anam ande dabokniwen kuu yi kuu yeweb ongmenaboon. Kurin yiri yeman kuu dowan, yeweb yeman yi yaa angkeen kii!

Efesusdan 2:10

Kedi, Godbed nub kuu amunmo ongmenaboon, nub kuu Yesu Keresu yaa ben daboknoon kumbed amun amun kami dowad ongmenaboon kii. Amun amun kami kee nubbed ambangkime andi dowad anuk yirimbed nekwoon.

Kolosedan 3:10

dobiri yeweb awine kandiwen kowe. Kuye dobiri yeweb kuu kuye dobiri kiwaan ongmoon ye God areb kere ye yaa kaadkeri yeman.

Taitus 3:5

yembed nub kuu bobni yaa kuu burudande bindoon. Kwane, nubbed amunmo kame doburuwen kumbed bindindo, yekareb ye mimyob keende kakman are nonondandoon kumbed nub bindoon. Ye kuu Kingkin Karadmombed nub niindem aom oganabe wadkeri yeeb inamen yeeb kondoon yaambed bindoon.

Yems 1:8

Ye inamen kuu ayoob ayoob karub keroon. Ye inamen korem kuu konoo embeng barakbarak kamenu amonombemoon areb.

1 Pita 1:22

Yiib kuu anam anam wengambere awiniwen kumbed yiib niindem aom karadmo kerenib, aadidmiyiibban ye mimyob dowaken yiiwangkodmia yaa keendimaib kowe, mimyob dowaken darewoob kere anammo keendime.