Yook 50:23 - Yomgkom

²³ Kane kane ne yaa eso andi dowad munob bangkawimaan kuu ne aningko kankoonimaib, kwane kane kane yorokmo dobiri ye kiwaan ari doriib kuu nembed bobni yaa ben burudande bindaniin.” andoon.

Yook 50:23 ပူးပေါင်းရင်းမြစ်များ

Yook 120:1

Ne yaa dabab monoon kumbed Yariman yaa baandaane, yembed inanduwoon.

Yook 22:23

Yariman yaa unimaibdan, yiib kuu ye aningko kankoonime! Yekob yawoya korem, yiib kuu ye yaa nambiri konime! Israeldan korem, yiib kuu ye yaa bumangkime!

Yook 25:14

Kane kane Yariman yaa une bumangkimaib kuu yembed inamen kan biknoon kumbed yi yaa korokbendaneen, kwane amob weng ongmoon kuu yi yaa korokbendaneen.

Yook 27:6

Kwananeen kuu ne korok kuu Godbed nenkoonene bondan kanawanewandiwen yaa kuu ne nen burudande ari kowaneen. Ye kurikuri ambib yaa kuu nembed kube baandeni dingkan aye nengke baeb konaniin, kwane Yariman yaa yook wingkeni yaningko kankoonaniin.

Yook 34:5

Kane kane ye yaambed yone dobiriwen kuu kubembiriwen, kwane karak ye kubun kumbed yi murubia ma kebenaanban dowan.

Yook 85:13

Yorokmo dobiri ye kerekmen kuu king meneen ande baandi ye karub areb God ye arinambo ari wenene, ye dodkanmo mini ye kiwaan nekwimaan.

Yook 85:9

Anam kuu kane kane ye yaa une bumangkimaib kuu yembed bobni yaa burudande bindi dowad yaro nekwoon. Kwananeen kuu ye nambiri kuu nub okad kwari angkimbaraneen.

Yook 86:12

O ne Yariman God, ne niindem aom kumundin kumbed eb yaa kubaniin, kwane ewaningko yaa kuu aron korem nambiri kankowaniin.

Yook 86:9

O Yariman, ambibkin koremdan kuu ebbed ongmenabewen kowe, mene eb arinambo ari ewaningko kankoonaniib, kwane yi kuu ewaningko yaa nambiri kankowaniib.

Yook 91:16

Aron doboob ye dobiri konaniine kubimo dobaraneen, kwane bobni yaa burudande bindi ye kiwaan nembed ongmaan kuu korokbenaniin kii.” andoon.

Yesu Ye Weng Amun Lukbed Wongkoon 2:30

Kuu yimin amborom kuu Bobni Yaa Kuu Burudande Bindi Ye Karub ebbed kondewen kuu ne indobbed wedmaan kowe.

Yoon 7:17

Karub kane kuu dowaken kerene Godbed ye dowaken keroon yaa ambangkaneen kuu, nembed kee kedmengkandiin kuu God yaambed monoon dee, neka ne meeni dakmiin dee kuu yekareb andangke yekaadkeraneen.

Kwamiwen 11:14

Kwane, yembed weng kuu kanmananeen kuu eb yoom eb ambiwoom doriibdan korem yoom kuu wengambere anam andaniib kuu Godbed yiib bobni yaa kuu burudande bindaneen.’ andoon kowe Kooneliusbed daawoon.

Kwamiwen 13:26

“Angkodmia, Abraham yawo awo aridan kui! Ambibkin yenadan God yaa une bumangkimaib kui! Godbed nimakarub baneen ye weng kuu nub yaa monoon kii.

Romdan 12:1

Kwani kowe, angkodmia, nangkande yedmaan kuu, Godbed yiib yaa mimyob keende kakman are nonondandoon kowe, munob koni yeman God yaa konemoon areb yiib ida yona dingkia kuu God yaa bangkanibko yembed korok kere oonok, yiib wad doriib kumaombed. Kwane, yiib kuu karadmo keraniiwe Godbed kubi dowaken kerundaneen. Kukuu kwamunembed kurikuri dowad God ye deme yaa kowe ambangke yimin keri yeman.

Romdan 15:6

Kuye inamen awine kandaniib kumbed yiib kuu inamen mimo mongkodkono mimo kere daboknenib, nub Yariman Yesu Keresu ye Ambe God yaa nambiri konime anduwed.

Romdan 15:9

Kwanoon kuu Yuudanban kuu Godbed yi yaa mimyob keende kakman are nonondandoon kumbed God yaa nambiri konime anded. Kuye dowad Dewidbed God Ye Weng aom kekamune yedme wongkoon, Keresu ye dowad, “Kwani kowe, Yuudanban kumaom kuu nembed ewaningko kankoonaniin, kwane eb yaa kurikuri yook wingkaniin.” andoon.

Galasiadan 1:24

Kwane, yi kuu ne dowadbed God yaningko kankooniwen.

Galasiadan 6:16

Kane kane yiib kuu inamen keyiib kee awine kande doriib kuu yewenub dobiriyiib mimyob keende kakman are nonondandiyiib kuu yiib korem yaa bangkandok. Kukuu, God ye nimaya karuwa anam kui.

Filipaidan 1:27

Ma, Yesu Keresu ye weng amun ye kerekmen yaambed yiibka oone dobirime. Kwananiib kuu, yiib yaa kuu meneni wedmendaniin o manainban no dobereni wengambaraniin kuu, nekaadkeraniin yiib inamen mimombed kangdommo doberembere meeni mimombed weng amun ye anam andi ye dowad bamdaane ambangkenib,

Yems 3:13

Yiib kuyaom kuu kane kanembed meeni kangdomiib kerenib yorokmo meenimaib? Kee kwamune awiniibdan kuu yi meeni kangdom yaambed yika kankubune amun amun kamimaib kumbed yi meeni kangdom korokbime.

1 Pita 1:15

Yiib yaa baandoon ye God kuu karadmo kowe, ye areb kerenib komo komo kamandamiib korem kuu karadmo ye inamen yaambed ambangkime,

1 Pita 2:9

Kumban, yiib kuu Godbed kinoondan, Korok Darewoob ye dore nimakarub dore wedyiri dobiridan, karadmo kamidan, God ye karuwa nimaya kui. Kwane keriwen kuu kumun yiri doriiwa baande bene ye nambiri amun kai aom wooroon ye God yaa kubi wengiib yaningko kankoonime anded.