Yook 5:11 - Yomgkom

¹¹ Kumban kane kane yi kuu ebbed kukbimaabbon aombed dobirimaib kuu kubime, kwane yi kuu kubi yook wingkime. God, eb oonendi kumbed yi ari dabunende. Yi kuu eb yaa mimyob dowaken keebdiwen kowe, kwananeeb kuu eb yaa kubaniib kii.

Yook 5:11 ပူးပေါင်းရင်းမြစ်များ

Yook 2:12

Ye Dana Mingki yaa bumangke yaningko kankoonime, kwanaibban kuu arud wandene, yiib wadkeri kuu wedyambed nare monmaraneen. Amborom kuu ye arud kuu kudmeniibban yurendimaan kowe. b Kane kane kuu Dana Mingkimbed kukbimaanbon aombed dobaraniib kuu yi korem kuu amun kerundaneen kii.

Yook 35:27

Kumban kane kane Godbed ne dowad wengyunde ambarakmindo andoon yaa kubaniib kuu dowakeniib kere kube baandime. Yi kuu kekamune yedmimamime, “Yariman yaningko arimbed kerok, yembed ye dememan amunmo dobirimaan kuyaa kubimaan kii.” andimamime.

Yook 40:16

Kumban kane kane eb ande onmiib kuu, eb yaa dowakeniib kerenib kubebdime. Kwane kane kane ebbed bobni yaa burudande bindi yaa dowakeniib keriwen kuu, yedmimamime, “Yariman yaningko ye yirin darewoob kerok.” andimamime.

Yook 58:10

Yorokmodan yi dowad arewa kamidan keyaa kwane ingkandaneen kuu kubaniib, yorokmodan kuu arewa kamidan yi umkan aom yi yon okaniib kumbed kubaniib kui.

Yook 65:13

Dura ye kereekbon kuu dingkan kab yewuudmo anengkanan yarebiib, kwane dabon kankubuneen yiri kuu animan id keene wonoon, kwane yi kuu kube baandimaib, ee, kube wingkimaib.

Yook 68:3

Kumban yorokmodan kuu dowakenmo kerenib, God ye murubia ari kubime, kwane yi kuu kube ningyak kowime.

Yook 69:36

ye demedan yi meed kuu kuye okad kuu yiman keranuun kui, ye yaa mimyob dowaken keenimaibdan kuu kuyaa dobaraniib kui.

Romdan 8:28

Kwane, nub nubkaad kumkam korem yaambed kuu Godbed amun amun kerundi dowad ambangkimaan, kane kane God yaa mimyob dowaken keeniwendan yaa. Kukuu ye inamen dowaken ye kerekmen yaambed baandoondan yaa kui.

1 Korindan 2:9

Kuned kuu God Ye Weng aombed kekamune yedme wongkoon, “God yaa mimyob dowaken keeniwendan yi dowad yembed nekwandoon ye inamen kuu, kane kanembed indobbed ma wedmindo, kerendembed ma wengambirindo, yika yi inamenbed ma meenindo kui.” andoon.

Yems 1:12

Karub kanembed komboon kaamoni ye dabab meneboon yaa kangdommo dobaraneen kuu Godbed amun kerundoon, amborom kuu yiminmo dobaraneen kuu wadkeri ye kakman king ye korok ari dereni yeman areb kandaneen. Kakman keyaa Godbed weng kunduk yedme kowoon, ye yaa mimyob dowaken keenimaibdan yi dowad.

Yems 2:5

Mimyob dowaken keendimain ye angkodmia, wengambirime. Okad yiridanbed kane kane yaa kamboknon andimaib ye karuwa nimaya kuu, Godbed kinoona yi anam andi yaa yiminmo kerekoriwa, oonimbon aom mimyob dowaken keendoondan yi yumbon yeka ye weng kunduk kowoon kuu kandaniib. Eeyoo?

Korokboon 18:20

O Ewen ari doriibdan, yiib kuu yu monmari dowad kubime! God ye karadmodaniib God ye apasodaniib God ye profesi weng wengambere dakmidaniib, yiib kubime! Amborom kuu yumbed yiib yaa komarewa ambangkimaun kuu Godbed wedme wengyundandoon kowe.” andoon.