Yook 45:8 - Yomgkom

⁸ Eb ebkad doboob korem kuu meer baewiib alo baewiib kasia baewiib, kwane king ye ambib aiforimbed yenbiwen kuyaambed nongiib ye wangki yemaniib wingkenib kubi kabdimaib.

Yook 45:8 ပူးပေါင်းရင်းမြစ်များ

Yook 11:7

Amborom kuu Yariman kuu yorokmo, ye dowaken darewoob kuu yorokmo kamime anded, kwane kangdommo doriibdan kuu ye murubia wedmaniib.

Yook 150:4

Tamborin wangke andenib ye aningko kankoonime. Nongbed wangki yeman wangkanabe yurin wurumenib ye aningko kankoonime.

Yook 16:11

Ebbed wadkeri ye kiwaan kuu korokbewewen. Kwane eb arinambo arimbed ne yaa kubi kawaneeb, aron korem ye kubiyiib eb dingki wiwi angkambed kui.

Yook 45:15

Yi kuu kubiyiib dowakeniibbed ben kinban wananiib, kwane yi kuu king ye ambib aom aomnaniib.

Matyu 2:11

Kwane ambiwoom awunenib, dana yoom yawaan Meri yoom wedmiwen. Kwane, yi korem bumangkanib korok ambokibenib dana yaa kube yaningko kankooniwen. Kwane, yi od yowoyiib bongmenabenib munob yiribman ye yaa bangkaniwen, od goldiib at nunung baeb amun yeman yaningko ferengkinsensiib muramura baeb amun yaningko meeryiib kwane bangkaniwen.

Yoon 14:2

Ne Ambe yambiwoom kuu wadnarimbon yemoon. Kwamunemban karen yiib yaa kee kwane daandindo karen. Kedi, ne kuu kuyaom yiib dowad yumbon nekwandok wananiin.

Yoon 19:39

Anuk yirimbed Yesuyiib yaa amnoombed durune wonoon ye karub Nikodemus kuu baeb amun yeman meeryiib aloyiib dabokniwen ye dabab 35 kilos areb kumbed kan Yosef yaa dabokne wonoon.

Hibrudan 12:2

Nub indob kuu Yesu yaambed keenomberem, ye kuu nub anam andi yaa kuu andowe ongmene demkoronmo kerundi ye karub kowe. Ye kuu kubi kandi dowad kine kowoon kowe, at ming arimbed bobni ye karak kuu ma meenindo kumbed, kwari durud yewed kuu kangdommo kandekore, God ye oone dibirimbon dingki wiwi angkambed diboroon.