Yook 45:3 - Yomgkom

³ O king kanangkod aromkonoyiib, eb kerewang kande inware. Kwane eb dobiri manimanandewiib nambiriyiib kuu korokbende.

Yook 45:3 ပူးပေါင်းရင်းမြစ်များ

Yook 104:1

O ne kingkin, Yariman yaningko kankoona. O Yariman ne God, eb kuu darewoob arimbed, kwane eb kuu nambiriyiib dobiri manimanandewiib inwarewen.

Yook 145:12

Kwane dakmaniib kumbed nimakarub korem kuu eb kamenabi aromkono kuyiib eb oonimbon ye nambiri manimanandeb kuyiib kuu yikaadkeraniib.

Yook 145:5

Yi kuu eb dobiri manimanandeb ye nambiri kwane dakmenabaniib kii. Eb ambangkanabi kumbed binangke eb yaa kubimaib ye weng kuu kube meendobaniin.

Yook 21:5

Ebbed awanenewen yaambed ye nambiri kuu darewoob keroon, kwane ebbed ye ari dobiri manimanandewiib nambiriyiib bangkanewen.

Yook 21:7

Amborom kuu king kuu Yariman yaambed inamen angkumone doreen, kwane Korem Burudandoon Arimbed Ye God ye womoniyiibban ye mimyob dowaken yaambed ye kuu ma kiringmaanban.

Yook 96:6

Nambiriyiib dobiri manimanandewiib kuu ye yaambed meneboon, kwane ye kuu ye kurikuri boyambiwoombed aromkonoyiib manimanandewiib doreen.

Kwamiwen 10:36

“Israeldan yaa God Ye Weng kowoon kuu yiib yiibkaadkeriwen. Weng kukuu korem yi Yariman Yesu Keresu yaningko yaambed yewenub ye weng amun kondoon.

Romdan 14:9

Kuye dowadbed Yesu Keresu kuu bobnekore ikakman wadkeroon kowe, ye kuu dukniwendaniib wad doriibdaniib yi kangkoman keroon.

Hibrudan 1:3

Mingki kuu God ye nambiri kuu dianmo keroon. Ye kuu ye Ambe ye inamen meeni korem areb ibmo doboroon. Ye weng aromkonoyiib kumbed kumkam korem angkeen. Kwane, ambarakmi aari ye kiwaan kuu ambangke dowan kerekore, Ewen ari daane Aningko Arimbed Ye God ye dingki wiwi angkambed dibeen.

Hibrudan 4:12

Kedi, God ye weng kuu wad dore yiminmo ambangkembirimaan. Ye weng kuu kerewang ered ayoob ye arud arebban, arud anam kai kowe, nare awune wene wadkeriyiib kingkiniib nadme andokbe kono inoon yaayiib kono ambodiib nadme andokbe kwane nimakarub yi niindem aom meeniyiib inameniib kuu wengyundimaan.

Hibrudan 8:1

Nubbed ke meene dakmuub ye id kuu kei, nub kuu kwamune ye God dore nimakarub dore wedyiri dobiri ye karub darewoowiib, ye kuu Ewen aom nambiri darewoowiib, ye God ye ooni ye dibirimbon ye wiwi angkambed aromkono kandimbon ari diberekore,

Kerek Judbed Wongkoon 1:25

God ye kumbedmo kuu God, nub Bobni Yaa Burudande Bindi Ye God kui. Ye yaa kuu nub Yariman Yesu Keresu yaambed nambiriyiib aningko darewoowiib aromkono darewoowiib ooni yaromkonoyiib kerok. Kurin kuriniib kibikiib aron korem koremiib kwana kerok. Anam kwanok.

Korokboon 1:16

Ye dingki wiwi angkambed mindong ediib awingkoon. Kwane ye mongkodem aombed kerewang angkara arud angkara arud kuu yeedureen. Ye murubia kuu aron yu nambiri areb.

Korokboon 19:15

Kwane, ye mongkodkono aombed kerewang arudiib kumbed kakumundin yenbandi yeman angkadereen. Ye kuu king ye aromkono yobdoodmo kwamune areb yi yaa oonaneen. Kwane, nong yob beengke ambodmo kandemoon areb, yembed Aromkonomo Ye God ye arud miin darewoob kuye ambodmo kandaneen kumbed, ambarakmidan yaa bangkandaneene ananiib.

Korokboon 19:21

Kwane ana nangmidan yena korem kuu hoos kwarimbed dibere yarebimaan ye karub ye mongkodkono aombed kerewang angkadereen kumbed yenbandoone dukniwen. Kwaniiwe, onbed menebe yi bob id kuu berewariwen.