Yook 42:9 - Yomgkom

⁹ Ne kuu God ne aromkonombon yaa kaamonimain, “Eb komande ne nonondanduwewen? Komande ne bondanbed yobdood keruwaiwe ne kuu kwane yuudi ameng kamembirimain?” andimain.

Yook 42:9 ပူးပေါင်းရင်းမြစ်များ

Yook 13:1

O Yariman, eb kuu aron komoyiib ne yaa meenaabban? Aron korem nonondanduwaneewoo? Aron komoyiib ne yaa angkurom korokbewaneeb?

Yook 18:2

Yariman kuu ne aromkonombon, ye kuu ne aromne angkumonimbon, ye kuu arud barang yaambed ne nen burudande angka kowi ye karub. Ne God kuu ne aromkonombon, yembed kukbimaanbon aombed dobirimain. Ye kuu ne kombe, ye kuu bobni yaa ne nen burudande bindi yaromkono, ye kuu ne dorondarimbon.

Yook 28:1

O Yariman, eb yaa baandaan. Ne aromkonombon, eb kuu ne yaa wunekaraab, inanduwe. Amborom kuu inanduwaabban keraneeb kuu ne kuu bobkonodem yiri kubune dangiwendan areb keraniin kowe.

Yook 38:6

Ne kuu nikbe kan kubune yiminban keraan, kwane amkimombed wene amnoom kuu yuudi ameng kame yarebimain.

Yook 43:2

Eb kuu God ne dore angkumonimbon kowe, komande ne yaa wunekarewen? Komande ne bondanbed yobdood keruwaiwe ne kuu kwane yuudi ameng kamembirimain?

Yook 62:2

Yembedmo kuu ne aromkonombon kwane angkon ne nen burudande angka kowi ye karub, kwane ye kuu ne dore aromnimbon kowe, ne kuu yenambed ma nen kiringmaibban.

Yook 77:9

God ye mimyob keende kakman are nonondandi kuu dowan keroon dee? Yembed norin wandoon kumbed mimyob keendimokban keroon dee?” andaan. Selah

Yook 78:35

Kwane, yimbed ika meeniwen kuu God kuu yi aromkonombon, kwane ika meeniwen kuu Korem Burudandoon Arimbed Ye God kuu yi biddi ye God.

Yook 88:9

Ne mimyob wandembaraan kumbed ne indob kuu aromkonoyiibban keroon. O Yariman, aronki korem eb yaa baandimain, kwane ne dingki kuu eb yaa benkoobe baandimain.

Yook 92:3

Ewaningko kankooni dowad nong angko angkoyiib ye laiya wangki kuu amun, ewaningko kankooni dowad kuweng amuniib ye haap wangkenabi kangkon amun kii.