Yook 42:4 - Yomgkom

⁴ Anuk kuu nembed kadaareb bindore God ye kurikuri ambib yaa kinban winimain, kukuu kube baandiyiib eso ande baandiyiib ne yoom kadaareb yoom God ye orokbon winimaub. Kuyaa kuu kibikee ika meenekori ne mimyob wandi kuu God yaa koneni ye yaa baandimain.

Yook 42:4 ပူးပေါင်းရင်းမြစ်များ

Yook 100:4

Eso andiyiibbed ye kurikuri boyambib yu kuuk wirinimbon ye ambongko aom awunem, kwane ye aningko kankooniyiibbed ye kurikuri boyambib yu kuuk wirinimbon aom awunem. Ye yaa eso andenub ye aningko kankoonem.

Yook 102:10

Kwanimain kuu amborom kuu eb norin darewoob ne yaa wandewen kowe. Kedi, ebbed ne nendane kan angka korarewen.

Yook 115:2

Ambibkin koremdan kuu komande nub dowad kwane kaamondimaib, “Yi God kuu kuna?” andimaib?

Yook 122:1

“Yariman yambib yaa wenem.” anduwiwen kuu ne kuu kubi darewoob keraan.

Yook 122:8

Ne karubkimiib nangkodmiayiib yi dowadbed kwane dakmaniin, “Kub aom kuu iwari yewenubmo kerok.” andaniin.

Yook 55:14

Anuk kuu eb yoom mene kube dabokne yonendimaub, kadaareb numun God ye kurikuri ambib yaa yarimaub yaron arimbed kui.

Yook 62:8

O nimakarub, aron korem ye yaambed yone doberembirime. Yiib niindem aom kuu komo komo dabawiib keriwen kuu ye yaa daanime, amborom kuu God kuu nub ben kukbimaanbon. Selah

Yook 79:10

Eb yaa yikaadban ye ambibkin maa maadan kee nub dowad “Yi God kuu kuna?” ande kamimaib kuu ebbed kebene. Yimbed eb demedan yenbande umkan kowiwen kuu ebbed kakman kowaneeb kuu, yi yaa korokbebko yikaadkerime, nub kerebiri arimbed.

Yook 80:6

Ebbed nub kuu ongmendeewa nub dia doriibdanbed nub yaa manmo kerundimaib, kwane nub bondanbed nub yaa damangkandimaib kii.

Yesu Ye Weng Amun Lukbed Wongkoon 16:25

“Kumban Abrahambed yedmoon, ‘Ne dana, anuk yiri doberewen kuu meeneewo? Ku doberewen kuu eb yaa kuu barang amun amunmo kumban Lasares yaa kuu barang arewa arewamo ye yaa meneboon. Kowe kibikee Lasares kuu keyaa oonaane amunmo doboroone, eb kuu durud yewed kandeeb kii.