Yook 40:17 - Yomgkom

¹⁷ Kuned ne kuu kamboknon kereni awawe ande doriin kowe, Yariman kuu ne yaa meenewok. Eb kuu ne awawi ye karub, angkon ne nen burudande angka kowi ye karub. O ne God, mokaid amaanbed andaab.

Yook 40:17 ပူးပေါင်းရင်းမြစ်များ

Yook 109:22

Amborom kuu ne kuu kamboknon kere awawe ande kamaan, kwane ne niindem aom kuu durud yewed kandaan.

Yook 34:4

Ne kuu Yariman yaa awawe ande kurikuri keraana inanduwoon, kwane nembed unimain korem yaa kuu ne nen obon keruwoon.

Yook 34:6

Ne durud yewed aombed Yariman yaa baandaana wengamberewoon, kwane dabab ne yaa meneboon korem yaa kuu yembed nen obon keruwoon.

Yook 35:27

Kumban kane kane Godbed ne dowad wengyunde ambarakmindo andoon yaa kubaniib kuu dowakeniib kere kube baandime. Yi kuu kekamune yedmimamime, “Yariman yaningko arimbed kerok, yembed ye dememan amunmo dobirimaan kuyaa kubimaan kii.” andimamime.

Yook 40:5

O Yariman ne God, binangke eb kuu anam andi yeman korokbewen kuu yemoon. Ebbed nub dowad komo komo meene ongmenabewen kuu, karub maambed angkon ika eb yaa kimingkaanban. Kuye dowad nembed dakmenabaniin kuu, dakme dowan kerindeban, yi kuu yemoon kowe.

Yook 54:4

Kedi, God kuu ne awawi ye karub, Yariman kuu ne awawaane yiminmo dobirimain ye karub.

Yook 69:33

Kamboknondan yi weng kuu Yarimanbed wengambirimaan, ye nimakarub bondan yi dabderem yiri doriib kuu yangmadandimokban.

Yook 70:5

Kumban ne yaa dabab meneboon, nangkon kamboknon keraan, o God, ne yaa kirod mene! Eb kuu ne awawi ye karub, eb kuu ne nen burudande angka kowi ye karub, o Yariman, erebnaraab, kibireb mene!

Yook 86:1

O Yariman, wengamberewe inanduwe, amborom kuu ne kuu dabab wayiroone awawime ande kamimain kowe.

Matyu 8:20

Kwane, Yesu neman inande yedmoon, “Ba oot kuu yi demiib, ayari on kuu yi amiyiib, kumban Karub Ye Mingki kuu ye yiidkimboniibban.” andoon.

2 Korindan 8:9

Amborom kuu nub Yariman Yesu Keresu ye mimyob dowaken kabamoon kondoon kuu yiibkaad, kiwaan korem yaambed ye kuu yiminmo kumban yiib dowad yeka kankubune kubuniibban keroon kowe, ye kubuniibban keroon yaambed yiib kuu yiminmo kerime anded.

Hibrudan 13:6

Kwani kowe, nub kuu arudkonoyiibbed yedmuub kuu, “Yariman kuu ne awawi ye karub kowe, ne unainban. Karub maa kuu God burudande ne yaa ma kamaanban.” anduub.

Yems 2:5

Mimyob dowaken keendimain ye angkodmia, wengambirime. Okad yiridanbed kane kane yaa kamboknon andimaib ye karuwa nimaya kuu, Godbed kinoona yi anam andi yaa yiminmo kerekoriwa, oonimbon aom mimyob dowaken keendoondan yi yumbon yeka ye weng kunduk kowoon kuu kandaniib. Eeyoo?

1 Pita 2:23

Ye yaa nongdomatom ande yedmiwen kuu ye kuu neman kwamune inandindo. Ye yaa durud yewed koniwen kuu yiib yaniin andi ye weng inandindo. Ye inamen maa keroon kuu yorokmo wengyundi ye God ye dingki ari yeka kan konoon.

1 Pita 5:7

Ye kuu yiib yaa dowakeniib kerene awandembirimaan kowe, dabab yaa meeni darewoob korem kuu ye dingki ari nongkobime.

Korokboon 22:20

Kumkam keye dowad dakme korokboon ye karubbed yedmoon, “Eyokee, aron doboobban ari mananiin.” andoon. Anam kwanok. Yariman Yesu, mene.