Yook 40:12 - Yomgkom

¹² Kimingkindeban ye dabab yemoon kuu ne yaa awanewandoon, kwane ne ambarakmimbed ne yaa burudandoon kowe wedmindeban keraan. Ne ambarakmi kuu yemoon, ne korok ari awung kimingkindeban kwamune arebban, kwane ne niindem aom kuu korem yiminban keroon.

Yook 40:12 ပူးပေါင်းရင်းမြစ်များ

Andowoon 42:28

“Woyee! Ne yowo aom kuu ne odiib kedi!” andoone, yi mimyob yaa yiminban keroone une kiringmiyiib kamenib neman daane daane kame yedmiwen “Kee komo Godbed nub yaa kee kamunoon kee?” andiwen.

Yook 116:3

Bobni ye kibin abakbed ne kuu yerengkoon, kwane bobkonombon yiri kubuni ye uniwon karakwon kuu ne yaa meneboon, kowe ne kuu miin yiminban kereni mimyob darewoob wandaan.

Yook 19:12

Kanembed yeka ye ambarakmi kuu wedmenaneen? Dowan. Nekaadkerunindo ye ambarakmi kuu ebbed are nonondande.

Yook 38:4

Ne ambarakmimbed ne nen dabuknandoon, kukuu dabab darewoob kanyarindeban kwane areb keroon.

Yook 61:8

Kwananeeb kuu nembed ewaningko kankoone wingkeni aron mimim kuu ne amob weng ongmenabaan yaamo kamembaraniin.

Yook 69:4

Kane kane ne yaa ogoodmo idiibbanbed arud wandembiriwendan kuu kimingke yemoon kai keroon, ne awung kimingki arebban. Kane kane ne yaa ogoodmo idiibbanbed bon keriwendan kuu aromkonoyiib, yi kuu ne neene monmarem ande kamiib kui. Nembed yid bindo kumbed ongmok ande dedmobimaib.

Yook 73:26

Ne idiib mimyowiib kuu dowan keraneen kumban, God ebbedmo kuu ne niindem aom aromni ye karub, aron korem dobiri ye yumbon keruwi ye karub kuu ebbedmo.

Yesu Ye Weng Amun Lukbed Wongkoon 21:26

Nimakarub kuu korem uni darewoob kere bobne wandaniib. Yi kuu no kerebkarab kamenib okad kumundin kee komo kerandamuun kee ande kamaniib, amborom kuu mindong ambid aom dangoon kuu kiringmenabaniib kowe.

Hibrudan 4:15

Kedi, nub korok darewoob kuu nub dobiri inamen awine kandi kuu aromkonomban kuyaa kuu yone ibmo kere mimyob keende awandi yiminmo ye karub. Ye yaa kuu nub yaa areb kiwaan korem yaambed ambarakmok ande biranande kamoon kumban, ye kuu ma ambarakmindo.

1 Pita 3:18

Kedi, nimakarub yi ambarakmi korem ye dowad kuu Keresumbed mimo bobnoon, yorokmomanbed yorokmobandan yi dowad bobnoon kui. Ye bobnoon kuu God yaa yiib be mananded. Ye id ayiiwa bobnoon kumban, ye kingkin yaa kuu wadkeri konoon.