Yook 4:1 - Yomgkom

¹ O ne nen koromone dorondandi ye God, eb yaa baandaka inanduwe. Ne dabab aom wanaan kuu ebbed awawi kawewen. Kowe, ne yaa mimyob keeweneb ne kurikuri wengambere.

Yook 4:1 ပူးပေါင်းရင်းမြစ်များ

Yook 11:7

Amborom kuu Yariman kuu yorokmo, ye dowaken darewoob kuu yorokmo kamime anded, kwane kangdommo doriibdan kuu ye murubia wedmaniib.

Yook 116:16

O Yariman, anam kuu ne kuu eb dememan. Ne kuu eb dememan, eb deme wonong yu mingki kui. Ne kuu yerengkiwen kuu ebbed dudbere nen obon keruwewen.

Yook 116:6

Yarimanbed mengmengiibban iwari doriibdan yaa kuu awande dorondarimaan, ne kuu dababbed kankubune yirimo keroon kuu yembed ne nen angka kowoon.

Yook 119:132

Ne yaa murubia kaweneb ne yaa mimyob keewe kakman are nonondande. Eb yaa mimyob dowaken keebdimaibdan yaa komo kamimaab kuu ne yaa kwamunemo kame.

Yook 143:2

Eb dememan ne kuu wengyundi dowad nen wanaab, amborom kuu eb arinambo ari kuu karub maa ma yorokmo dobirindo kowe.

Yook 17:6

O God, ne kuu eb yaa baandimain, amborom kuu ebbed inanduwimaab kowe, kerendem kawe ne kurikuri wengambere.

Yook 22:1

Ne God, ne God, eb kuu komande domowewen? Komande ambab kerewen kumbed dabab ne yaa monoon kuyaa kuu ne nen burudande angka kowaabban? Komande ambab kerewen kumbed wareki kaimain kuu wengambirimokban kerewen?

Yook 24:5

Ye kuu Yarimanbed amun kerunaneen, kwane ye kuu ye nen bobni yaa burudande bindi ye Godbed ongmaneene ambarakmoon ande kadwoniyiibban ye karub keraneen.

Yook 25:16

Ne kirimo obonmo angkon dabawiib keraan kowe, ne yaa murubia kaweneb ne yaa mimyob keewe kakman are nonondande.

Yook 31:8

Ebbed ne nende bondan yi dingki ari kowindo, ma, ebbed ne nende dewenebimbon aom kowewen.

Yook 41:12

Ne inameniib dobiriyiib dakmiyiib kuu ibmo kowe ebbed ne nenkooneneb, eb arinambo ari aron korem yeman kowewen.

Yook 42:1

O God, diiyambed ok moom bobnekore okmanambon yaa anande wenemoon areb kwane ne kingkin kuu eb ande onmeen.

Yook 45:1

Ne mimyob aom manimani inamenbed dembe yiminmo kereni king yaa komkum dakmaan. Ne ong kuu komkum kami niidiib dowad moo kai kerembirimaan.

Yook 56:1

O God, karub yenambed ne nande kerewenmo yarimaib, kwane yimbed aronki doboob ne nenbandande kamimaib kowe, ne yaa mimyob keeweneb awawe.

Yook 57:1

Mimyob keewe. O God, mimyob keewe. Komoyiibkob, ebbed kukbimaabbon aombed dobirimain. On ayam yu dongkon dem areb ebbed kukbimaabbon aombed dobaraniine wene neene monmari yaron dowan keranuun.

Yook 6:1

O Yariman, eb norin wande ne yaa dedmone daawaab, eb arudbed ne arewa kami yaa didangkaab.

Yook 67:1

God, eb nub yaa mimyob keende amun kerunde, eb murubia kuu nub yaa konde. Selah

Yook 76:1

Yuda aom kuu God yikaadkeriwen, kwane Israel aom kuu ye aningko kuu darewoob arimbed kii.

1 Korindan 1:30

Kedi, yiib kuu Yesu Keresu ye karuwa nimaya yi ambokab kuu God kii. Yesu kuu nub dowad God ye meeni kangdom keroon, nub yorokmo kerundi ye karub, nub karadmo kerundi ye karub, nub biddi ye karub kui.

2 Korindan 1:10

Yembed nub kuu no dukni yeman ye dabab yaambed benkooboon, benkoobindo karen duknuwen karen. Kwane, yembed kuye dabab yaambed benkoobaneen. Yembed dukni yeman ye dabab yaambed nub benkoobimamaneen kuyaa kuu anam kwananeen ande meedme doruub.

2 Korindan 1:8

Angkodmia, nub kuu Esia ambibkin angkambed durud yewed kanduwen kuu yiiwiib kaadkerime anduwed. Yiib koron keri kuu nub dowakenban. Nub dabab ku kanduwen kuu miin darewoob arewa anam, nub kangdommo dobiri ye aromkono korem kuu dowan keroone, nuwiib dukni yeman yaa doroon.