Yook 36:6 - Yomgkom

⁶ Eb yorokmo kerekmen kuu aromkono darewoob ye aangko areb, kwane eb wengyundi kuu karamok ye niindem ambab yiri areb. O Yariman, nimakaruwiib dingkaniib oonendimaab.

Yook 36:6 ပူးပေါင်းရင်းမြစ်များ

Andowoon 18:25

Eb kuu okaddan korem ye Wengyundi Ye Karub kowe, yorokmo wengyundaneeb dee? Anamaa, ebbed ma kamaabban. Ebbed yorokmodaniib arewadaniib yaa ibmo wengyundande ukum mimo kondaabban, yorokmodaniib arewadaniib ben dabokne yenbandaawe duknaibban.” andoon.

Yook 145:9

Yariman kuu nimakarub korem yaa amun amun kamendimaan, kwane ongmenaboon ye kumkam korem yi dabab kandimaib yaa kuu mimyob keende awandimaan.

Yook 147:9

Yembed dingkan yaa kuu animan bangkandimaan, kwane on bungkun mana baandimaib kuu animan bangkandimaan.

Yook 31:20

Ebbed kukbimaabbon aombed doriibdan kuu nimakarub yi wunonwanon kamiib yaambed ben eb kerebiri ari nongkobe oonimaab. Ebbed kukbimaabbon aombed doriibdan kuu kadwoni weng yaambed ben eb oonimbon aom nongkobe oonimaab.

Yook 71:19

O God, eb yorokmo kerekmen kuu kwane kawene ambid aommo doroon, o God, eb kuu kami miin darewoob ambangkanabewen kowe, kane kuu eb areb keroon? Dowan!

Yook 77:19

Kiwaan ongmewen kuu karamok aombed dewuneen, karamok niindem yirimbed kiwaan ongmenabewen kui, kuned eb yon yumbon kuu karub maa ma wedmindo kii.

Yook 92:5

O Yariman, eb kamenabi kuu miin darewoob arimbed! Eb meeni inamen kuu miin indengandengmo.

Yook 97:2

Wiiwiib amnoom doromodiib kuu ye yaa awanewandiwen, kwane yorokmo ye kerekmeniib anammo wengyundiyiib kuu ye dibere oonimbon ye ambokab.

Romdan 11:33

God ye meeni kangdomiib ye kaadkeriyiib ye amun amun yemoon kuu darewoob arimo kii! Ye wengyundi kuu karubbed ma andangkindeban, kwane ye meeni ye kiwaan kuu karubbed ma onme wedmindeban kii!

Romdan 3:25

Yesu ye umkan yaambed ye kuu ambarakmi are nonondandi yeman kuu Godbed dianmo korokboon. Kukuu anam andi yaambed kandi yeman. Godbed ke kwanoon kuu ye inamen yorokmo korokbi yeman, amborom kuu Yesu minindo yaron anukbed ambarakmiwen kuu ye kuu yodbirindo wedmendandoon, wengyunde dabab kondindo kowe.

1 Timoti 4:10

Nub kuu anam kwananeen anduwen kuu, wad doreen ye Godbed nimakarub korem yi dowad bobni yaa burudande bindi ye kiwaan ongmene ye yaa anam andiwendan kuu bindoon. Kowe, kuye dowadbed arewa menebimaan yaa kuu ninabe deme yobdoodiib awinimaub.