Yook 31:14 - Yomgkom

¹⁴ Kumban, o Yariman, ne kuu eb yaambed yone doriin, kwane “Eb kuu ne God.” ande yedmimain.

Yook 31:14 ပူးပေါင်းရင်းမြစ်များ

Andowoon 37:18

Kumban yi kangkon man ambab meneen kumbed wedmeniwen, yi yedmiib komarewa ayanuub ande dakmiib.

Yook 140:6

O Yariman, “Eb kuu ne God.” ande yedmimain. O Yariman, ne yaa mimyob keewe awawe ande baandaan kuu wengamberewe.

Yook 18:2

Yariman kuu ne aromkonombon, ye kuu ne aromne angkumonimbon, ye kuu arud barang yaambed ne nen burudande angka kowi ye karub. Ne God kuu ne aromkonombon, yembed kukbimaanbon aombed dobirimain. Ye kuu ne kombe, ye kuu bobni yaa ne nen burudande bindi yaromkono, ye kuu ne dorondarimbon.

Yook 43:5

O ne kingkin, eb komande yerene no kubokban kerewen? Komande ne niindem aom monmareeb? Kedi, God yaningko kankoonaniin kowe, yembed ari kwananeen ande meene. Ye kuu neyiib yaa doberene awawimaan ye karub, ye kuu ne God.

Yook 63:1

O God, eb kuu ne God, nindorokiibbed eb ande kerekberenmo yarimain, kwane ne kingkin kuu ok moom bobnemoon areb kerimain, kwane ne id kuu eb ande awawe andimaan, koknenu wuudne yiminban ye okad aombed kui, okiibban ye okad aombed eb ande kerekberenmo yarimain kui.

Yook 71:12

O God, ambabbed dobaraab, o ne God, awawi dowad kirod mene.

Yook 71:22

O ne God, eb korondiyiibban no awinembiri ye inamen awinimaab ye dowad, haabbed wangke ewaningko kankoonaniin. O Israeldan yi God Karadmo, laiyambed wangke ewaningko kankoone wingkaniin.

Matyu 26:39

Kwanandekore, yaro wene angkambed okad yiri bumangkene korok kankibine kurikuri kere yedmoon, “Nambe, komo komo kamandameeb kuu yobdoodiibban kowe, ne yaa durud yewed ye dabab ke monoon kee ebka kande. Kumban ne dowaken yaambedban, eb dowaken yaambed kerok.” andoon.

Matyu 26:42

Kwanandekore, angkon ika wene kurikuri kere ayoob keroon. Kurikuri kere yedmoon, “Nambe, ebbed meeneeb kuu durud yewed ye dabab ke monoon kee kandaniin kumbedmo yimin ande meeneeb keroka, kwamunemo kerok, eb dowaken yaambedmo kerok.” andoon.

Matyu 27:46

3 oklok yaa doruuna, Yesu kankoone baandoon, “Eli, Eli, lama sabaktani?” andoon ye weng id kuu “Ne God, ne God, komandewed ne domowewen?” andoon.

Yoon 20:17

Kwane, Yesumbed yedmoon, “Ne yaa awinewaab, komoyiibkob ne kuu Ambeyiib yaa ikakman winindo kowe. Kumban nangkodmiayiib yaa weneneb ne kuu ikakman ne Ambe, angkon yiib Ambe, ne God, angkon yiib Godiib yaa wanaan kii andi ye weng yi yaa daande.” andoon.