Yook 28:7 - Yomgkom

⁷ Yariman kuu ne aromkono angkon ne kombe. Ne inamen kuu ye yaa yone kowaine yembed awawimaan. Kwane kowe ne niindem aom kuu kubimbed ware kandoon, kwane ne kuu eso andi yookbed wingkaniin.

Yook 28:7 ပူးပေါင်းရင်းမြစ်များ

Andowoon 15:1

Kwane, amaan Yarimanbed Abram yaa wane korokbene yedmenoon, “Abram, eb unaab. Arud ye barang yaa kuu kombe areb kukbebdembaraniin. Ne kuu eb kakman amun miin darewoob keraan.” andoon.

Yook 13:5

Kumban ne kuu eb womoniyiibban ye mimyob dowaken yaa angkimbaraneen andimain, kwane ne niindem aom kuu bobni yaa burudande bindi ye kiwaan ebbed ongmewen ye dowad kubimain.

Yook 13:6

Ne kuu Yariman yaa wingkaniin, amborom kuu ye kuu ne yaa amunmo kamoon kowe.

Yook 19:14

Kwane, eb indob ari kuu ne mongkodkonombed weng dakmeni ne niindem aombed meenako eb kubi dowaken kerok, o Yariman, ne aromkonombon, kwane ne biddi ye karub.

Yook 21:1

O Yariman, eb aromkono ye dowad king kuu kuboon. Ebbed awanenewen kowe kubi darewoob keroon!

Yook 22:4

Nub awoya kuu eb yaamo angkumone dobiriwen, kwane angkumone dobiriwen kumbed arud ye barang yaa ben burudande angka nongkobewen.

Yook 28:8

Yariman kuu ye karuwa nimaya yi aromkono, kwane ye kuu yembed kinoon ye karub ye dowad aromne dorondandi ye karub.

Yook 3:3

O Yariman, eb kuu kwamunemban, ebbed ne kombe areb kerimaab, ebbed ne yaa nambiri kaweneb arudkono kangdom kawimaab.

Yook 3:4

Yariman yaa awawe ande baandaina, yembed ye aangko karadmo arimbed inanduwimaan. Selah

Yook 33:21

Kedi, nub kuu ye yaambed kubi darewoob kerimaub, komoyiibkob, nub kuu ye aningko karadmo yaambed yone doruub kowe.

Yook 37:39

Yorokmodan ben bobni yaa burudande bindi ye kiwaan kuu Yarimanbed ongmoon, yi yaa dabab minimaan kuu yembed awande dukmondimaan.

Yook 40:3

Kwane, yembed ne niindem aom yook yeweb kowoon, nub God yaningko kankooni ye yook kui. Yemoon kuu wedmekorib unenib Yariman yaa angkumone dobaraniib.

Yook 43:2

Eb kuu God ne dore angkumonimbon kowe, komande ne yaa wunekarewen? Komande ne bondanbed yobdood keruwaiwe ne kuu kwane yuudi ameng kamembirimain?

Yook 46:1

God kuu nub ben kukbimaanbon angkon nub aromkono, kwane dabab aron yaa kuu awandande nekwimbed doreenmo.

Yook 46:2

Kwana kowe, dowodki mananeene okad amonombanuun yaa o aangko aangko dande karamok yiri kirobaniib yaa kuu nub kuu unaubban.

Yook 69:30

Ne kuu God yaningko kankooni ye yook wingkaniin, kwane ye yaa eso ande nambiri konaniin.

Yook 84:11

Amborom kuu Yariman God kuu aron ye nambiri areb, ye kuu kombe areb, Yariman kuu kubi dowakeniib aningko kankooniyiib bangkandimaan. Komo komo amun kuu yeka kirim kere amuknindo, kane kane kangdommo doriib kuyaa kwane bangkandimaan.

Yook 91:4

Ye buraab kumbed eb kuu kankowe dabunaneen, kwane ye buraabdem aombed eb kuu kukbaneen, ye ma korondiyiibban weng awini ye inamen kuu eb kombe areb eb aromne angkumonimbon areb kui.

Efesusdan 6:10

Weng yeenbon kuu kei, Yariman yaa ben dabokne aromnenib yaromkono darewoob aombed dobirime.

Korokboon 15:3

God ye deme karub Moses ye yookiib Sibi Mana ye yookiib wingkiwen, “Aromkono Korem ye Yariman God, ebbed kami kuu arimbed darewoob yeka mamaa yeman kii. Ambibkin Korem ye King, ebbed ambangkimaab kuu yorokmo anammo kii.

Korokboon 5:9

Kwane, yimbed yook yeeb wingkiwen, “Eb kuu aningko darewoob ariyiib kumbed, beegod bedmiwen kuu kandeneb, at nunung karangkiwen daadmi kuu yimin, amborom kuu eene kowiiwe, ewumkanbed nimakarub kuu God ye dowad amoddewen kowe, kwanewen kuu amyenimbon mimim korem yaambed weng mimim korem yaambed ambibkin mimim korem yaambed kad mimim korem yaambed nimakarub amoddewen kii.