Yook 27:4 - Yomgkom

⁴ Yariman yaa barang mimo kaamonimain, nembed kereknain kuu kei, Yariman yambiwoom kumaombed dibara, ne wad dobaraniin ye aron korem, kwane ne dowaken kuu Yariman ye manimani amun kai yaa wedma, kwane ne dowaken kuu ye kurikuri ambiwoombed ye kiwaan onma.

Yook 27:4 ပူးပေါင်းရင်းမြစ်များ

Yook 23:6

Anam kuu eb amun amuniib womoniyiibban ye mimyob dowakeniib kuu ne wad dobiri aom kwane aron korem angkimbaraneen. b Kwane, ne kuu Yariman yambiwoom kwane doberembaraniin, aron korem.

Yook 26:6

O Yariman, ne kuu ambarakmoon kii ande kadwoniyiibban kumbed dingki okeni, eb dowad bod wuube dingkan aye nengke baeb konimbon ye deme awinimain.

Yook 26:8

O Yariman, ebbed doreeb yambib kuu dowakeniib kerimain, eb nambirimo derenkoroonbon kui.

Yook 27:8

Ne niindem aom kuu eb dowad yedmoon, “Ye murubia ari dobiri kiwaan onme.” andoon, kowe, o Yariman, eb murubia ari dobiri kiwaan onmiin.

Yook 50:2

Aangko Saiyon, yu manimanandeb kuu demkoronmo kui, yu yaambed God kuu yure kowimaan.

Yook 65:4

Kane kane ebbed kingkeneb eb kurikuri ambib ye kuuk aom dobiri dowad dia ben menebewen kuu amun kerundoon kii! Eb kurikuri ambib ye amun amun kuu nub yaa miknemoon areb kerundoon, eb kurikuri ambib karadmo yaambed kui.

Yook 84:10

Eb kurikuri boyambib ye kuuk wirinimbon aom aronki mimo dobiri kuu miin amun yeman, aronki tauseniib bunangka dobiri arebban. Amun yeman ande meenaan ye deme embeng mimo kukei, ne God yambib ambongko aomnimbon yaa ooni, kukuu arewa kamenabidan yi kombon aombed deme darewoob awini arebban.

Yook 84:4

Kane kane eb ambiwoom doriib kuu amun kerundewen. Yi kuu ewaningko kankoonembirimaib. Selah

Yook 90:17

Nub Yariman God ye kubi dowaken kuu nub yaa angkimborok. Komo ambangkimaub kuyaa kuu amun ande. Eyokee, komo ambangkimaub kuyaa kuu amun ande.

Matyu 6:33

kowe, ibduruk kuu Godbed yiib korok kere ooni ye inameniib ye yorokmo dobiri ye inameniib onme kamiwed. Kwamaniib kuu yiribman kee kuu kwamune Godbed yiib yaa bangkandaneen.

Yesu Ye Weng Amun Lukbed Wongkoon 10:42

Kumban inamen mim kumbedmo anam anam. Meri kuu inamen yiminmo meeneen kowe, yu yaa kuu maambed kandaanban.” andoon.

Yesu Ye Weng Amun Lukbed Wongkoon 13:24

“Ambongko embeng mana daandoon kuu aromnenib awunime! Ne yiib yaa yedmaan kuu nimakarub yemoon kuu kuyaom awunande kamaniib, kumban awunindeban keraneen.

Yesu Ye Weng Amun Lukbed Wongkoon 18:1

Kwane, Yesumbed ye kedmengkandeendan yaa kedmengkandako aron korem kurikuriyiib kamimamime korondaib ye dowad kuu kuruweng kee dakmoon,

Yesu Ye Weng Amun Lukbed Wongkoon 2:37

yu karub bobnoone, yumbedmo dobere wene weeb 84yiib kereen. Yu kuu kurikuri boyambib darewoob kuu domondimokban, animan korondekoru amnoomiib awingyawiib kurikuri kamenu God yaningko kankoonembirimaun.

2 Korindan 3:18

Kwane, nub murubia ari ma kebengki yemaniibban kerenub, Yariman ye nambiri kuu kwane dianmo wedmenimaubdan, nub korem kuu ben amonombe ye areb ongmene yeka mamaa kerunde weneen. Kukuu nambiri darewoob kere weneeniib, Yariman yaambed. Ye kuu Kingkin Karadmo kui.

2 Korindan 4:6

Kedi, “Nambiri kuu yuroko kumun yiri kuu namborok.” ande yedmoon ye God, yembed ye nambiri ongmene nub niindem aom kowe yuroon, yuroko Keresu ye murubia yaambed God ye nambiri kaadkerime anded.

Filipaidan 3:13

Angkodmia, kuye inamen korem awinindo, mogeed andaan. Kumban mimo kumbedmo ambangkain kuu, anuk yiri komo komo keroon kuu nonondandekori, aman ari yeman yaa kuu naawonmo koromone ninabiin kuu,

1 Timoti 5:5

Wonong irib yumbirimo oonidaniibban kuu Godbed anam awawaneen ande meenekoru amnoomiib awingyawiib kurikuri kere awawok ande kaamobimaun.

Hibrudan 11:6

Kwane, karub kane anam andiyiibban kumbed komo kamaneen kuu Godbed ye yaa kubaanban, korem yiminban, amborom kuu karub kane Godiib yaa manandameen kuu God kuu doreen andene kane kane God yaa nindorokiibbed onmidan kuu Godbed kakman amun kondaneen andodned yimin.