Yook 25:9 - Yomgkom

⁹ Yembed yika kankubune yiri keriwendan yaa yorokmo kerekmen yaambed korokbendene, ye kiwaan kedmengkandimaan.

Yook 25:9 ပူးပေါင်းရင်းမြစ်များ

Yook 119:35

Ne onmewebko ebbed kwanime andi ye weng kerekmen ye kiwaan arimbed dodkanmo wana, amborom kuu kuyaa kuu kubi dowakeniib kerimain kowe.

Yook 119:66

Ebbed kwanime andi ye weng yaa anam andaan kowe, andangki amuniib inamen kaadkeriyiib kedmengkawe.

Yook 143:10

Eb kuu ne God kowe, ne kedmengkawebko eb dowaken kuu ambangka. Eb Kingkin amun kumbed ne kuu okad dabonmo arimbed nen kinban wonok.

Yook 147:6

Kane kane yi kuu benkubune yirimo keriwen kuu Yarimanbed benkoobe awandimaan, kumban arewa kamenabidan kuu okad yiri ben kirarundimaan.

Yook 149:4

Amborom kuu Yariman kuu ye nimakarub yaa kubi dowaken keendimaan kowe. Kwane kane kane yi kuu dabab wayiroon kuu burudande dori kerekmen kondaneen.

Yook 22:26

Kamboknondan kuu ane mikmonaniib. Kane kane Yariman ande onmimaib kuu ye aningko kankoonaniib. Kubi dowaken kuu yiib niindem aom aron korem angkimborok!

Yook 23:3

Yembed ne kingkin nen ikakman aromnimaan, kwane yorokmo ye kiwaan arimo ne nen kinban winimaan, ye aningko kankooni dowad.

Yook 27:11

O Yariman, eb kiwaan kedmengkawe. Ne kuu ne nen yiri kubunandamiibdaniib kowe, kiwaan yorokmo arimbed ne nen kinban wene.

Yook 73:24

Kwane, eb kedmengkawi yaambed ongkawe nen kinban winimaab, kwanekoreb eb nambiri aom nenwananeeb.

Yook 76:9

O God, kukuu dabab wayiroondan arudbon yaa burudande bindi dowad ebbed yaro dore wengyundandewen yaron arimbed kwanoon. Selah

Matyu 5:5

Kane kane ingmiyiibban nangkemmo kame dobiriib kuu Godbed amun kerundoon, amborom kuu okad korem yi yaa bangkandaneen kowe.

Yoon 14:6

Kwane, Yesumbed inandoon, “Nembedmo kuu kiwaaniib anamiib wadkeriyiib. Ambe yaa wananiib kuu ne yaambed dore dangkoro wananiib, kumbedmo.

Kwamiwen 13:10

“Eb kuu Seten ye mingki kere, inamen yorokmo korem ye bonman kii! Kwane, eb kuu dudanabi mimim koremiib birandi mimim koremiib ye karub. Eb kuu God ye anam andi ye kiwaan kuu monmarandamimaab kuu deerewandaneewoo?

Galasiadan 5:23

ingmiyiibban nangkemmo dobiriyiib yimeren kangkadmiyiib kui. Keye inamen keyaa amob maambed ma burudandindo.

Hibrudan 10:20

kiwaan yeeb wadkeriyiib yaambed ambongkodem yaa kebeniwen ye dabua kuu nandoon. Kiwaan kee ye id kii.

Yems 1:21

Kwana kowe, nenem inamen koremiib inamen arewa mimim koremiib kuu kwane kirarundenib, yiibka kankubuniyiib kerenib God ye weng yiib niindem aom arumenaboon yaa awinime. God ye weng kee bobni yaa burudande bindi yeman.

1 Pita 3:15

Ma, yiib inamen aombed Yesu Keresu yembedmo kuu nub Yariman andime. Yiib kuu Yesu yaa anam ande meedme doriib yaa karub kanembed kaamondi ye dowad kuu nekwe doberembirime. Kuned yiib inandi kuu emayiib kaamonoonman ye aningko kankooniyiib

1 Pita 3:4

Inamen mamaa kere yiib kerengkandimbon kuu yiib niindem aombed inamen iwariyiib nangkemiib keraniib kuu Godbed yiib yaa kubi darewoob keraneen. Inamen kee koyu yi kerengkandimbon arebban, kiomne arewa keraanban.