Yook 25:6 - Yomgkom

⁶ O Yariman, eb mimyob keende kakman are nonondandiyiib womoniyiibban ye mimyob dowakeniib kuu ika meene. Amborom kuu kuye inamen kuu unyeman anukbed ongmewen kowe.

Yook 25:6 ပူးပေါင်းရင်းမြစ်များ

Andowoon 24:27

yedmoon “Kubem, Yariman God yaa, ne korok ye dowad kuu Godbed ye weng kunduk yaamo kwane ambangkoon. Yariman God kuu nenmene ne korok Abraham ye karubkim doriib yaamo nenmonoon.” andoon.

Andowoon 32:9

Kwamune, Yekob kurikuri kere yedmoon “Oo nawo Abraham ye God, nambe Aisek ye God! Yariman oo! Ebbed yedmewewen ‘Ika eb ambibkiniib eb ena ambeyiib eb karubkimiib yaa wene. Eb yaa oone amun amun kamaniin.’ andewen.

Yook 103:17

Kumban aron korem anuk doboroonbed mene aron korem ambab ari dobaraneen kumaom kuu Yariman ye womoniyiibban ye mimyob dowaken kuu ye yaa unimaibdan yaa angkimbirimaan. Kwane ye yorokmo kerekmen kangkon yi awoya ari yaa angkimbirimaan,

Yook 103:4

Kwane ye kuu ne bobneni bobkonombon aom angkimbarain andi ye dowad biddene, womoniyiibban ye mimyob dowakeniib mimyob keewe kakman are nonondandiyiib keewimaan.

Yook 106:1

Yariman yaningko kankoonime! Yariman kuu amunmo kowe, ye yaa eso andem, amborom kuu ye womoniyiibban ye mimyob dowaken kuu aron korem angkimbaraneen kowe.

Yook 106:45

Kwane amob weng ongmoon kuyaa kuu yi dowad ika meenekore, ye womoniyibban ye mimyob dowaken darewoob yaambed yi yaa ukum kondi kuu korondoon.

Yook 107:1

Yariman kuu amun kowe, ye yaa eso andem, amborom kuu ye womoniyiibban ye mimyob dowaken kuu aron korem angkimbaraneen kowe.

Yook 119:77

Eb amob yaa kubi dowakeniib keendimain kowe, mimyob keewebko wad dobara.

Yook 40:11

O Yariman, eb mimyob keendi kuu kawe, ebka amuknaab. Kwane, eb mimyob dowakeniib anam anamiib kumbed ne nen dorondaruwok, aron korem.

Yook 69:13

Kumban, o Yariman, eb kubi dowaken keri yaron arimbed eb yaa kurikuri kamimain kowe, o God, eb womoniyiibban ye mimyob dowaken darewoob yaambed inanduweneb ma korondiyiibban ye inamenbed awine ne nen burudande angka kowe.

Yook 69:16

O Yariman, eb womoniyiibban ye mimyob dowaken kuu amunmo kowe kuyaambed inanduwe. Eb mimyob darewoob kawewen yaambed ne yaa wedmewe.

Yook 98:3

Ye kuu Israeldan yi dowad ye womoniyiibban ye mimyob dowakeniib ye ma korondiyiibban weng awini ye inameniib ikakman meenoon. Bobni yaa buruande bindi ye kiwaan nub Godbed ongmoon kuu okad yimin yimin koremdan kuu wedmiwen.

Yesu Ye Weng Amun Lukbed Wongkoon 1:50

Kane kane God ye dabderem aom doriib kuu yembed mimyob keendembirimaan.

Yesu Ye Weng Amun Lukbed Wongkoon 1:54

Yembed ye demedan Israel ye karuwa nimaya yaa awandene, ye weng kunduk nub awoya yaa yedme kowoon areb kuu mimyob keendimaan, Abrahambed mene ye awoya ari yi korem yaa mimyob keendimaan kii.” andeen.

Yesu Ye Weng Amun Lukbed Wongkoon 1:78

Nub God kuu mimyob keendembiri ye God kowe, karub mananeen kuu aron ye nambiri areb, yaro yeedere Ewen arimbed nub yaa mananeen.

2 Korindan 1:3

Nub Yariman Yesu Keresu ye Ambe God yaa kubem, yembedmo mimyob keende kakman are nonondandi ye Ambe, mimyob wandi maa maa korem kankubuni ye God kui.

Filipaidan 1:8

God kuu ne yaa kereweenkob dakmaan kowe anammombed yiib yaa daandaan, ne kuu Yesu Keresu ye mimyob aombed yiib yaa mimyob kowaan kii.

Filipaidan 2:1

Kwane, yiib kuu Yesu yaa iniwen kumbed yiib niindem aom kuu aromnenib, ye mimyob dowaken yaambed yiib mimyob wandi kankubune kubenib, Kingkin Karadmo yaa mene dabokne yonendenib, mimyob keendiyiib keriwen kowe,

Kolosedan 3:12

Kwana kowe, yiib kuu Godbed kingkane yeka ye dowad ben yuroondan, yiib kuu yembed mimyob dowaken darewoob keendoon kowe, mimyob keendiyiib awandiyiib yiibka kankubune yena kuu arimo andiyiib ingmiyiibban nangkemmo dobiriyiib yodbirimban emamombed meedme dobiriyiib kuu yiibka inware dobirime.

1 Yoon 3:17

Yiribmaniib ye karub Yesu yaa anam andoon kumbed ye kuristen angkodmi kuu ye yiribman dowan keroon kuu wedmenaneen kumban mimyob keenokban keraneen kuu, ye niindem aom kuu God ye mimyob dowaken angkeen dee? Dowan!