Yook 25:19 - Yomgkom

¹⁹ Ne bondan kuu yemoon keroon kowe, yi yaa wedme. Kwane, yi kuu ne yaa arud miin darewoob wandembirimaib kuyaa wedme.

Yook 25:19 ပူးပေါင်းရင်းမြစ်များ

Yook 11:5

Yariman kuu yorokmodan yi niindem aom andangkimaan, kumban arewa kamembiridaniib yenbandi yaa dowaken keriwendaniib yaa kuu ye kingkinbed arud wandembirimaan.

Yook 138:7

Ne kuu arewa dabab niindem aom yarebimain kumban, ebbed ne kuu ongmewaawa wadkerimain. Ne bondanbed ne yaa kuu arud wandimaib kuyaa kuu eb dingkimbed kebenimaab, kwane eb dingki wiwimbed ne kuu arewa yaa burudande nendimaab.

Yook 140:1

O Yariman, ne kuu miin arewa kamenabidan yaambed nen burudande angka kowe. Ne kuu yeremboromdan yaambed nen dorondare.

Yook 140:11

Wengamborokbanabidan kuu nuwokad kuyaom kuu yumboniibban kerime, kwane yeremboromdan kuu arewa kaimbed kirodmo mene dabunde yenbande monmarok.

Yook 140:4

O Yariman, ne kuu miin arewa kamenabidan yi dingki dem aombed nen burudande angka kowe. Ne kuu yeremboromdan yaambed nen dorondare. Yimbed ne kombiri ye inamen ongmiwen kui.

Yook 143:3

Kedi, bonman kuu nenbandoon, kwane yembed neene kan okad yiri irewaroon, kwane ongmoona kumun aom dobaraan, unyeman anukbed dukniwendan kumun aom doriib areb keraan.

Yook 18:48

kwane ye kuu ne bondan yaambed ne nen burudande angka kowimaan ye God. Eb kuu ne bondan yaambed ne nen burudande aningko darewoob arimbed kawewen, kwane eb kuu yeremboromdan yaambed ne nen burudande angka kowewen.

Yook 27:12

Korondaawa ne bondan yi dingki ari kombarain. Amborom kuu kwane wedmaan kii ande dudi weng dakmidan kuu ne yaa manmo kerenib, ne dowad naniib ande kamiib.

Yook 27:2

Arewa kamidanbed ne damburune monmari dowad ne nande kamaniib kuu yimbedmo boknandenib kirobaniib, ne bondaniib ne yaa manmo keriwendaniib kukui.

Yook 38:19

Kumban ne bondan kuu korereyiibban amunmo angkon aromkonoyiib, kwane idiibbanbed ne yaa arud wandiwendan kuu yemoon.

Yook 38:20

Kane kane ne amun kami yaambed arewa kamewimaib kuu, amun kami ye kerekmen yaa wanaine ne yaa wengamborokbanabimaib.

Yook 52:2

Eb ong kuu monmari yeman nuubnaan kamimaan. Ye kuu yukud ye arud kwane. Eb kuu birandi kerekmen yaambed dakmimaab kui.

Yook 56:2

Ne bondan kuu aronki doboob ne nande kerewenmo yarimaib, kwane yemoon kuu kerengkanbed ne nenbandenmo yarebimaib.

Yook 57:4

Ne kuu laiyon yi kidaom keraana kanawanewandiwen kii. Kwane ne kuu karub yeene komkad animaib ye dingkan yi numun angkaan. Kukuu ne bondan kui, yi ningkambo kuu maradiib anayiib yi arud areb, kwane yi ong kuu kerewang ye arud areb.

Yook 86:14

O God, nubbedmo yimin andidanbed nandamiib kii, yi kuu yeremboromdan kumbed ne neene kowande onmiib, yi kuu eb yaa meenimokbandan kui.

Yesu Ye Weng Amun Lukbed Wongkoon 22:2

Kowe, God dore Yuudan dore wedyiri dobiridan yi korok korokiib Yuudan yi amob kedmengkandidaniib kuu karuwa nimaya yaa unendiwen kowe, aye kowem andi ye kiwaan yemyeb nuubnaan kamiwen.

Yesu Ye Weng Amun Lukbed Wongkoon 23:5

Kumban yimbed angkon ika ika dakmiwen, “Kuned yembed Yudea ambibkin kumundin aom kuu nimakarub yaa nubka ooni ye weng dakmenaboone ye kedmengkandi yaambed yirinde baande kamiwen. Galeli yaambed andowe mene keyaa kei!” andiwen.