Yook 24:4 - Yomgkom

⁴ Kuye karub kuu ambarakmiyiibban ye dingkiyiib inamen karadmoyiib kumbed kui, kwane ye kuu dudi god yi kuruwak yaa bumangkindo, kwane ye kuu birande amob ongmindo.

Yook 24:4 ပူးပေါင်းရင်းမြစ်များ

Andowoon 6:5

Kwane, Yariman wedmoonka nimakarub yi dobiriyiib inameniib korem kuu miin arewamo keroon kowe

Yook 143:8

Ne kuu eb yaambed angkumone doriin kowe, amkimo kuu korondebko eb womoniyiibban ye mimyob dowaken kuu ne yaa kanmonok. Ne kingkin kuu eb yaa kankoone kabdaan kowe, ne dowad kiwaan anam kuu korokbewe.

Yook 15:4

Kwane ye kuu arewa kamimaibdan yaa kuu odkeneb kerimaan, kumban kane kane Yariman yaa uniwendan kuu yi aningko kankoonimaan. Kwane ye amob ongmoon kuu no awinaneen, kuye amob awinaneen kumbed dabab menebaneen kuned.

Yook 18:20

Yarimanbed ne yorokmo kaimain yaambed amun keruwoon, kwane ne kuu darobe wedmoonka koromiibban dobman kowe ne yaa kakman amun keewoon.

Yook 25:1

O Yariman, eb yaa ne wadkeri kuu kan kabdaan.

Yook 26:6

O Yariman, ne kuu ambarakmoon kii ande kadwoniyiibban kumbed dingki okeni, eb dowad bod wuube dingkan aye nengke baeb konimbon ye deme awinimain.

Yook 51:10

O God, ne niindem aom yeweb karadmo ongme. Kwane ne inamen kuu kangdommo kerune.

Yook 51:12

Ebbed ongmewebko ebbed nimakarub ben bobni yaa burudande bindi kerekmen yaa ika kuba. Kwane ebbed ne nen angkumoneneb ne yaa inamen nindorokiib kawe.

Yook 73:1

Anamaa, God kuu Israeldan yaa amun amun kamimaan, kane kane yi niindem aom kuu karadmo keroondan yaa kui.

Matyu 5:8

Kane kane niindem aom kuu karadmo kuu Godbed amun kerundoon, amborom kuu yi kuu God ye kerebiri wene wedmenaniib kowe.

Kwamiwen 14:15

“Yiib komande kwane kamiib? Nub kangkon karub, yiib areb nub mimo kei! Nub kuu God ye weng amun kanmenuub kii! Kee kwane dakmubko yiib minikmanak arewa yaa kuu korondekorib, Wad Doreen ye God yaa amonombime. Yembed ambidiib okadiib karamokiib kumkam koremiib kuu ongmenaboon kui.

Kwamiwen 15:9

Kowe, ye kuu nub dore yi dore ma yorokme ma andokbande ma meenindo, amborom kuu yi anam andimbed yi niindem aom kuu are ongmoon kowe.

2 Korindan 7:1

Mimyob dowaken keendaandan, yiiwa nuwa kuu kuye weng kunduk buwen kowe, nub idiib kingkiniib yaa arewa kerundoka nub kuu God yaa arewa keri yeman korem kuyaa koronde inamen karadmo awinem. Kwanenub wene nub karadmo dobiri kuu demkoronmo kerem, God yaa une yaningko kankooni dowad.

1 Timoti 1:10

nenem kamidaniib karub yikanmo awanoon awanoon kamidaniib karubbed yena awingke yid benib ari berengkimaibdaniib dudanabidaniib kangdod aom dudanabidaniib kane kanembed kedmengkandi anam yaa bon keriwendaniib kuu yi dowad God ye amob kuu ongmoon. Kedmengkandi kee

1 Timoti 2:8

Ne dowaken kuu karub korem dingki kankoone kurikuri kerimaib kuu noriniibban wengbiriyiibban inamen karadmo yaambed kwamimamime.

Yems 4:8

God ye dia mene dobirime. Kwananiib kuu yiib dia mene dobaraneen. Ambarakmidan, yiib dingki oganabime. Inamen amuniib inamen arewayiib kamenabidan, yiib niindem aom are karadmo kerime.

Korokboon 21:27

Kumban God ye dowakenban ye yiribmaniib keyaom ma be menebaibban. Kwane komyeng kamenabidaniib dudanabidaniib kuu ma awunaibban, kane kane yi aningko Sibi Manambed ye wadkeri buk aom wongkoondan kumbedmo awunaniib kii.