Yook 22:1 - Yomgkom

¹ Ne God, ne God, eb kuu komande domowewen? Komande ambab kerewen kumbed dabab ne yaa monoon kuyaa kuu ne nen burudande angka kowaabban? Komande ambab kerewen kumbed wareki kaimain kuu wengambirimokban kerewen?

Yook 22:1 ပူးပေါင်းရင်းမြစ်များ

Yook 10:1

O Yariman, komoyiibkob eb kuu ambab angkambed kwane doreeb? Komoyiibkob dabab kandimaub yaron ari kuu biknekoreb wedmendimokban kerimaab?

Yook 16:1

O God, ne nen dorondande, amborom kuu ebbed kukbimaabbon aombed dobirimain kowe.

Yook 22:11

Ne yaa ambab keraab, amborom kuu dabab manandamoon kumban karub maambed ma awawaanban kowe.

Yook 22:16

Ne bondanbed anon arewa areb ne yaa awanewandiwen, kwane yi kuu arewa kamidan yemoon, ne yaa kanawanewandiwen, kwane yimbed ne dingkia yona kuu kaare dem nabangkenabiwen.

Yook 26:9

Ne kingkin kuu ambarakmidan yoom ben angkanaab, kwane ne wadkeri kangkon kuman yenbandimaibdan yoom ben angkanaab.

Yook 37:28

Amborom kuu Yariman kuu wengyundi anam yaa dowakeniib kerunoon, kwane kane kane ye yaa korondiyiibban ye weng awine doriibdan kuu yembed ma domondaanban. Yi kuu aron korem dorondandaneen, kumban arewadan yi dana meed kuu yumbon kuyaambed nadme ben kiradmaneen.

Yook 38:8

Ne kuu meenindeban kereni yob beengkemoon areb keraan, kwane niindem aom miin yiminban kereni wareki kamimain.

Yook 71:11

Yimbed ne dowad kekamune dakmimaib, “God kuu ye yaa domonenoon. Karub maambed ye nen burudande angka kowaanban kowe ye yoman kerenenmo yarenub awinenem.” andimaib.

Matyu 27:46

3 oklok yaa doruuna, Yesu kankoone baandoon, “Eli, Eli, lama sabaktani?” andoon ye weng id kuu “Ne God, ne God, komandewed ne domowewen?” andoon.

Maak 15:34

Kwane, Yesumbed naawon komkoon, “Eloi, Eloi, lama sabaktani?” andoon ye weng id kuu “Ne God, ne God, komandewed ne domowewen?” andoon.

Yesu Ye Weng Amun Lukbed Wongkoon 22:44

Kwane, Yesu ye niindem aom kuu miin yiminban keroon kowe, kwane aromkonomo kurikuri kamemboroon. Kwane, kamene nimin ok kuu umkan areb okad yiri kiroboon.

Yesu Ye Weng Amun Lukbed Wongkoon 24:44

Kwane, yembed yi yaa yedmoon, “Anuk kuu ne kuu yiib yoom doburuwen kuu kekee dakmaan, Moses ye amob wengiib profesidan yi wengiib kurikuri yokiib yaa weng korem ne dowad wongkiwen kuu anam id keraneen.” andoon.

Hibrudan 13:5

Yiib kuu od yaa meenmembere dowaken darewoob keendimami kuu korondekorib, yiib yaa komo dangoon kuu yimin ande kuyaambed awine dobirime, amborom kuu Godbed kwane yedmoon, “Ne kuu yiib yaa domondainban, ne kuu yiib yaa korem korondainban.” andoon kowe.

Hibrudan 5:7

Yesu okad yiri doboroon yaron kuu yembed naawonmo ameng kamiyiib inok wiyiib kamoon kumbed kurikuriyiib kaamoniyiib kuu bangkanoon, ayiwed bobnimbon yaa burudande nendaneen kuu yimin ye God yaa. Kwane, Godbed ye weng wengamboroon, amborom kuu Yesu kuu yekareb kankubune aningko kankooniyiib God ye dowaken yaambed doberembirimaan.