Yook 2:12 - Yomgkom

¹² Ye Dana Mingki yaa bumangke yaningko kankoonime, kwanaibban kuu arud wandene, yiib wadkeri kuu wedyambed nare monmaraneen. Amborom kuu ye arud kuu kudmeniibban yurendimaan kowe. b Kane kane kuu Dana Mingkimbed kukbimaanbon aombed dobaraniib kuu yi korem kuu amun kerundaneen kii.

Yook 2:12 ပူးပေါင်းရင်းမြစ်များ

Andowoon 41:40

eb kuu nembed ne ambibkindaniib ne korok korokiib ye korok nenkowaniine, eb weng kondaneeb kuu eb wengmo awine kandaniib. Nembedmo kuu eb korok kii.” andekore,

Yook 1:6

Amborom kuu Yarimanbed yorokmodan yi dobiri kiwaan kuu oone wedme kerendobirimaan, kumban arewa kamidan kuu monmari ye kiwaan ari weniib.

Yook 109:20

Ne yaa ambarakmoon kii ande dedmowe yedmewidan yaa kuu weng anuk angkeen kuu Yarimanbed kwane kamok, ne yaa weng arewa daawimaibdan yaa kui.

Yook 2:5

Kwamekore ye norin arud yaambed yi yaa ongkandimaan. Kwane, ye arud darewoob yaambed yi yaa uniwon karakwon kerundimaan.

Yook 2:7

Kuye Kingbed yedmoon, “Nembed Yariman ye amoweng kee baande daandaniin kei. Yembed ne yaa yedmoon, ‘Eb kuu ne Dana, kibikee ne kuu Ewambe keraan kii.

Yook 31:20

Ebbed kukbimaabbon aombed doriibdan kuu nimakarub yi wunonwanon kamiib yaambed ben eb kerebiri ari nongkobe oonimaab. Ebbed kukbimaabbon aombed doriibdan kuu kadwoni weng yaambed ben eb oonimbon aom nongkobe oonimaab.

Yook 34:8

Yariman ye inamen ye ambod kande wedme amun kai kii andime. Kane kane yembed kukbimaanbon aombed dobaraniib kuu amun kerundaneen.

Yook 34:9

Yarimanbed karadmo kerundoondan, yiib kuu ye yaa une bumangkime, amborom kuu ye yaa une bumangkidan kuu yi yaa kuu ma dowan keraanban.

Yook 40:4

Kane kanembed Yariman yaambed yone dobiriwen kuu amun kerundoon, yi kuu kerengkandan yaambed yone dobirindo, God anam yaa koronde dudi god yaa winiwendan yaambed yone dobirindo kui.

Yook 84:12

O Ana Nangmidan Yemoon Ye Yariman, eb yaambed angkumone doreenman kuu amun kerunewen kii!

Yoon 14:6

Kwane, Yesumbed inandoon, “Nembedmo kuu kiwaaniib anamiib wadkeriyiib. Ambe yaa wananiib kuu ne yaambed dore dangkoro wananiib, kumbedmo.

Yoon 5:23

Kwanoon ye dowad kuu nimakarub korem kuu Awodki yaningko kankoonimaib areb kwane, Dana Mingki yaningko kwangkon kankoonime anded. Dana Mingki kuu Awodkimbed nenkowoona monoon kowe, kane kanembed Dana Mingki yaningko kankoonokban kuu Awodki yaningko kwangkon kankoonokban keriwen.

Romdan 10:11

God Ye Weng Karadmo aombed kekamune yedme wongkoon, “Kane kane ye yaa anam andaniib kuu karak bobnaibban, bobni yaa burudande bindaneen kowe.” andoon.

Romdan 9:33

God Ye Weng aombed kekamune yedme wongkoon, “Kedi, Saiyon aom kuu bot areb karub nenkowaan kumbed nimakarub yi boknandimbon keroon. Kukuu dumnad areb kumbed manmo kerimaib. Kwane, kane kane kuu kuye karub yaa anam andaniib kuu yi anam andi kuu idiibmo keraneen.” andoon.

Efesusdan 1:12

nubdin Keresu ande meedmuubdan kuu ye nambiri yaa kube kankoonime anded.

1 Pita 1:21

Yesu yaambed yiib kuu God yaa anam andiwen. Godbed ye nen demboone wadkeroone nambiriyiib konoon. Kwani kowe, yiib anam andiyiib anam id keraneen ande meedmiyiib kuu God yaambed kii.

1 Pita 2:6

Kedi, God Ye Weng Karadmo aombed yedmoon kuu, “Kedi, nembed Saiyon ye siti aombed ambib kumundin amun yenbi ye dongka bot kowaan, kukuu nembed kinaan ye bot, bobne kombaraan ye bot kui. Kowe, kanembed ye yaa anam andaneen kuu, karak kandaanban.” andoon.