Yook 19:13 - Yomgkom

¹³ Eb deme karub nembed kwane inamen ongme ambarakmaniin andaka ebbed kebenewe. Korondaawe kuye ambarakmi kuu ne yaa oonewaan. Kwananeeb kuu karub maambed ne yaa ambarakmoon ande kadwoniyiibban keraniin, kwane ebbed wengyunde miin wabkad kerewen andaabban.

Yook 19:13 ပူးပေါင်းရင်းမြစ်များ

Andowoon 20:6

Godbed kiyuum angkambed Abimelek yaa yedmoon “Ee, nekaadkeraan, eb kuu inamen amunmo kerewen kowe, ebbed ne yaa ambarakmaab andid kuu kebenaan, angkon yu yaa badmendaab andid kuu kebenaan.

Yook 11:7

Amborom kuu Yariman kuu yorokmo, ye dowaken darewoob kuu yorokmo kamime anded, kwane kangdommo doriibdan kuu ye murubia wedmaniib.

Yook 119:133

Eb weng yaambed ne yon dodkanmo wini kerekmen yaa kangkadmewe. Korondaawa ambarakmimbed ne yaa ma oone dobaraan.

Yook 18:23

Ye yekaad ne kuu karub maambed ambarakmoon ande kadwonimokban, kwane ne kuu ambarakmi yaa kangkadmimain.

Yook 7:10

Ne dorondandi ye kombe kuu God, kaneya yi niindem aom kuu kangdommo kuu yembed ben burudande obonmo kerundimaan.

Yook 84:11

Amborom kuu Yariman God kuu aron ye nambiri areb, ye kuu kombe areb, Yariman kuu kubi dowakeniib aningko kankooniyiib bangkandimaan. Komo komo amun kuu yeka kirim kere amuknindo, kane kane kangdommo doriib kuyaa kwane bangkandimaan.

Kwamiwen 24:16

Kwana kowe, ne kuu karub yi arinambo ariyiib God ye arinambo ariyiib kuu ne meeni dobiri inamen kiwaan korem kuu ma ambarakmain ande kamimain.

2 Pita 2:10

Anamaa, id ye dowaken ye inamen arewa ye yoman winiwendan kuyiib korok korok yi aromkono kuu nongdomatom yeman andimaibdan kuyiib yaa kuu Godbed ukum ariyiibbed kwamune kerundaneen. Dudi ye kedmengkandi korok korok kee, yi kuu arudkonomo, yi kuu nubka nubbedmo yimin ande kerengkan kamimaib, yi kuu Ewen ari doriibdan yaa wengamborokbanabi kuu yi kuu unimokban.