Yook 17:3 - Yomgkom

³ Eb kuu ne niindem aom wedmene amnoombed andangkewe, kombon darobewimaab kumban ambarakmi maa ma wedmaabban. Ne inamen kowaan kuu ne wengbed ambarakmain andaan,

Yook 17:3 ပူးပေါင်းရင်းမြစ်များ

Yook 11:5

Yariman kuu yorokmodan yi niindem aom andangkimaan, kumban arewa kamembiridaniib yenbandi yaa dowaken keriwendaniib yaa kuu ye kingkinbed arud wandembirimaan.

Yook 119:106

Ebbed dakmewen ye amob yorokmo kuu awina ande kowaan, nangkon ee anam kwane awinaniin andaan.

Yook 139:1

O Yariman, ne kuu ebbed andangke darobeweneb kaadkeruwewen.

Yook 139:23

O God, ne yaa kuu andangke darobeneb ne niindem aom kuu ebkaadkere. Kwane komboon kaamobeweneb ne inamen kabakanabi yi meendobi kuu ebkaadkere.

Yook 16:7

Ne kuu Yariman yaa kubaniin, yembed kedmengkawimaan kowe, kwane amnoom kangkon ne inamen meeni ye kiwaan kumbed inamen amun korokbewimaan.

Yook 26:2

O Yariman, ne inamen andangke. Kwane, ne nen komboon darobewe. Ne dowakeniib inameniib kuu wengyunde.

Yook 39:1

Nembed yedmaan, “Ne dobiri kerekmen kuu nekareb kangkadmaniin, kwane ne weng dakmi yaambed ambarakmain. Arewa kamidaniib ne arinambo ari keraniibbed kuu weng ma dakmainban.” andaan.

Yook 66:10

O God, ebbed nub yaa komboon kaamobendewen, kwane bot silvaa nengke yankorenmo kerok andemoon areb ebbed nub kuu darobendewen.

Yook 7:4

Ne angkodmi nende ye bondan yaa kondaan dee? Ne yaa manmo keroonman kuu idiibban kumbed anbande ye yiribman yid baan dee? Dowan!

Kwamiwen 11:23

Baanabas kuu karub amun, ye kuu God ye Kingkin Karadmo ibenooniib anam andi darewoowiib, kui. Kowe, wene Antiok nandekore, wedmoon kuu anam, nimakarub kibireb anam andiwen yaa kuu Godbed amun kerundoon kowe, kubiyiibbed yi yaa andemendoon kuu niindem aom kangdommo kere God yaamo meenimo dobirime kwane ande dakmoon. Kwane, weng amuniib dakmenaboone, nimakarub yemoon bin Yariman ye kiwaan yiri benmonoon.

Kwamiwen 16:9

Amnoombed Pool wane wedmoona Masedonia karub dorone ye yaa naawon nangkaneen, “Masedonia angka mene nub awande.” andoon.

1 Korindan 4:4

Ne inamen awini ye kiwaan kuu yorokmo, ma aadikmiyiibban, kumban kwamune keraan kuu God ye indob arimbed ambarakmiyiibban keri yemanban. Anam kuu wengyundawi ye karub kuu Yariman Yesu kii.

2 Korindan 1:12

Kwane, nubbed kerengkande dakmuub kuu kei, nub komo kamuwen ye kiwaan korokbendoon kuu, okad kiri doburuweniib yiib yoom doburuweniib kuu inamen karadmoyiib aadidmiyiibban ye inameniib God yaambed meneboon kumbed ambangke doburuwen, anamaa, yiib yoom doburuwen kuu kwamunemo kuda. Kwanuwen kuu okad kiri ye meeni kangdom ye kerekmen yaambedban, Godbed kabamoon kondoon ye mimyob dowaken ye kerekmen yaambed kui.

Yems 3:2

Nub korem kuu kiwaan yemoon yaambed ambarakmi yaa kombirimaub. Karub kanembed weng arewa ambong ma yedmindo keraneen kuu, ye kuu demkoronmo ye karub, yeka yemeren kangkadme korobe oonimaan ye karub kui.

1 Pita 1:7

Kwane meneboon kuu yiib anam andi kuu anam ande korokbi ye dowad. Kwane anam ande awinaniib kuu Yesu Keresu dian keraneen yaron arimbed aningko kankooniyiib nambiriyiib aningko darewoob ariyiib Godbed bangkandaneen. Kedi, yiib anam andi kuu amotbed dene karadmo keroon ye bot gold burudandoon, amborom kuu aron yeenbon arimbed Godbed gold kuu monmaraneen kowe.