Yook 142:4 - Yomgkom

⁴ Ne wiwi angka wedme. Karub mim maa ne dowad ma meenewindo. Ne nen kukbimaan ye karub maayiibban dowan, ne wadkeri dowad kangkadmi ye karub maayiibban dowan.

Yook 142:4 ပူးပေါင်းရင်းမြစ်များ

Yook 1:6

Amborom kuu Yarimanbed yorokmodan yi dobiri kiwaan kuu oone wedme kerendobirimaan, kumban arewa kamidan kuu monmari ye kiwaan ari weniib.

Yook 140:6

O Yariman, “Eb kuu ne God.” ande yedmimain. O Yariman, ne yaa mimyob keewe awawe ande baandaan kuu wengamberewe.

Yook 141:9

Ne kuu yi kawaad nong ne dowad ben nongkobiwen kuyaambed nen burudande angka kowe. Ne kuu arewa kamenabidanbed ne kiwaan arimbed awinenok ande nongkobiwen kuyaambed nen burudande angka kowe.

Yook 143:4

Kowe ne niindem aom kuu wuudne miin yiminban keraan, kwane ne mimyob kuu unimbed yidne wonoon.

Yook 31:11

Ne kuu bondan yemooniib kowe nimakarub kuu ne dowad miin arewa ande ambodiibban keruwiwen, ne dia doriibdan kuu kuye inamen burudande ne yaa odkeneb anam keriwen. Nangkodmia kuu uni darewoob keruwiwen, kwane kane kane kiwaan arimbed wedmewimaib kuu kirokmone winimaib.

Yook 69:20

Damangkawiwen kumbed kubiyiibban kereni ne niindem aom miin yiminban keraan. Mimyob keewidan ande onmaan kumban ma wedmindo, kwane ne mimyob wandi kankubunidan ande onmaan kumban ma wedmindo.

Yook 88:18

Eb kuu yubudkawidaniib nangkodmiayiib kuu ben ambab angka nongkobewen, kwane kumun aommo nembirimo keraan.

Yook 88:8

Ebbed ne angkodmia kuu ambengkandeneb ongmeweewa yi kuu ne yaa akmendanduwiwen. Ne kuu wii aom kaanemoon areb kereni bunangka angkadirinban keraan.

Matyu 26:56

Kumban kee kwane weneen kuu profesidanbed kuye dowad kurin God Ye Weng Karadmo wongkiwen kuu kwane anam id kere kwanoon kii.” andoon. Kwane kuyaambed ye kedmengkandeendan kuu Yesu koronde kirokmone wenebiwen.

2 Timoti 4:16

Ne kangdod weng ibduruk dakmaan yaa kuu karub kanembed mene ne yoman ma dore awawindo, kwane no domowe kirokmone wenebiwen. Kumban yi ambarakmi kuye kakman kuu arok.