Yook 14:3 - Yomgkom

³ Kumban yi korem kuu amonombe yangmad kere kimyen wenebiwen, kwane yi kuu ibonmo yorokmoyiibban unitab keriwen. Yi mim kuyaa kuu kanembed ma amun kamimokban, korem dowan kai.

Yook 14:3 ပူးပေါင်းရင်းမြစ်များ

Andowoon 6:12

Godbed wedmoonka nimakarub yi dobiri korem kuu ambarakmimo.

Yook 119:176

Ne kuu sibi biknemoon areb awerendobenmo yarebiin kowe, eb dememan ne dowad mene kerekne onme, amborom kuu ne kuu ebbed kwanime andi ye weng kuu ma nonondandimokban kowe.

Yook 14:1

Inameniibbandan kuu yi niindem aom kuu “Godiibban, dowan.” ande yedmimaib. Yi kuu yorokmomban, unitab, yi ambangki kuu komyengiib, yi kuyaa mimo kanembed ma amun kamimokban.

Yook 143:2

Eb dememan ne kuu wengyundi dowad nen wanaab, amborom kuu eb arinambo ari kuu karub maa ma yorokmo dobirindo kowe.

Yook 38:5

Ne yaa kad yaa bobbob kuu yingkenabe miin arewa keroon, amborom kuu inameniibban kamaan kowe.

Yook 58:3

Arewa kamidan kuu yi wooniwen yirimbed kwane abdon yaa winimaib, yi dana mana yaambed kwane wabkad kere dudanabimaib.

Romdan 3:23

amborom kuu nimakarub korem kuu ambarakmenib, God ye nambiri ari daane nandindeban kowe.

1 Korindan 6:5

Ku yedmaan kuu yiib karak kondi yeman. Yiib kuyaom kuu karub maa kanembed meeni kangdomiib kere anam andiwendan aom ma wengyundandindeban kuu anam kerandameenoo?

2 Korindan 7:1

Mimyob dowaken keendaandan, yiiwa nuwa kuu kuye weng kunduk buwen kowe, nub idiib kingkiniib yaa arewa kerundoka nub kuu God yaa arewa keri yeman korem kuyaa koronde inamen karadmo awinem. Kwanenub wene nub karadmo dobiri kuu demkoronmo kerem, God yaa une yaningko kankooni dowad.

Efesusdan 2:3

Anuk kuu nub korem kuu yi yoom ibmo doburuwen, nub kuu id ye dowaken ye moom yaambed mikmone doberemberenub kuye inameniib meeni dowakeniib ye yoman winimaub. Kuyaron kuu nub kuu okad kiridanmo kowe, nimakarub yena areb God ye norin aom wunuwen kii.