Yook 139:1 - Yomgkom

¹ O Yariman, ne kuu ebbed andangke darobeweneb kaadkeruwewen.

Yook 139:1 ပူးပေါင်းရင်းမြစ်များ

Yook 139:23

O God, ne yaa kuu andangke darobeneb ne niindem aom kuu ebkaadkere. Kwane komboon kaamobeweneb ne inamen kabakanabi yi meendobi kuu ebkaadkere.

Yook 17:3

Eb kuu ne niindem aom wedmene amnoombed andangkewe, kombon darobewimaab kumban ambarakmi maa ma wedmaabban. Ne inamen kowaan kuu ne wengbed ambarakmain andaan,

Yook 44:21

anam kuu God kuu kuyaa wedme yekaadkeroon karen, ye kuu biknoon ye inamen korem yekaadkeroon kowe.

Yoon 21:17

Kwane Yesumbed ayoobmim kaamonoon, “Saimon, Yoon ye mingki, mimyob dowaken keewimaawoo?” andoon. Pita kuu kubiyiibban keroon, amborom kuu Yesumbed “Mimyob dowaken keewimaawoo?” ande kaamobene ayoobmim keroon kowe. Kwane, Pitambed yedmoon, “Yariman, komo komo korem eb ebkaadmo. Eb ebkaad ne kuu eb yaa mimyob dowaken keebdimain kii.” andoon. Kwanandoone, Yesumbed yedmoon, “Ne karuwa nimaya awande aromkono konde.

Hibrudan 4:13

God ye indob ari kuu kumkam korem ongmenaboon kuu komombed ma biknindo. Ye yaambed nub komarewa doburuwen kuu dakmanuub ye God ye indob ari kuu inamena meeniya kumkam korem kuu dianmo kwane dange weneen.

Korokboon 2:18

“Weng kee anam andiwendan Taiyatira aom doriib yi engyu yaa ande kowandamaan kowe wongke. “God ye Mingki kui, ye indob kuu amot yumbu areb, ye yon kuu broons od murubkob yeweb kwamune areb kawurimbonmo kuu ne kei. Ne weng kuu kei.

Korokboon 2:23

Kwane, nembed yu yoman winiwendan kuu yaniine yoworaniib. Kwananiine, anam andiwendan korem kuu yikaadkeraniib kuu, nimakarub korem yi inameniib meeniyiib kuu yekaadmo ye karub kuu ne kei, nembed nimakarub korem mimim kuu komarewa ambangkoon kuu kwanemo ingkandaniin kii.