Yook 132:9 - Yomgkom

⁹ Eb dore Yuudan dore wedyiri dobiridan kuu ongmendebko yorokmo kiwaanbed dobirime, kwane ebbed yorokmo kerundewendan kuu kubi ye yook wingkime.

Yook 132:9 ပူးပေါင်းရင်းမြစ်များ

Yook 104:1

O ne kingkin, Yariman yaningko kankoona. O Yariman ne God, eb kuu darewoob arimbed, kwane eb kuu nambiriyiib dobiri manimanandewiib inwarewen.

Yook 132:16

Ne dore Yuudan dore wedyiri dobiridan kuu ongmendaniina arewa yaa burudande bindi kerekmen yikaadkeraniib, kwane yu karadmodan kuu kubi yook naawonmo wingkaniib.

Yook 149:5

Yorokmodan kuu kwane kondaneen kuyaa kuu kubi darewoowiib kerime, kwane yi angkimbon arimbed kubi yook wingkime.

Yook 47:1

Ambibkin koremdan, yiib dingki wangkime, God yaa kubiyiibbed baandime.

Yook 68:3

Kumban yorokmodan kuu dowakenmo kerenib, God ye murubia ari kubime, kwane yi kuu kube ningyak kowime.

Yook 70:4

Kumban kane kanembed eb ande onmiibdan kuu, eb yaa dowakeniib kere kubime, kwane kane kanembed bobni yaa burudande bindi ye kiwaan ebbed ongmewen kuyaa dowaken darewoob kowiwen kuu, kekane yedmimamime, “God yaningko darewoob arimbed kerok!” andimamime.

Yook 93:1

Yariman kuu oone doreen, ye kuu ebkad doboob inwaremoon areb dobiri manimanandewiibmo doreen. Yariman kuu aromkono kan ebkad doboob inware kobaiknong boronemoon areb awine doreen. Okad kuu kan ongme kowoone yumbon kamkonoyiib kereen, kowe kan dewenebinban.

Romdan 13:14

Kumban Yariman Yesu Keresumbed kan derenime. Kwane, id ye dowaken kuu ma awine kamaib, kuyaa meeni maa ongmaib.

1 Pita 5:5

Keweda koyuya, yiib kangkon aamkono aamkono yi dabderem aom dobirime. Yiib korem kuu yiibkanmo yaa kerengkaniibban kankubune yirimbed dobirime, amborom kuu God Ye Weng aombed yedmoon, “Godbed kerengkandan yaa manmo kerimaan, kumban yika kankubune yirimbed dobiridan yaa ye kabamoon kondoon ye mimyob dowaken kondimaan.” andoon.

Korokboon 19:8

Ebkad amun yeman kawanmo dangkorong koroomiibban kuu, yu inwari dowad bangkandiwen.” andiwen. Ebkad amun yeman kawanmo ye id kuu God ye karadmodan kami yorokmo ambangkiwen kui.