Yook 121:7 - Yomgkom

⁷ Yarimanbed eb kuu nen amukmo biknaneen kowe kumkam maambed aanban, kwane eb wadkeri yaa kuu oone kerenombaraneen.

Yook 121:7 ပူးပေါင်းရင်းမြစ်များ

Andowoon 28:15

Kedi, ne kuu eb yaa dore awabdimain kowe, ebbed kuna yaa wananeeb kuu keebdombereni, angkon nembed eb kuu okad keyaom ika nenmananiin. Ne kuu eb yaa domobdainban, nembed eb yaa komo yedme kowaan kuu kwananiin.” andoon.

Yook 145:20

Kane kane yi kuu Yariman yaa mimyob dowaken keenimaib kuu yembed yi yaa kerendombere oonendimaan, kumban arewa kamenabidan korem kuu yembed monmaraneen.

Yook 34:22

Kumban Yariman kuu ye demedan biddimaan, kwane kane kane yembed kukbimaanbon aombed dobaraniib kuu yembed wengyunde ukum kondaanban.

Yook 41:2

Yarimanbed ye nen dorondarene ye wadkeri kande kukbaneen, kwane ye kuu okad yiri dobaraneen kuu Yarimanbed amun kerunaneen, kwane ye bondanbed yi dowaken yaambed ye yaa komo kamenandamiib kuyaa kuu Yarimanbed domonenaanban.

Yook 97:10

Yariman yaa mimyob dowaken keenimaibdan, arewa yaa kuu wangdandunime. Kedi, ye kerekmen yaambed doriibdan kuu yembed dorondarimaan, kwane yi kuu yembed miin arewadan yi aromkono aom ben angka nongkobimaan.

Matyu 6:13

Kwane, ambarakmaniib dee andi ye kiwaan ari nub ben nongkobaab. No kwane awad arewambed nub yaa manaan ye dowad kuu nub benkoobe.’ kwane andime.

Romdan 8:28

Kwane, nub nubkaad kumkam korem yaambed kuu Godbed amun amun kerundi dowad ambangkimaan, kane kane God yaa mimyob dowaken keeniwendan yaa. Kukuu ye inamen dowaken ye kerekmen yaambed baandoondan yaa kui.

2 Timoti 4:18

Kwane, arewambed nenbandi korem kuu Yarimanbed dorondare awawene ne amunmo kwane nenwene Ewen yembed oonoon aom kowaneen. Ye yaa nambiriyiib kerok, aron korem korem yeman. Anam kwanok.