Yook 120:1 - Yomgkom

¹ Ne yaa dabab monoon kumbed Yariman yaa baandaane, yembed inanduwoon.

Yook 120:1 ပူးပေါင်းရင်းမြစ်များ

Yook 102:2

Ne yiminban kere eb yaa baandaka eb murubia ne yaa kuu kan yeknaab. Eb kerendem kuu ne yaa kowe wengamberewe. Kwane eb yaa baandaka kirod inanduwe.

Yook 107:13

Kwanekorib dabab kandiwen ye dowad Yariman yaa baandiwen, kowe yembed yi miin yiminban keriwen yaa kuu awandoon.

Yook 118:5

Ne niindem aom kuu miin yiminban keroon kumbed Yariman yaa baandaana, ne yaa inanduwe ne nen burudande obon kere ongmewoon.

Yook 121:1

Ne awawi kuu kuna yaambed mananeen ande kaamoneni, ne indob kankoone aangko aangko ari kereknain kii.

Yook 122:1

“Yariman yambib yaa wenem.” anduwiwen kuu ne kuu kubi darewoob keraan.

Yook 123:1

O Ewen arimbed dibere oonimaabman, eb yaa ne indob kankoonimain.

Yook 124:1

Israeldan kuu kekane yedmime, “Yariman kuu nub kerekmen yaamban karen.” andime.

Yook 125:1

Kane kane yi kuu Yariman yaa angkumone doriib kuu, aangko Saiyon areb keriwen, kiringmindeban ye aangko kui, kwane aron korem angkimbaranuun.

Yook 126:1

Nub kuu bondanbed benwiniwen kumbed Yarimanbed ikakman Saiyon yaa benmonoon kuu, nub kuu kiyuum wanabemoon areb kamuwen.

Yook 127:1

Yarimanbed ambib kuu yenbokban keraneen kuu, ambib yenbidanbed yi deme kuu idiibban dawangmo keraniib. Yarimanbed siti kuu oone kerekborokban keraneen kuu, oone kerekbiridan yi kerekbiri kuu idiibban dawangmo keraniib.

Yook 128:1

Yariman yaa unimaibdan korem kuu amun kerundoon, ye kiwaan ari weniibdan kui.

Yook 129:1

Israeldan kuu kekane yedmime, “Ne kewed yaambed mene kibikee yimbed dabab yemoon bangkawiwen.” andime.

Yook 130:1

O Yariman, ne miin yiminban keraan ye niindem aombed eb yaa baandaan.

Yook 131:1

O Yariman, ne niindem aom kuu kerengkan kerindo, angkon ne korok kankoone nembedmo yimin andokban, kwane ne burudande arimbed keriwendan inamen ongmiwen kuyaa kuu ne kuu ma wingkanambengkan kamindo, kwane ne inamen burudande arimbed keroon ye inamen kuyaa kangkon ne kuu ma wingkanambengkan kamindo.

Yook 132:1

O Yariman, Dewid kuu ika meene. Yobdood wedmenaboon korem kuu ika meene.

Yook 133:1

Kedi, ayiyambed mene wengbiriyiibban weng mimo kere ibmo dobiri kuu amun angkon manimanandeb kii.

Yook 134:1

Yariman ye demedan, yiib kuu Yariman ye aningko kankoonime, kane kane Yariman ye kurikuri boyambib aom amnoombed ambangkimaib kui.

Yook 18:6

Ne mimyob wande miin yiminban keraan kumbed Yariman yaa baandaan, kwane ne God yaa awawok ande komkaan. Kwane, ye kurikuri ambib aombed ne weng kuu wengamboroon, ne baandi kuu wene ye kerendem aom aomnoon.

Yook 50:15

Dabab aron aom kuu ne yaa baandime. Kwananiib kuu nembed yiib ben burudande angka nongkobaniine ne aningko kankoonaniib.” andoon.

Yook 50:23

Kane kane ne yaa eso andi dowad munob bangkawimaan kuu ne aningko kankoonimaib, kwane kane kane yorokmo dobiri ye kiwaan ari doriib kuu nembed bobni yaa ben burudande bindaniin.” andoon.

Yesu Ye Weng Amun Lukbed Wongkoon 22:44

Kwane, Yesu ye niindem aom kuu miin yiminban keroon kowe, kwane aromkonomo kurikuri kamemboroon. Kwane, kamene nimin ok kuu umkan areb okad yiri kiroboon.

Hibrudan 5:7

Yesu okad yiri doboroon yaron kuu yembed naawonmo ameng kamiyiib inok wiyiib kamoon kumbed kurikuriyiib kaamoniyiib kuu bangkanoon, ayiwed bobnimbon yaa burudande nendaneen kuu yimin ye God yaa. Kwane, Godbed ye weng wengamboroon, amborom kuu Yesu kuu yekareb kankubune aningko kankooniyiib God ye dowaken yaambed doberembirimaan.