Yook 111:1 - Yomgkom

¹ Yarimanbed ye aningko kankoonime. Ne kuu ne niindem aom kumundin kumbed Yariman yaa eso andaniin, kangdommo doriibdan nedbimaib aombed.

Yook 111:1 ပူးပေါင်းရင်းမြစ်များ

Yook 103:1

O ne kingkin, Yariman yaningko kankoona, ne niindem aom kumundiniib ye aningko karadmo kankoona.

Yook 106:1

Yariman yaningko kankoonime! Yariman kuu amunmo kowe, ye yaa eso andem, amborom kuu ye womoniyiibban ye mimyob dowaken kuu aron korem angkimbaraneen kowe.

Yook 106:48

Yariman, Israeldan yi God, ye aningko kankoonem, aron korem anuk doberewenbed mene aron korem ambab ari dobaraneeb kumaom kuu kwane kamem. Nimakarub korem kuu yedmime, “Anam kwanok.” andime. Yariman yaningko kankoonime.

Yook 107:32

Kwane yi kuu nimakarub nedbimaib aombed ye aningko kankoonenib, aamkono aamkono nedbimaib aombed ye aningko kankoonime.

Yook 108:3

O Yariman, ne kuu ambibkin korem aombed eb yaa eso andaniin, kwane ne kuu ambibkin maa maadan aombed ewaningko kankooni ye yook wingkaniin.

Yook 109:30

Ne mongkodkonombed Yariman yaa eso darewoob andunaniin, kwane kadaareb yemoon kidangkambed ye aningko kankoonaniin.

Yook 138:1

O Yariman, ne niindem aom kumundiniib kumbed eb yaa eso andaniin, kwane god yena yi arinambo arimbed eb yaa wingkani ewaningko kankoonaniin.

Yook 149:1

Yariman ye aningko kankoonime! Yariman yaa yook yeeb wingkime, kwane yorokmodan kuu nedbe ye aningko kankooni dowad yook wingkime.

Yook 22:23

Yariman yaa unimaibdan, yiib kuu ye aningko kankoonime! Yekob yawoya korem, yiib kuu ye yaa nambiri konime! Israeldan korem, yiib kuu ye yaa bumangkime!

Yook 22:25

Ebbed ne niindem aom kubi kerunaneewe kadaareb nedbiwen aom ewaningko kankoonaniin. Eb yaa bumangkiwendan yi arinambo arimbed kwananiin ande amob ongmaan ye weng kuu anammo kwane keraniin.

Yook 35:18

Kee kwananeeb kuu kadaareb nedbiwen aombed eb yaa eso andaniin, kwane kadaareb yemoon aombed ewaningko kankoonaniin.

Yook 89:5

O Yariman, binangke eb yaa anam andi yeman ongmenabewen kuyaa kuu Ewen aridanbed miin amun yeman andimaib, kwane eb ma korondiyiibban eweng awini ye kerekmen kuu karadmodan nedbenib miin amun yeman andimaib.

Yook 89:7

Karadmodan nedbimaib kuu yi korem God yaa uni darewoob kerimaib, kwane yembedmo kuu unimbonman, kwane kane kane ye yaa awanewandiwendan korem kuu ye arebban.

Yook 9:1

O Yariman, ne niindem aom kumundin kumbed ewaningko kankoonaniin, kwane binangke eb kuu anam andi yeman korokbendewen kuu dakmaniin.