Yook 104:24 - Yomgkom

²⁴ O Yariman, eb ambangkenabi kuu yemoon kai. Eb kuu meeni kangdommombed korem ongmenabewen, kwane okad kwari kuu ongmenabewen ye kumkam kuu yemoonmo muubniwen.

Yook 104:24 ပူးပေါင်းရင်းမြစ်များ

Andowoon 1:31

Godbed ongmenaboon korem yaa wedmendekore, “Korem amun yeman kii.” andoon. Mirikne ware amkimo keroone, aron benme keroon.

Yook 107:24

Yi kuu Yariman ye ambangkanabi wedmiwen, binangke ye yaa anam andi yeman karamok niindem yiri ongmenaboon kui.

Yook 107:31

Yi kuu Yariman ye womoniyiibban ye mimyob dowaken ye dowad ye yaa eso andime, kwane binangke ye yaa anam andi yeman ongmenaboon ye dowad kangkon eso andime.

Yook 136:5

Ye meeni kangdombed Ewen ongmoonman yaa kui. Amborom kuu ye womoniyiibban ye mimyob dowaken kuu aron korem kwane angkimbaraneen.

Yook 148:7

Okad arimbed Yariman ye aningko kankoonime, karamok ye omyereyiib karamok niindem yiri doriib ye dingkaniib

Yook 24:1

Okad korem kuu Yariman yeman, okad ari kumkam korem kwangkon. Bid yimin yimin kuu yeman, kane kane okad ari doriib kwangkon.

Yook 40:5

O Yariman ne God, binangke eb kuu anam andi yeman korokbewen kuu yemoon. Ebbed nub dowad komo komo meene ongmenabewen kuu, karub maambed angkon ika eb yaa kimingkaanban. Kuye dowad nembed dakmenabaniin kuu, dakme dowan kerindeban, yi kuu yemoon kowe.

Yook 65:11

Weeb mimim aom kuu yongbon kuu ebbed ongmaawe animan yemoon kaimbed wandimaib, kwane kuna kuna wenebimaab kuu animan id yiminmo kerundimaab.

Yook 8:3

Ambidiib Eweniib kuu ebman, eb dingkimbed ongmenabewen, kwane woodiib mindongiib kuu ebbed ongmenabe nongkobewen. Kuyaa wedme meendobimain kumbed

Yook 92:6

Inameniibbandan kuu yikaadban, awon korokdan kangkon kaadkerindeban yeman kukei,

Romdan 11:33

God ye meeni kangdomiib ye kaadkeriyiib ye amun amun yemoon kuu darewoob arimo kii! Ye wengyundi kuu karubbed ma andangkindeban, kwane ye meeni ye kiwaan kuu karubbed ma onme wedmindeban kii!

Efesusdan 1:8

God yeka ye kabamoon kondoon ye mimyob dowaken darewoob kumundinmo kuu, inamen kangdommo koremiib kaadkeri koremiib nub yaa kondoon.

Efesusdan 3:10

Kuye dowad kuu God yeka ye inamen kangdom maa maa yemoon kuu anam andiwendan yaambed Ewen ari ye korok korokiib deme aromkono bangkandoondaniib yaa kuu korokbendaneene yikaadkeraniib.

1 Timoti 6:17

Yiribman yemoondan okad kiri doriib yaa kwanime ye weng kee daande. Kerengkan kamaib, angkon komarewa keraneen ye dowad nub yiribmanbed nubka awandaneen ande meenaib, amborom kuu yiribman dowan keraneen keri yaron kuu yikaadban kowe. Kwani kowe, Godbed nub awandaneen andi ye meenimbed kowime, amborom kuu yembed nub kube dobiri ye dowad kumkam yiminmo bangkandimaan.